antxetamedia.eus

antxetamedia.eus jarioa-rako harpidetza egin
Eguneratua: duela 5 ordu 17 min

Donostia Hondarribia Talaia Trail igandean ospatuko da

Or, 03/22/2019 - 10:16

Bederatzigarren ekitaldia izango da, eta aldaketa gutxi emango dira. 1.3000 metroko desnibela, eta 500 korrikalarietara mugatuta, aurtengoan ere zozketa bidez banatu dituzte dortsalak, 1.084 lagunek izena eman baitutez. 500 partehartzaileetatik 55 emakumezkoak izango dira, %10ekoa lehen aldiz gaindituz.  Fortuna elkarte antolatzaileko Arantxa Rojok esplikatu digunez, emakumeen presentzia bermatzeko diskriminazio positiboa egiten dute.

Gutxieneko protzentaia %7an mantendu dadin erabaki hartu zuten aspaldi. Horrek esan nahi du, 35 ermakumek soilik izena emango balute ere, 35ak dortsala eskuratuko zutela zozketa kontuan hartu gabe.

Lasterketari eta trafikoari dagokionez, gogoratu gaur Harresilanda kaleko ibilgailuak kenduko dituztela, eta igandean 11:30etik 14:00etara Jabier Ugarte kaletik Alde Zaharra doazen ibilgailuen sarrera murriztuko dutela. Lasterketa Zimizargatik Muliatera sartuko da, handik Tximista kalera, San Nikolas Zubia zejarkatuta, aszken metroak Alde Zaharrea n, Leiba jenerala, Murrua kalea eta Santamaria ateuarrean zeharkatuta, Harresilandan helmugaratuko delarik.  Korrikalarientzat, aldiz, kezka nagusia mendian dago. Iker Oliveri hondarribiarrak hirutan irabazi du lasterketa, eta eguraldi ona egingo badu, lasterketa azkarra izango dela iragarri du. Nolanahi ere, Ulia eta Jaizkibel mendiaren artean, txalupa hartu behar izateak kezkatzen du.

 

 

 

30.000 bisitarien markatik hurbil geratu da museoa lehen aldiz

Or, 03/22/2019 - 10:07

Horietatik %25a bidasotarra bada ere, eskolartekoen bisitak eta bestelako jarduerak direla medio, Euskal Herriko eta kanpoko beste museoekin lankidetza sustatu izanak, erakusketa ibiltarien kalitatean izan duen hobekuntzak biszita kopuruaren emendaketan eragina izan duelakoan dira museoko arduradunak. Horren adierazle dugu, negu honetan milaka bisitari jaso dituen “Klima Aldaketa Historian Zehar” erakusketa, Bilboko Museo Arkeologikoarekin harremanetan, honek utzitako piezak jaso ahal izan dituztela, edota udazkenean Meridako museoarekin elkar-trukean, antolatutako “Mulieres” izenekoa. Marijo Noianekin xehetasunak

Txiplao arroko bizilagunak aterabide eske oraindik

Og, 03/21/2019 - 20:23

Hondarribian, Txingudiko Zerbitzuak eta Udalak berak, entzungor egin die azken 20 urteetan Txiplao errekaren arroko bizilagunei. Borja Jauregi alkate zen garaietan hasi ziren bizi duten arazoaz ohartarazten, eta 2017ko azaroan Txomin Sagarzazu alkatea eta Txinzer-eko kudeatzaileekin izandako bilkuran, argi utzi zieten, Guadalupe azpiko Postigu nekazal-etxetik Txiplao gaineko muinora bitartean bizi diren 125 etxebizitzetatik gora, Jaizkibel akanpaleku eta inguruan diren nekazal-etxeetako ur-zikinak Txiplaoko errekara isuritzen segitu beharko dutela.  Ur zikin hauek, usai txarrak eta arratoiak ekartzen ditu, baina arazo nagusia, Zumardiaren atzekaldetik Molla Ibilbideraino, eta hortik Bidasoa ibaira, kutsadura iturri onartezina dela diote bizilagunek.

Urte luzeetan Eusko Jaurlaritzak Bidasoa ibaian itsaskiak harrapatzeko debekua ezarri izan du, ecoli bakteriaren presentziagatik. Bakteria honen presentziak, uretan kakaren presentzia delatatzen duelako. Txingudiko Zerbitzuetatik hasi, eta AZTI erakundetik bukatu, azterketa sakonak egin izan omen dituzte kaka horren iturria zein zen jakiteko.  Baina iada bazekiten, eta bistan dena, ez dute lehentasunetan emana, arazoari konponbiderik ematea.  

Txiplao Errekaren Arroako Sanemendurako Auzotarren Kolektibo”ko kidea da, Juan Mari Arrospide. 

SPI udal taldeak, merkataritza politika kritikatu eta proposamenak luzatu ditu

Og, 03/21/2019 - 20:15

Irunen, Joan den astean Komertzio Txikia Biziberritzeko Plana iragarri zuen Udal Gobernuak, Gipuzkoako Komertzio Ganbara eta 225 merkatari biltzen dituen mahai sektorialarekin batera.  SPI udal taldeak, gaur komertzioa kinka larrian dagoen sektorea dela nabarmendu du, Udal Gobernuaren politika komertzialak kritikatu, eta aterabideak proposatu ditu. Irungo Gizarte Segurantzan altan emanak dauden langileen %23a, gaur egun, komertzioaren sektorearkein lotura dute. Baina garai bateko komertzio irundarraren loraldia iragan da. Horren irudiko, hiriko komertzioaren herena desagertu egin dela azken hamarkadan. Miren Etxebeste, SPIko idazkari nagusiak argi du, Udal Gobernu sozialistak azken urteetan ez duela jakin izan gaur egungo egoerari aurregiten. Gauzak honela, 11 proposamen biltzen dituen zerrenda bat aurkeztu du gaur SPIk. Komertzioari bultzada emateko. Haien artean, gune komertzialetako TAO eremu urdinetan aparkatzea lehen bi orduetan dohainik izatea, komertzio berriak sortzeko ohiko laguntza txikietatik haratago ekintzaileei mikrokredituak eskaintzea, egoera kaxkarrean aurkitzen diten Mendibil eta Urantzuko merkatuak zahar-berritu eta kudeaketa formula berraztertzea, Behobiako gune komertzial berria jasoko duen proiektuari behingoz behar duen bultzada ematea edota komertzio txikiari inpostuen apaltzea dira besteak beste, proposatzen dituztenetako batzuk. Nolanahi ere, Gipuzkoako Komertzio Ganbarak ohartarazi du, internet bidezko salmentak %25 emendatu direla azken bi urteetan Euskadin. Eta horrek eragin zuzena eta orokorra duela. SPIko ordezkarien arabera, aldiz, interneteko merkataritzak kontsumo ohituretan aldaketak ekarri dituen arren, badira ohiturak bideratzen dituzten erabaki politikoak ere. Esate baterako, Araso industrigunean, industriara zuzendutako eremu publiko batean, Mercadona bezalako saltegi komertzial handi bati baimena ematerakoan sortzen diren dinamikak.  Momentuz, 2013ko Komertzio Txikiaren Plana da indarrean dagoena Irunen. Baina esan bezala, egungo egoerari erantzun nahian, biziberritze plan berria osatzeko lanak esleitu berri ditu Udalak. Ez dute zehaztu noizko egongo den plan berria martxan jartzeko prest. Baina  Gipuzkoako Komertzio Ganbarak lan ildo edo ardatz nagusiak nabarmendu ditu.  

Amaiur Angiozar teknikariak azalpenak eman dizkigu

Hendaia Euskaraz eta datozen hitzorduak

Az, 03/20/2019 - 16:38

Hendaia Euskaraz hilabetearen azken astean sartzera goaz. Hainbat dira oraindik, ospatzeko hitzorduak. Besteren artean, umorearen haritik ere, martxoaren 29an, “Bakean dagoena bakean utzi” ikusgarria aurkeztuko dute Mirari Martiarena eta Idoia Torregarai artistek Mendi Zolan kulturgunean. Korrika Kulturalaren karietara proposatutako hitzordua da, martxoak 29an, ostiralarekin, 20:30ean.  Martxoaren 28an, aldiz, Txillardegiren omenezko mintzaldi eta erakusketa proposatuko dute Herriko Etxean. Euskara Batuaren aita izan den Txillardegiren bizitza eta obraren inguruko erakusketa bat ikusgai izanen da, egun horretan, eta 16 urtez erbestean egon zelarik, Hendaian bizi izandu zela probestuko dute bere figurari buruz mintzatzeko. Baina asteburu honi begira ere, bada zeregina Hendaia Euskaraz hilabete kari. Mutxiko elkarteak, Euskal Herriko zein kanpoko dantza herrikoien inguruko festa antolatu baitu. Xehetasun guziak bildu dizkigu Aitor Errazkin lankideak. 

Zinegoak film jaialdiko sei film labur proiektatuko dituzte ostegunean Kultur Etxeko areto nagusian

Az, 03/20/2019 - 16:32

18:00etatik aurrera da hitzordua. Horien artean Madrilen bizi den Jose A. Cortes Amunarriz zinegile hondarribiarraren azken lana dago, baita aurtengo ekitaldian saritutako bi film: Anders (Publikoaren Film Onenaren Saria), eta Oasis (Senior Epaimahaiaren Film Labur Onenaren Saria). Zinegoaken Hedapenak programaren barruan kokatzen da emanaldia. Otsailaren 18tik martxoaren 3ra egin zuten Bilboko Gaylesbotrans Nazioarteko Zinema eta Arte Eszenikoen Jaialdiaren 16. ekitaldia. Jaialdiaren helburua, zinemaren eta artearen bidez identitate, genero eta sexu aniztasunaren gaietan sakontzea da.Heldu den martxoaren 23an, Amua Disko eta Musika Festibala ospatuko dute Hondarribiko Itsas Etxean. Joan den azaroan aurreneko ekitaldia ospatu ondotik, eta lortutako arrakasta ikusirik. Antolatzaileek, festibala hiru mikro-festibaletan banatzea erabaki dute

Gipuzkoako Foru Aldundiak eta Ortzibia sozietateak presazko bilkura eskatu diote Air Nostrum konpainiari.

Az, 03/20/2019 - 16:29

Gipuzkoako agintariek eskatu duten bilkuraren emaitzaren araberakoa izan daiteke, Hondarribiko aireportuaren etorkizuna. Izan ere, Air Nostrum hegaldi konpainiak Hondarribia-Madril zerbitzuan, astean sei hegaldi murriztuko dituela jakitera eman zuen joan den astean. Eta joan den urtarrilean iada, hegaldien %16 bat murriztu zuen, bidaiari kopurua %6 apaldu zelarik. Hondarribiko aireportuak erabiltzen duen beste konpainia, hegaldi merkeetako Vueling da. A319 hegazkinak baliatzen ditu, baina arazoak suertatzen zaizkionean, sarritan, Bilboko aireportura berbideratu ohi ditu Hondarribiko hegaldiak. 

Xehetasun oro audioan duzue

14 milioi euro geltokia eta auzoa eraberritzeko

Az, 03/20/2019 - 16:25

Lan hauek, Hendaiako tren geltokia  goitik-behera eraldatuko duen eraberritze proiektu hasi aitzineko lanak izango dira. Ikusmin handia piztu duen proiektua da Hendaian. Otsailan Herriko Etxean antolatutako bilkura publikoan, 200 herritar bildu ziren Elgarrekin izeneko proiektuari buruz infoirmatzeko. 

Kasik 14 milioi euroko inbertsioa eginen dute Hendaiako Herriko Etxea, Herri Elkargoa, Akitania, SNCFa, eta Eusko Jaurlaritza-Euskotrenbideak. Hendaiako tren geltokiko erabiltzaileek egunerokoan dituzten gabeziak eta zailtasunak kontuan hartuko dituen proiektua dela nabarmendu du Herriko Etxeak. Eta Hendaiako topoaren berritze lanek, inbertsioaren erdia suposatuko dutelarik, Euskotrenbideak lan hauek egingo dituela probestu nahi izan dute, tren geltokiak suposatzen duen mugikortasun arazo larria hobetzeko proiektu orokorrago bat kausitzeko.  Inguruaren berhiritartzea eta Geltoki auzoaren biziberritzeaz gain, Hendaiako sarrera hobetzea, mugikortasuna lantzea eta mugazgaindiko joan-etorriak azkartzea du helburu proiektuak. Izan ere, esan bezala, 14 milioi euroko inbertsioaren erdia, topoaren berritzeko bideratuko dute. Aldagune intermodala bilakatu den heinean, Richard Irazustak uste du, ezinbesteko urratsa dela.  Une honetan, ekarpenak egiteko epea zabalik dute oraindik, www.communaute-paybasque.fr webgunean. Eta lanak 2019 urte bukaeran abiatuko dituzte. Proiektu osoa, eremuaren egokitze, Eusko treneko geltokiaren berritzea, eta SNCFeko geltiko konexio eta zerbituzak 2021 urterako martxan jarri ahal izatea aurreikusten dute. 

221 lagunek parte hartu zuten itsas bazterraren garbiketan

Ar, 03/19/2019 - 20:50

CPIE Euskal Itsas Bazterrak erakundeak asteburuan antolatutako “Udaberriko itsas bazterretako garbiketak” arrakasta handia izan zuen, 221 lagunek parte hartu zuten eta guztira 600 tona zabor bildu zituzten. Aintzane Lasarte CPIE euskal itsas bazterra erakundeko kideak xehetasunak azaltzen dizkigu.

Kulturari ateak zabaldu dizkio Abbadiako gazteluak

Ar, 03/19/2019 - 20:46

Abadiko gazteluak, abuztua bitarte antolatutako jarduera kulturalak aurkeztu berri ditu. Lehen Hitzordua, hilaren 30an Abbadia bertsutan ekimenarekin iragango da. Hitzordu honetan, Odei Barroso bertsolariak gidaturik, gaztelua bisitatzeko aukera egonngo da. Emili Charron, Abadia Gazteluko teknikariak, egitarauaren inguruko xehetasunak azaltzen dizkigu

Biriatuko ikastolaren aldeko hitzordu fidela

Al, 03/18/2019 - 20:08

Biriatuko ikastolak 4 urte betetzen ditu, eta gaur egun 14 ikasle ditu baina proiektua handitzeko lanetan ari dira. Hurrengo asteburuan herri bazkari eta bertso emanaldi bat prestatu dute. Beñat Alberdi Biriatuko ikastolako gurasoarekin hitzegin dugu.

 

Hitzordu eta Jubilotekaren berri Betatik

Al, 03/18/2019 - 19:54

Berako Abesbatzak bi emanaldi eskeiniko ditu aste honetan eta horrez gain, Bortzirietan egiten den Jubilotekaren berri eman zuen Edurne Garrok joan den astean Iruñean egin ziren jardunaldi batzuetan

Harri Xabaletako auzo elkarteak aldarrikapenekin segitzen du

Al, 03/18/2019 - 19:51

Hendaiako Harri Xabaleta auzo elkarteak, autoen abiadura azkarra salatzeko ekimen bat burutu zuen larunbatean. Urteak dira autoen abiadura murrizteko aldarrikepenari heldu ziotela, istripuak ekiditeko eta auzoak behar dituen hobekuntzak egiteko ordua iritsi dela adierazi dute. Miguel, Harri xabaleta auzo elkarteko kidearekin hitz egin dugu. Egoera kontuan hartuta, herriko etxearengana jo dute, ahal bezain azkar erantzun bat jasotzeko xedez.

 

Gazte eguna ospatu dute bihar Hendaian

Or, 03/15/2019 - 15:06

“Herri bat gaztetxe bat “ aldarrikapenarekin Hendaiako gazte asanbladak “Gazte eguna” antolatu du larunbata honetarako. Egitaraua goizeko 11.00etan abiatuko da, gaztetxeen arteko topaketa batekin. Ekimen guztiak Hendaiako Gaztelu Zahar aldameneko suhiltzaileen kaserna zaharrean iragango dira.

Urrirako prest egon beharko luke zubiak

Or, 03/15/2019 - 15:01

1915. urtean Irungo Udalak ordaindu eta eraikitako Avenida Zubia berritzen hasi dira iada. ACCIONA enpresa arduratuko da lan konplikatu hauetaz. Berez, 10 hilabeteko atzerapenarekin hasi dira lan hauek. Joan den urteaz geroztik, zubia itxita aurkitzen delarik, baita azpitik nabigatzea debekatuta ere. Aldiz, zubiaren egitura zartatua egonagatik, eta zubi bat zaharberritzea, berri bat eraikitzea baino konplexuagoa dela nabarmendu du gaur Irungo Udaleko Obretarako zinegotzia, Cristina Labordak. Nolanahi ere, eta 1960. hamarkadan konponketa lan sakon batzuk egin baziren ere, zubiaren egitura erdoilduta eta zartatua zegoen, eta birgaitze lanak behar zituen. ACCIONA enpresa egiten ari den lanak konplexuak dira, izan ere, berez, egungo egitura itsekiko duen behin-behineko zubi bat eraiki beharko dute, zaharra birgaitu, eta dena bere jatorrian zegoen bezala uzteko helburuarekin. Printzipioz 9 hilabeteko epea dute lanak gauzatzeok, beraz, dena ondo joanez gero, urrirako preste gon beharko litzake. Gehiago jakin nahi izan dugunez, Iñaki Jaime, obra daraman injeniariari galdetu diogu zubian bertan zertan ari diren.

Asun Casasola ipuin lehiaketaren sari banaketa izan zen bart

Or, 03/15/2019 - 14:53

Atzo iluntzean Asun Casasola Ipuin Lehiaketaren 4.  Edizioaren sari banaketa ospatu zuten Irungo Kale Nagusiko Bronte liburu-dendan. Euskal Herritik izan ezik, Espainiako estatuko eta mundu zabaleko ipuin edo narrazioak jaso dituzte aurten ere, eta euskaraz zein gaztelaniazko kategorietan saritutako lanen irakurketarekin borobildu zuten ekitaldia. Nerea Sarriegik aurkezpenean nabarmendu zuenez, epaimahai, idazle eta antolatzaileek indarkeria sexistaren kontrako borrokan agertutako konpromisoa da sari nagusia.  Aurtengoan epaimahai-kide guztiak emakumezkoak izan dira, (helduen euskarazko kategorian Yurre Ugarte, Ana Iruretagoyena eta Idurre Eskisabel, gaztelerazkoan, Mertxe Trantxe, Maialen Lehane eta Marian Benitez, eta gazteen kategorian, euskaraz, Itziar Gomez, Ainara Maia eta Ane Perez. Eta gaztelerazkoan, Maite Vergara, Noelia Lorenzo eta Naroa Lopezek osatu dute.) Eta irabazleen kasuan, Ainara Elizondo eta Naroa Carrerak irabazi dute euskarazko heldu eta gazteen kategorian. Eta gaztelerazkoan, urrutira joan dira. Madrilgo Juncal Baeza eta Jaeneko Alessandra Bedoyarentzat. Ezin ditugu ipuin irabazle guztiak entzun. Baina bigarrenez irabazi du euskarazko helduen kategorian, Ainara Elizondok. Bordari-Satarka bezalakoetan ere, eta beste hainbat literatur-lehiaketetan saritua, Ainara Elizondoren ipuina, oraingo honetan beste Ainara batek irakurri zuen atzoko ekitaldian. Ainara Zuazabeitia kazetari hondarribiarrak. Gauzak honela, eta Nagore Laffagen amak eramandako borroka eskertu eta gogoan hartzeko helburua duen lehiaketa izanik, literature deialdi honi izena ematen dion Asun Casasola berak lehiaketaren antolatzaileenganako esker oneko hitzak baino ez zituen, eta etorkizun hobeago baten itxaropena.


 

Apirilaren 4an ospatuko da aurten Mugazgaindiko Enpleguaren Foroa Hendaian

Og, 03/14/2019 - 10:11

Hendaiako Herriko Etxeak enplegua sustatzeko mugazgaindiko Enpleguaren Foroa antolatu du, Hegoaldeko instituzioekin eta Hendaiako bi enpresari handienekin batera. SOKOArekin batetik, kadira edo bulego aulki ekoizle nagusia frantses Estatuan. Eta EPTA France, izotzgailu industrial eta saltokietarako frigo egilearekin bestetik. Aurten gainera, Gipuzkoako enpresak ere gomit dira apirilaren 4an bigarrenez antolatu duten Mugazgaindiko Enpleguaren Forora. Orientaziorako gune izanen da, industria, artisautza eta sanitario arloko enpresentzat enplegu bilatzaileak ezagutzeko parada, eta Estia eskolarekin daramaten elgarlana prestatzeko aukera. Hendaiako Herriko Etxeko auzapezordea, Iker Elizaldek esplikatu digu zertan datzan foroak eta horrez gain, Mikel Berra Sokoa enpresako kudeatzailearekin ere hitz egin dugu

Itsas bazterra garbiltzeko hitzordua larunbata honetan Hendaian

Og, 03/14/2019 - 10:02

CPIE Euskal Itsasbazterrak erakundeak antolatuta, aurten ere Udaberriko Garbiketa Handiaren deialdia egin dute larunbata honetarako. Hainbat elkarte eta ehundik gora herritar bolondresen laguntzari esker, urtero bezala, Hendaiako 8 bat kilometro kostalde garbitzeko deia luzatu dute. Laurence Elizetxe, Itsasgarbiketarako misio karguduna eta Jon Frahier CPIE erakundeko Ingurumen teknikariak eman dizkiigute xehetasunak

 

ACCUWATER-ekin

Og, 03/14/2019 - 09:59

Hondarribiko Higer itsasargi aldamenean dagoen, Txingudiko Zerbitzuak Mankomunitateko Atalerrekako ur-araztegian, teknologia berrien eta adimen artifizialak gure egunerokoan duren eragina aztergai izan dute.

Adimen artifizala geratzeko iritsi da. Eta Internetak 30 urte bete dituen aste honetan, geroz eta agerikoagoa da, dena sarean eta elkareraginean aurkitzen dela. Datu horiek guztiak kudeatzeko, aldiz, adimen artifiziala ezinbesteko tresna bilakatu da,gainera geroz eta sektore gehiagotan aplikatzen hasia da, adimen edo inteligentzia artifiziala. Espainiar Estatuko 80 bat aditu, eta Txingudi Zerbitzuak bezalakoak diren estatuko eskualde ezberdinetako ur hornitzaile eta kudeatzaileak diren enpresetako ordezkariak bildu dira, ACCUWATER proiektua aurkezteko. Uraren kudeaketan eraginkortasuna, jasangarritasuna eta ekonomia hobetzeko proiektu honen esperiemntazio froga Hondarribian egiten ari baitira. Irun eta Hondarribia Espainiako Estatuko aintzindarien artean kokatu ziren Erlea proiektuari esker, duela 10 bat urte ur kontagailu adimenduak instalatzen hasi zirenean. Ur hornidura eta saneamendu sareen funtzionamendua denbora errealean zehatz ezagutzeko, eta horrek, isuriak murrizteko aukera eman baitu, besteren artean, energia eta gastua aurreztuz.

Txingudiko Zerbitzuak “Smart Cities” mundu mailako sarean eskarmentua badu, eta Bartzelonako “Smart Thinking Congress” delakoan parte hartu izan du, kontuan izanik puntako esperientzia dela nazioarte mailan uraren zikloa modu sakon eta iraunkorrean kudeatzeko orduan, eta, azken batean uraren kudeaketa eko-eraginkorrari buruzko proiektua aurkeztu izan du.

Oraingo honetan, aldiz, dagoeneko instalatua duten sistema, adimlen artifizialarekin kudeatzeko tresna edo proiektu berria dute eskuartean, ACCUWATER delakoa. Teknologia honen sortzailea, BuntPlanet enpresa da, eta Hondarribian egiten ari dira aurreneko froga. Zubitur taldeko Leirerekin hitz egin dugu

ACCUWATER izeneko proiektua, esperimentala da, eta Hondarribian ari direlarik une hontan froga egiten. Munduan beste hiru lekutan garatzen ari dituzten frogak ere aurkeztu dituzte, Hondarribikoaz gain, Alemaniako Dussldorfen, Boliviako Sucre hirian, eta Heredia eskualdean, Kosta Ricakoak hain zuzen ere.

Beran laster, Haziaren eguna, Marmoka taldearen kontzertua eta antzerki bat

Og, 03/14/2019 - 09:26

-Haziaren eguna eta Bertako ekoizleen merkatua eginen dira larunbata goizean Rikardo Baroja eskolako arkupetan, Beran. Eta bihar ostiralarekin aldiz, Marmoka taldearen kontzertua izango da. Etzi berriz,  "Gerho,azken euskalduna" antzezlana. Guztiaren berri eman digu Julen Zelaieta lankideak

Orriak