antxetamedia.eus

antxetamedia.eus jarioa-rako harpidetza egin
Eguneratua: duela 4 ordu 35 min

Irunen topatuko da kultura garaikidea

Or, 05/18/2018 - 16:11

Igandera bitartean, Irungo CBA kulturgunea erdigune izango duen Kontenporanea kultura garaikidearen topaketaren irekiera izango da arratsalde hontako 19:00retan, erakusketaren bisita gidatu batekin. 20:30etan Ainara Legardon eta Helena Golab-ek prestatutako bat-bateko dantza eta musika emanaldia izango da ere.

Bueltan da Hondarribia Dantzan jaialdia

Or, 05/18/2018 - 15:35

Hondarribia Dantzan jaialdiaren 12. Edizioa ospatuko dute maiatzaren 22tik 27ra. Kemen Dantza Taldeak antolatuta, tailer, hitzaldi, erromeria eta bereziki, euskal dantzak plazaratzeko aukera izango dute Kemenek eta gonbidatutako dantza taldeek larunbatean, eta igandean Adaxkako harrobiaren txanda izango da.

Errelatoaren borroka, egia, justizia eta oroitzapenari buruzko hitzaldia antolatu du Jalgi Urruñak

Or, 05/18/2018 - 15:19

Jalgi Urruña gazte taldeak antolaturik larunbata hontan hainbat ekitaldi antolatu dituzte. Arratsaldeko 17.00etan "errelatoen borroka" izenburuarekin hitzaldia antolatu dute, hitzordua berttoli elkartean iraganen da, eta hizlarien artean, Errose Erezuma: (Jon Erezuma) 1991an Bartzelonan hildako ETAko militantearen arrebak parte hartuko du besteak beste.

ELAk udal langileen behin-behineko tasa altua salatu du

Or, 05/18/2018 - 09:51

Udal Langilegoaren interinitate edo behin-behinekotasun tasa altua salatzeko elgarretaratzea egin du ELA sindikatuak. Azken urteetan Hego Euskal Herrian 3.600 lanpostu galdu dira udaletxeetako administrazioetan. Eta egin dituzten kontratazio berri eskaxak behin-behinekoak izan dira. Badira 15 urtez egoera horretan lanean daramatzatenak ere.

EUDEL erakundeak hartutako konpromisoa da, langilegoaren behin-behinekotasuna gehienez jota %6an kokatzea, baina gaur egun batez bestean %36koa izanik, Irun eta Hondarribiko udaletxeak dira horren irudiko. Udal langileen egoera salatzeko mobilizatu dira goiz hontan. Xabier Etxaniz, ELA sindikatuko ordezakaria.

Txalaparta giroan, Seaskako Integrazio Batzordea sustengatuko dute

Or, 05/18/2018 - 09:44

Seaskako Integrazio Batzordea sustengatzeko txalaparta afaria antolatu dute hilaren 25ean Pausuko Xaia ostatuan. Hendaiako Lanetik Egina, Irungo Txalapartariak eta Bakalau elkarteek proposatuta, txalaparta sustatzeko eta, aldi berean, Seaskan behar bereziak dituzten ikasleak laguntzen dituen Integrazio Batzordea sustengatzeko helburuarekin antolatzen dute. Mattin Sortzabalbere, musikari, txalapartari eta Lanetik Egina musika elkarteko kiderekin txalaparta afariaz mintzatu gara.

Gogoan hartu, 20 eurotan dela txalaparta afarian izena ematea, eta 5 euro direla Integrazio Batzordera bideratuko. Xaia ostatuan bertan izena eman daiteke, edota telefonoz Iparralden 0547 750 702, eta hegoaldekoentzat, 608 578 157 zenbakira deituta.

Elkartasun afaria antolatu du Zaporeak proiektuak

Og, 05/17/2018 - 18:19

Zaporeak Proiektuaren aldeko elkartasun afaria antolatu du bihar Irungo Naroa Kafetegian. Iluntzeko 21:30etan izango da, eta txartelak salgai daude 26€an Naroa kafetegian bertan. Zaporeak Proiektuak gaur egun 700 errefuxiatuei jaten ematen diete Atenaseko Victoria Social Centerren. Baina errefuxatuen beharrak handiak dira, eta handitzen doaz.

Haien helburua da 5.000 errefuxatuengana iritsi ahal izatea da. Helburuarekin ere, bono laguntza kanpaina bat martxan duela Zaporeak erakundeak Bidasoa eskualdean. Sari horien zozketa abuztuaren 25ean egingo dute, baina esan bezala, elkartasun ekimen honekin bat egiteak ez du sarien aitzakiarik behar. Kabigorri ateneoan eta Izaga kaleko Orlegi dendan, eta Hondarribian Obispo hotelean eta San Pedro kaleko Xera estetika dendan. Eta zuen partetik, bono laguntza kopuru handiak erosi nahi baldin badituzue, edota bono laguntzak saltzeko prest izatekotan, zaporeakbidasoa@gmail.com posta elektronikora idatzi.

Abian da Korrokoitz aferaren ikerketa batzordea

Og, 05/17/2018 - 17:46

Irungo Udal Gobernuaren PSE-EAJ koalizioa apurtzea eta hainbesteko eztabaida politiko ekarri duen, Korrokoitzeko Plan Bereziaren afera, mintzagai izango dute gaurtik aurrera Irungo udal talde politikoek, hamabostean behin.

EH Bildu eta SPIk galdegin zuten Ikerketa Batzordea eratzeko bilkura gaur goizeko 11.00etan egin dute, eta uste baino nahasiagoa eta luzeagoa joan den bilera. Eta hori printzipioz, batzordearen arauak, gaien ordena eta agenda bezalako xehetasun teknikoak baino ez zituztela adostu behar. Irungo EH Bildu koalizioko Jokin Melidaren balorazioa jaso dugu, ikerketa batzordearen lehen egunean.

 

Hendaiako zerga etxea itxiko dute, Macronen gobernuaren murrizketa planaren baitan

Az, 05/16/2018 - 16:24

CGT sindikatuak salatu du, Macronen frantses gobernuaren murrizketa planaren baitan, Iparraldeko zerga etxe edo tresorerie bulego zenbaitzuk itxi egingo dituzte urte bukaeran. Haien artean, Hendaiakoa.

Bertan ordaintzen dituzte euren inpostu eta isunak, hendaiarrek ez ezik, urruñar eta biriatuarrek eta hegoaldeko milaka lagunek ere gaur egun. Baina 2019tik goiti, Donibane Lohitzune edo Miarritzera joan beharko dute ordainketak egitera.

Kotte Ezenarro, Hendaiako auzapeza haserre agertu da, oinarrizko zerbitzu honen itxierarekin, eta zergen departamenduko buruarekin bilduko da maiatzaren 31n azalpenak eskatzeko.

Jarduera fisikorako orientazioa eskainiko du Hondarribiak

Az, 05/16/2018 - 15:44

Gipuzkoarren %71ak egiten du jarduera fisiko aski, baina oraindik ere, hamarretik hiru herritar dira, sedentario edo inaktiboak direnak. Hain zuzen ere, inaktiboak aktibatzeko, kirol edo jarduera fisikoa sustatu eta gizarte osasuntsuago bat lortzeko helburuarekin, BIXI BIZI programarekin bat egin du Hondarribiko Udalak.

Eusko Jaurlaritzako Osasun eta Kirol Sailak eta Gipuzkoako Foru Aldundiarekin elgarlanean, Hondarribia Gipuzkoako 15 herria izango da, herritarren egoeraren arabera, jarduera fisiko egokitua proposatu eta jarraipen bat egiteko, jarduera fisikorako orientatzaile teknikari bat kontratatzen duela. Hondarribian, Julen Fernandez hasi da gaurdanik lan horretan. Itsas Etxeko anbulategian eta Jostaldi pilotalekuan hartu daiteke hitzordua berarekin. Berehala aipatzen dugu nola, baina aurretik, Julen Fernandezk berak aipatzen digu zein den bere zeregina       

Bestalde, Hondarribian, jarduera fisikoa egiteko herriak dituen baliabideak anitzak direla orotarazi nahi izan du ere. Izan kirol instalazioak, izan mendi, itsaso edo kalea. Berarekin hitzordua hartzeko, Itsas Etxea anbulategian zuen kabezerako medikuari eskatu, edota Jostaldin astelehenetik ostiraletara goizetan hitzordua hartzeko, 943 11 12 26 telefonora deitu, edo idatzi bixibizi@gmail.com posta elektronikora.

Programa honi esker, Gipuzkoa, eta beraz, Hondarribia ere, jarduera fisikoaren sustatzeko estrategietan abangoardian kokatzen dela nabarmendu du Eusko Jaurlaritzako Kirol Saileko zuzendariak. Eta gogoratu du, programa hau, EAE mailan kokatzen den MUGIMENT plan estrategikoaren baitan garatzen ari dela.

Gipuzkoako Foru Aldundiak bere partetik, jarduera fisikoa sustatzearekin batera, gizarte osasuntsuago bat lortzeaz gain, adineko pertsonen kasuan ere zeharka beste helburu asko lortzen ahal direla nabarmendu du.

 

“Gazteak eta euren familiak dibertsitate afektibo-sexualaren aurrean” izenburupean, itzaldia emango dute Gehitu eta AMPGYL elkarteek

Az, 05/16/2018 - 15:14

Bihar, homofobia eta transfobiaren kontrako nazioarteko eguna dela eta, LGTBY kolektiboak gaur egun bizi duen egoeraren berri emateko hitzaldia antolatu dute Gehitu eta AMPGYL elkarteek Irunen. “Gazteak eta euren familiak dibertsitate afektibo-sexualaren aurrean” izenburupean, Gehitu elkarteko Jesus Estonba, eta AMPGYL elkarteko Ines Miguelañezek emango dute hitzaldia. Elkarte hau 2002an sortu zen, hain zuzen, identitate sexual ez normatiboa duten pertsonen gurasoen elkarte gisa sortu zen. Ines Miguelanezek berak esplikatu digunez, “Lesbo Gay Trans eta Bisexualen kolektiboa estigmatizatua izan den kolektiboa izan den heinean, haien gurasoek bizi eta gainditu behar izan duten prozesuan laguntzeko, eta gurasoek aldi berean, intolerantziaren kontra borrokatu eta haien seme-alaba hauek txiki-txikitatik lagundu ahal izan dezaten ere”.

Zentzu honetan, Gehitu elkarteko Jesus Estonbak nabarmendu du, belaunaldi berrietan “chip” aldaketa bat ematen ari dela, baina “hamarkada luzeetan zehar eman den heziketa hetero-normatiboak pisu handiegia duela oraindik, eta urrats asko eman behar direla egungo gizartea iraultzeko”. 

Bestalde, Irungo Udalak jakinarazi du, asteazken hontan bertan homofobia eta transfobiaren kontrako adierazpen instituzionala plazaratuko duela. Eta ekainaren 28an, LGTBY kolektiboaren nazioarteko egunean, Udaletxea ortzadarraren banderaren koloreetako argiekin apainduko dutela, eta bandera ere zintzilikatuko dutela.

Asturiagako erailketa gogora ekarriko dute

Ar, 05/15/2018 - 15:48

Igandean 44 urte beteko dira Jose Luis Mondragon arrasatearra eta Xabier Mendez santurtziarra Hondarribiko Asturiaga hondartzan erail zituztenetik. 27 eta 21 urte zituzten, hurrenez hurren, eta Guardia Zibilak eta Espainiako poliziak elkarlanean prestaturiko ekintzan hil zituzten bi gazteak.

Asturiaga 1974 lan taldeak bi jarduera antolatu ditu aste honetarako, “kasua ez ahaztu, dagoen informazio urria zabaldu eta egia eskatzeko”. Asteazkenean hitzaldia izango da udal liburutegiko gela balioanitzean (Kale Nagusia, 10), 19:30ean. Eta igandean oroimen ekitaldia burutuko dute bi gazteak erail zituzten lekuan, 12:00etan

 

Klik egunean ezagutuko da azaroak 18ko galdera

Ar, 05/15/2018 - 15:13

Hartu Hitza elkarteak 3.861 irundarren sinadurak bildu eta gero, azaroaren 18ko herri kontsultarako hurrengo urratsa eman du iada. Azken sei asteetan aurrera eramandako prozesu partehartzaile baten ondotik, herritarren sentsibilitate eta proposamen ezberdinak aintzat hartzen dituen galdera zehaztu, eta adostu baitzuten joan den larunbateko adosgunearen bilera irekian.

Maiatzaren 19an, larunbat hontan 18:00etan aurkeztuko dute galdera, Zabaltza Plazan, Gure Esku Dagok deituriko Klik Egunaren karietara. Hartu Hitza elkarteko Xabi Martinez de Antoñanak, egunaren xehetasunak eman dizkigu.

Mintza eta Blagan eguna Hondarribian ekainaren 2an

Ar, 05/15/2018 - 15:01

Ekainaren 2an Hondarribian ospatuko den Mintza Eguna aurkeztu dute gaur Arrantzale Auzoan. Portu auzoko plaza hori izango baita Euskal Herri osoko Mintzalagunen egun osoko festa egunaren erdigune.

Joan den urtean lehendabiziko aldiz, Blagan euskara elkarteak antolatutako Blagan Egunaren bigarren edizioarekin bat egingo du ekimen honek, «Itxeki Euskarari» lelopean.

Maite Agirre, Euskaltzaleen Topaguneko Mintzalaguna Batzordearen koordinatzaileak esplikatu digu, zein den bi ekimen hauek batu izanaren helburua.

Egitaraua:
  • 11.00 Ongi etorria eta hamaiketakoa.
  • 12.00 Bi proposamen, aukeran:
    • Hondarribia ezagutuz ibilbide gidatuak: gaztelua, eliza eta tren berdearen ibilbide panoramikoa.
    • Irratu saioa eta baserritarren azoka San Pedro kalean.
  • 13.30 Kalejira animatua, Abiyuan txarangarekin.
  • 14.30 Bazkaria.
  • 16.30 Esker emate ekitaldia.
  • 17.00 Dantzaldi gidatua Errebak taldearekin.
  • 19.30 Kontzertua Gorpuzkings.
  • 20.30 Kontertua elektropatxaranga.

 

 

HATSAREN POESIA: Peio Otxoteko eta Joseba Aurkenerena

Ar, 05/15/2018 - 11:41

Peio Otxoteko eta Joseba Aurkenerena Hatsaren poesia elkarteko kideak dira. Berriki, Senpereko Hatsa poesiaren liburuan hainbat olerki idatzi dituzte eta Ainara Maia kronikalariak elkarrizketatu ditu. Ekainaren 8an, Auxtin Zamorak burutuko duen “Hatsaren olerki bustiak 2018” bideo-projekzio poetikoaz ere mintzatu dira.

 

4.600 haur, 18 herri eta 30 egitura ezberdinek, “Pantailarik gabeko desafioa” batuko dute

Al, 05/14/2018 - 18:44

Urruñako San Frantzisko Xabier ikastetxeak iaz  egindako “Pantailarik gabeko 10 egunen desafioaren” ondotik, aurten 4.600 haur, 18 herri eta 30 egitura ezberdin batuko dituen “Pantailarik gabeko desafioa” aurkeztu zuten joan den astean Hendaian.

Desafioa bihar hasi eta, hilaren 24a bitartean izango da. Joan den urteko ekimenaren bilana ezinhobea izan zela esplikatu digute Urruñako San Franzisko Xabier ikastetxeko irakasleek. Eta oroitarazi dute, ekimen sinbolikoa baino gehiago dela, eta zein garrantzitsua den 12 urte arteko haurrengan  pantailak ahal bezainbeste urruntzea.

Helburu horrekin aurtengoan beraz, ekimena zabaldu nahi izan dute, eta ekimen hontan, Euskal Herriko, Biarnoko, Vendeako edota Pariseko herriak ordezkatzen dituzten, eskola publiko eta pribatu, mediateka, museo, elkarte edota CAF bezalako egiturek ere parte hartuko dute desmartxa hontan.

Gure eskualdean, pantailak 10 egunez alboratzeko erronka onartu duten 1.000 haur inguruk parte hartuko dute. Hendaiako Saint Vincent eskola eta kolegioko 608 ikaslek, eta Urruñako Kimua haur eskolako 21 haur eta haien 10 familiek, eta joan den urtetik errepikatzen duten San Frantzisko Xabier ikastetxeko 332 ikasleak.

Sindikatuek, Guillaume Pepy, SNCFko buruak Biarritzen duen udako etxebizitzaren aurrean ekintza bat burutu dute

Al, 05/14/2018 - 17:54

SNCFeko tren gidariak asteburuan greba eign ondotik, gaur ere mobilizatu dira. TGV abiadura handiko trenetan adibidez, gaur Hendaia-Parise arteko zerbitzu bakarra izan da. 

Greba eta mobilizazio eguna dute gaurkoa. Miarritzen goiz hontan egindako batzarrean, grebarekin jarraitzea erabaki dute. Honekin batera, aurreko astean aurreratu genuen bezala, Guillaume Pepy  SNCFko buruak Biarritzen duen udako etxebizitzaren aurrean ekintza bat burutu dute.

Guilloume Pepy, Biarritzeko “rue des falaises Beaurivage kaleko 2. Zenbakian»  du udako etxebizitza. CGT, LAB eta SUD sindikatuek deiturik 120 lagun inguru etxebizitzaren aurrean elgarretaratu dira. Trafikoa blokeatu dute eta bertan piknikatzen hasi besteak beste. Jeronimo Prieto LAB sindikatuko ordezkariak azaldu duenez, SNCFaren pribatizazioa martxan jartzeko erabakiak hartu dituztela salatu du.

Hondarribiko Udalak etxebizitza huts, alokairuzkoak eta apartamendu turistikoen gaineko azterketa burutuko du

Al, 05/14/2018 - 17:36

2016ko urriaren 26an udal osoko bilkuran hartutako konpromiso bat betetzen hasi da Udala. Etxebizitza hutsak, alokairuzkoak eta apartamendu turistikoen gaineko azterketa egitea onartu zen udalbatza hartan, eta azterketa martxan dela azaldu du gaur Txomin Sagarzazu alkateak.

Eustat estatistika instituoaren arabera, 2017an, Hondarribian 8.458 etxebizitza zeuden, eta horietariko %78a lehen etxebizitza omen da. Horrek ez du esan nahi, aldiz, lehen etxebizitza jabetzan denik, alokairuan zenbat diren ere, ez baitaki Udalak.

Azterketaren helburua, hain zuzen ere, herriko etxebizitzen mapa bat osatzea da. Bost helburu kontuan hartuta. IKEI aholkularitza enpresa lanean hasi da beraz, eta txostena uztailerako prest egongo dela iragarri du Udalak. Bitartean, zertan ari diren esplikatu digu, Maria Serrano zinegotziak

Etxebizitza hutsa, beraz, legearen arabera inor erroldatu gabeko etxeak dira. Baina batek daki, zertarako erabiltzen diren, alokairurako, bigarren etxebizitza gisa edota azken batean benetan hutsik dauden.

Eustaten arabera, 6.626 dira lehen etxebizitzak Hondarribian, eta %22a inguru, 1.832 badira, bigarren etxebizitza gisa, edo hutsik ere daudenak. Hain justu, azterketa honekin, erabilera aldetik etxebizitza mapa osatu nahi dute.

Korrokoitz aferako ikerketa batzordearen presidentzia Alderdi Popularrak hartuko du

Or, 05/11/2018 - 14:12

Korrokoitz aferako ikerketa batzordearen presidentzia alderdi popularrak hartuko du. Hala adierazi du David Soto, Si Se Puede Irungo bozeramaleak: "Alderdi Sozialista Alderdi Popularrean ezkutatzen da. Haien bazkide partikularra da eta ikerketa batzordearen ardura eman dio".

Maiatzaren 17, datoren astean, martxan jarriko da ikerketa batzordea. Bertan, batzordea eraikiko da eta egutegia eta ekintza plana adostuko dute. 14ra arte dute alderdiek dokumentazioa eta komisioan bertaratuko diren pertsonen zerrendak helarazteko. Sotok baieztatu du Jose Antonio Santano eta Xabier Iridoyren bertaratzea eskatuko dutela, teknikari eta eragile pribatuez gain.

Era berean, IV. berdintasun plana, Piñudia auzoko aparkalekuen kudeaketa edota merkataritza mahaia kritikatu ditu.

 

Asun Casasolak irakurriko du San Martzialetako pregoia

Or, 05/11/2018 - 12:52

Asun Casasola, Nagore Laffageren amak irakurriko du San Pedro eta San Martzialetako pregoia. Jose Antonio Santanoren esanetan, "Nagore emakumeen askatasunaren aldeko borrokaren ikur bihurtu da. Ez esatearen eskubideagatik eta errespetatuagatik. Bere amak, Nagorek "ez" esan zueneko ausardiaren oroitzapena mantentzen du".

Joseba Asiron, Iruñeko alkatearekin, elkarrizketetan da Santano eta ekainak 23ko pregoira gonbidatu du. Baita ere, uztailak 7ko omenaldiak koordinatzeko elkarrizketetan dira bi alkateak.

Batia ere, Erretxinduak taldearen proposamenari, hau da, Juan Wollmer plazako haur jolaslekuari Nagore Laffage izena jartzeko proposamenarekiko baikor agertu da Santano.

Nagore Laffage Casasola omenduko dute igandean

Or, 05/11/2018 - 09:31

Nagore Laffage Casasola omenduko dute igande honetan, eguerdiko 12etan, Irungo Zabaltzan. Antolatzaileek Juan Wollmer biribilgunean eraikiko den haur parkeari, Nagore Laffage izena jartzea proposatu dute eta sinadurak biltzen hasiko dira, igande honetatik aitzina. Proposamena nola sortu den ezagutzeko, erretxinduak taldearekin izan gara.

Orriak