Elkarrekin Podemos.- Egitarauak ekitaldi politiko bat aurreikusten du Miren Gorrotxategi lehendakarigaiarekin, mahai-inguru bat Pilar Garrido, Rafa Mayoral eta Teresa Junquerarekin, Bigarren Errepublikan funtsezkoak izan ziren txokoetan i¡bilaldi bat eta lore-eskaintza bat Pikoketan.
Elkarrekin Podemosek errepublikanoen eguna ospatuko du bihar, larunbata, eta bertan izango dira Miren Gorrotxategi lehendakarigaia, Pilar Garrido Podemos Euskadiko idazkari nagusia eta Rafa Mayoral Unidas Podemoseko diputatu ohia, bai eta EAEko hauteskundeetarako hautagaiak eta militanteak ere.
Antolatutako jardunaldi bizia 10:00etan hasiko da Zabalgune Plazan, Bigarren Errepublikan eta ondorengo errepresio frankistan funtsezkoak izan ziren hiriko hainbat txokotatik ibilaldi bat eginez. Ibilbidea Aduana kalean amaituko da, aduana zaharren eraikinaren parean, eta hortik gertu dagoen "Pequeña Velocidad" eraikina, Gipuzkoan zutik geratzen den kontzentrazio-esparru bakarra.
Errepublikarren ibilbidearen erdian, Stadium Galen kanpoaldean (kontzentrazio-esparru gisa erabili zuten), ekitaldi bat egingo da 11:00etan, Miren Gorrotxategi Elkarrekin Podemoseko lehendakarigaiaren hitzaldiarekin.
Ondoren, errepublikarren ibilbidea amaitu ostean, 13:00ak aldera lore-eskaintza egingo da Pikoketako hobi komunean. Bertan, tropa frankistek 1936ko abuztuaren 11n Gerra Zibilaren lehen hilabeteetan demokrazia eta balio errepublikarrak defendatzeagatik hildako 13 pertsonaren gorpuzkiak daude.
Jardunaldiari amaiera emateko, 'Horizonte Republicano' mahai-ingurua egingo da 17:30ean.
Bertan, “Marcha Republicana del 16 de junio” lantaldeko Pilar Garrido, Rafa Mayoral eta Teresa Junquera izango dira, Thania Pazos Elkarrekin Podemoseko zinegotziaren moderaziopean.
Jardunaldi honen ospakizuna Errepublika eta Gerra Zibilari buruzko jarduera-programa baten barruan kokatzen da. Programa hori urtarrilean hasi zen, “Kontzentrazio-esparruak Irunen” hitzaldiarekin. Martxoan, zikloak protagonismoa emango dio emakumeari, Errepublika garaian izan zuen paperari buruzko hitzaldi batekin.