A.VV. MEAKA AUZO ELKARTEA.- Datorren apirilaren 25ean, opilen eguna dela eta, MEAKA AUZO ELKARTEAK haurrentzako jolasak eta eskulanak antolatuko ditu elkarte honen plazatxoan. Jarduera hauek arratsaldeko bostetatik zortziak arte izango dira gutxi gorabehera.
Parean Elkarteak eta Kera Elkarteak antolatuta, Emakumeok Zast! ekimenaren barruan, kirolera gerturatzeko eta elkar ezagutzeko konfidantza espazioa, hilabete honetan atletismora hurbilduko dira. Apirilaren 19an izango da, goizeko 10etatik eguerdira bitartean, Plaiaundiko estadioan, Bidasoa Atletiko taldearekin.
Pablo González errusiar jatorriko euskal kazetaria 2022ko otsailaren 28an atxilotu zuten Polonian, ukrainiar errefuxiatuen etorreraren berri ematen ari zela, Errusiaren aldeko espioitza egiteaz akusatuta.
Harrezkero, urte bi baino gehiago daramatza segurtasun goreneko modulu batean, isolamendu baldintza oso gogorretan, eta inkomunikatuta, familiarekin hitz egiteko aukerarik gabe eta bisita bi baino ez dituela izan.
“Nicolás Guerendiain” Irungo Errepublikarrak bineten erakusketa bat aurkeztu du, Vicente Ruizek egina, “Hausnartzeko binetak / Kontzientziak kolpatzen” izenburupean.
"Nicolás Guerendiain" Irungo Errepublikarrak bandera errepublikarra balkoian zintzilikatzeko eskatu du. Apirilaren 14an 12:30etan II. Errepublikaren 93. urteurrena ospatzeko ekitaldia antolatu dute.
