“A pico y pala: trabajos forzosos en Gipuzkoa” Destacamento penal de Irun (1942-1944) liburuaren aurkezpena

Non: 
Irungo Atsegiña Elkartea
Data: 
Osteguna, Abendua 27, 2018 - 19:30

Ostegunean, hilak 27, 19:30ean Irungo Atsegiña Elkartean, Aiala Oronoz Mitxelenak idatzitako “A pico y pala: trabajos forzosos en Gipuzkoa” Destacamento penal de Irun (1942-1944) liburua aurkeztuko da. Liburua "Nicolás Guerendiain" Irungo Elkarte Errepublikarrak editatu du.

1942 eta 1944 bitartean, diktadura frankistaren berrehun preso baino gehiagok lan egin zuten Irunen, Olaberria erreka bideratzeko lanetan.

Proiektua “Ferrocarriles y Construcciones ABC” enpresak burutu zuen. Enpresa honek Irunen zuen zigor-destakamentuaz gain, beste bost ezarri zituen Gipuzkoan, eta, gutxienez, beste bost Estatuko beste probintzietan. Lanak, Obra Publikoen Ministerioak ordaindu zituen Gipuzkoako Foru Aldundiaren %25 eko ekarpenarekin.

Preso hauen lana 1938an ezarritako “Patronato para Redención la Redención de Penas por el Trabajo” erakundeak kudeatu zuen. Lan-sistema honek 15.000 preso baino gehiago enplegatu zituen 121 zigor-destakamentutan, 1943an.

Jatorrizko hogeita hamalau probintziako presoek egin zuten lan Irungo zigor-destakamentuan; gehienak Andaluzia, Extremadura eta Astuarisekoak izanik.

“Colonia Penitenciaria del Dueso”, “Prisión Central Tabacalera de Santander”, “Prisión Central de Guadalajara”, “Prisión Provincial de Jaén” eta “Prisión Provincial de Vitoria” espetxetatik ekarri zituzten presoen gehiengoa.

Salmenta-tokiak
- Kiosko 33 (Argentinar Errepublika, 13. Irun)
- Bronte Liburudenda (Kale Nagusia)
- Juncal liburudenda-paperdenda.(Avda de Salis. Irun)
- Elkartearen egoitza

Etiquetak: