M8 plataforma.- Goizeko 11etan Zabaltza Plazan DBHko ikastetxeak antolatutako elkarretatzeari babesa emanen diogu. Arratsaldeko 18:30 indarkeria matxista ikustaratzea baten bitartzez, Colon Padealekuan Zabaltza eta Luis Mariano tartean.
Irungo EH Bildu.- Azaroaren 25a emakumeen kontrako indarkeria ezabatzeko nazioarteko eguna da. Emakumeen kontrako indarkeria mota guztien aurka gaudela ozen adierazteko eguna da, eta, hori ez ezik, indarkeria sorrarazten duten eragile guztien aurka ere bagaudela esatekoa. Bizitza aske, seguru eta burujabeak eraikitzearen alde gaudelako.
ONEKA.- Azaroaren 25ean, Emakumearen aurkako Indarkeria Ezabatzeko Nazioarteko Egunean, emakume nagusi, pentsiodun eta feministak izateagatik, ONEKA osatzen dugunok, emakumeok eta, bereziki, gure kolektiboak jasaten dugun indarkeriaren aurkako borrokan salatzen eta konprometitzen gara.
Itaia.- Azaroaren 25era begira antolatu zuen ekimena Itaiak, eta bertan kultura progresistaz, indarkeria matxistaz edota emakumeen ahaldunteaz hitz egin zen, besteak beste.
M8 Asamblada Feminista Bidasoa.- Beste behin ere, Donostian arma zuriz egindako eraso matxista deitoratu behar dugu.
EH Bildu.- Azaroaren 25a, emakumeen kontra burutzen den indarkeria mota oro, guztiz onartezina dela esateko eguna da; gainera, indarkeria sortzen duten eragile eta egitura guztiak errefusatzen ditugula esateko eguna da, eta gure herrian ez dugula ez bakerik ez normalizaziorik izango emakume izate hutsagatik emakumeak hiltzen eta erasotzen jarraitzen den bitartean.
Irungo EHBildun garbi daukagu azaroaren 25a, emakumeen kontrako mota guztietako indarkeria gaitzesteaz gain, indarkeria sortzen duten agente eta egitura guztiak gaitzesteko eta aski dela esateko egun bat dela. Eta egun horretan erakunde publikoek, bereziki, borroka horretan dugun lehentasunezko agente-izaera berretsiz, konpromiso zehatzak hartu behar dituzte. Emakumea izateagatik soilik indarkeria jasateko aukera txikiena dagoen bitartean, gure herrian ez dugu bakea edo normalizazioa lortuko.
