Talaia BHI Institutoa.- Azken urteetan gure herrietako errealitate soziolinguistikoa aldatu egin da; geroz eta jatorri gehiagoko biztanleak ditugu gure herrian, eta hortaz, entzun ditzakegun hizkuntzak ere gero eta gehiago dira. Hondarribian ere pertsona ugari etorri dira atzerritik hona bizitzera, eta noski, haien artean nerabeak.
Aitzondo euskara taldea.- Irunekin lotura duten artikulu txukunen faltan dago euskarazko Wikipedia. Animatuko zara? Izan daiteke Irungo pertsonaia bat, leku bat, kultur lan bat, talde bat, gertaera bat...
Artikulua burutu izana irundarron egun handian jakinarazi beharko da beranduenez: ekainaren 30ean. Aurrez egindako artikuluak ezin izango dira aurkeztu; apirilaren 25etik aurrera editatutakoa soilik hartuko da kontuan.
Abotsanitz.- Kezka handiz ikusten du Abotsanitzek euskarak Hondarribian duen osasuna. Jakina da euskaraz dakitenen artean oso gutxi direla eguneroko bizitzan gure hizkuntza erabiltzen dutenak. Herriko kaleetan Soziolinguistika Klusterrak egindako azken ikerketaren arabera, euskararen erabilera % 24,6koa da, oso kopuru txikia kontuan hartzen badugu euskaraz dakitenen kopurua % 60koa dela.