Kabigorri

Zehaztu gabe

Erakusketa: Irun eta Irungo jendea

Data: 
Osteguna, Uztaila 13, 2017 - 19:00 -tik Larunbata, Iraila 9, 2017 - 23:00 -ra
Non: 
Kabigorri

"IRUN ETA IRUNGO JENDEA". Horixe da Kabigorri Ateneoak bere egoitzan (Peña karrikako 1. zenbakian) aurkeztuko duen erakusketaren izenburua: atzera begirako 50 bat argazki, José Mari Castillo argazkizaleak lagatakoak, duela hainbat urte egungo Irun itxuratu zuten eraikin, kale, fabrika eta langileen irudiak ageri dituztenak.

Uztailaren 13tik irailaren 9ra

Ostegunetik larunbatera, 19:00etatik aurrera

Greziako karabanaren bideoa eta Melillako karabanaren aurkezpena

Data: 
Asteazkena, Ekaina 14, 2017 - 19:30
Non: 
Kabigorri Ateneoan, Peña Kalean, 1. Irun
Antolatzen du : 
Bidasoaldeko Ongi Etorri Errefuxiatuak

fotoDocumentala Grecia 2016 eta aurkezpena karabana 2017 "Ongi Etorri Errefuxiatuak" Gipuzkoa

Errefuxiatei eta migratzaileei laguntzeko Euskal Herriko Plataformak MelilLARAINO helduko den karabana bat prestatzen ari dira, Europar Batasuneko eta Espainako Estatuaren migrazio-politikak salatzeko

“Mugak zabalduz” karabanak jarraipena ematen dio iaz Greziaraino egindakoari, zeinaren bidez Espainiako Estatuko kolektibo ugarik beren babesa eman zieten errefuxiatuei eta migratzaileei.

Erakusketa: Mugak

Data: 
Osteguna, Ekaina 8, 2017 - 18:00 -tik Larunbata, Ekaina 17, 2017 - 23:30 -ra
Non: 
Kabigorri

Erakusketa honetan, gaur egun eraikitzen ari den Europako gotorlekuaren mugak azaldu nahi ditugu.Olmo Calvo, Robert Bonet eta Fotomovimiento Elkarteko argazki aktibistak eta, Ekiklink eko Argazkilariak eginiko irudiak dira bertan, europear herrialdeen koordinazio eta elkartasun eza erretratatzen da, gaizki deitutako "errefuxiatuen krisia" irudikatzen da.

Ekainaren 1ean, ikasturteko azken bertso-gaua: Txingudi I VS. Txingudi II

Data: 
Osteguna, Ekaina 1, 2017 - 19:30
Non: 
Kabigorri

Bereziak izaten dira ikasturte amaierako bertso gauak, ezbairik gabe, eta berezia izan nahi du aurtengoak ere. Gipuzkoako Herriartekoan ibili dira  Txingudi I eta Txingudi II taldeak, beste 34 talde gehiagorekin lehian, baina lehen aldiz igoko dira bi taldeak batera oholtzara, jendeaurrean. Batera oholtzaratu? Aurrez aurre jarri? Nork daki?

Ostegun honetan maiatzeko Kabigorriko bertso-gaua

Data: 
Osteguna, Maiatza 4, 2017 - 19:30
Non: 
Kabigorri

Ostegun honetan izango da ikasturteko azken-aurreko bertso-gaua. Bertan Andoni Zelaia, Juan Mari Lopez, Manolo Arozena eta Iñaki Zelaia bertsolariak kantuan aditzeko aukera edukiko dugu. Lau bertsolariei gaiak jartzen eta saio aurkezten, aldiz, Urko Casado ariko da, Txingudiko bertso-eskolako kide astigartarra. Bat-bateko saio aurreko bertso-jarriak Egoitz Zelaiaren eskutik helduko zaizkigu.

19:30etatik aurrera izango da saioa.

“Rudy margolari nafarraren” erakusketa

Data: 
Osteguna, Apirila 27, 2017 - 19:00 -tik Larunbata, Ekaina 3, 2017 - 23:30 -ra
Non: 
Kabigorri

Kabigorri Ateneo Kultur Zentroan (Peña kalea 1, Irun) bigarren aldiz erakusgai jarriko da “Rudy margolari nafarraren” erakusketa bat.

Margolari autodidakta Berakoa da jatorriz eta Irunen bizi da. Guztira 14 obrak eratzen dute erakusketa. Estilo errealistakoak dira, Bidasoko Eskola Zaharraren berezko estilokoa, gure inguruko paisaiekin, Nafarroakoak eta Gipuzkoakoak nagusiki.

Feminismoa edo basakeria: Indarkeria matxistak hizpide “El nunca me pego” dokumentalaren proiekzioa eta Irantzu Varelaren hitzaldia

Data: 
Osteguna, Martxoa 16, 2017 - 19:00
Non: 
Kabigorri

Alternatiba.- Faktoria Lilaren "Él nunca me pegó" dokumentalaren proiekzio ziklo berria antolatu du Alternatibak hurrengo martxoaren 16an, eta emanaldiaren ostean, hizlari lanetan arituko da berriro filmaren zuzendari eta militante feminista Irantzu Varela.

Orriak