Patxuko Nice taldeak grabatu du Irungo Harrera Sarearen omenez. Euro 1egatik jaitsi daiteke eta etekina migratzaileei laguntzen dieten boluntarioentzat izango da.

Patxuko Nice taldearen 'Harrera' abesti solidarioa aurkeztu dute gaur goizean Irungo Lakaxita gaztetxean, iazko uztailean Irungo Harrera Sarea sortu zen lekuan. Abestiaren letra Oier Guillanena da. Musika, antzerkia, zinema eta elkartasun arloetan lan egiten duten pertsonek abiatutako proiektuaren barruan kokatzen da abestia. Aurkezpenean izan dira proiektuaren sortzaile Sergio 'Patxuko' Ordoñez abeslaria eta Malen Garmendia Gomez Irungo Harrera Sareko kidea.

Bisadoako-Hitza. Asier Perez-Karkamo.- Hilaren 26a egun berezia izango da Irungo Harrera Sarearentzat. Egun horretan manifestazio nazionala egingo dute, 17:00etan Ficoba erakustazokatik abiatuta. Migratzaileei babesa adieraztea da xedea eta jende asko espero dute, Euskal Herriko zenbait lekutan autobusak antolatzeko asmotan baitira, Irunera hurbiltzeko.