Jean Pierre Harokarene “Txanpi” otsailaren 17an aske geratu zen baina Hego Euskal Herrian bizitzea debekatu zioten. Kanporaketa errekurritu zuen Irungo preso politiko ohiak eta martxoaren 2an neurri hau berraztertu zen.

Martxoaren hasieran egindako epaiketaren ebazpena ezagutu da orain. Bertako epaileak berretsi du lehendik poliziak hartutako neurria, Txanpi estatu espainiarretik kanporatzearena alegia.

Ostiral goizean, Jean Pierre Harokarene “Txanpi” Soriako kartzelatik atera eta  Pausun utzi zuten aske, Hego Euskal Herrian bizitzea debekatuz.

Honen aurrean EH Bildutik adierazi nahi dugu Irungo herritar honi mendekuan oinarritutako zigor erantsia ezarri zaiola, bi argudio faltsutan sostengatuz: bata kanporatzearekin kalterik ez zaiola egiten, eta bia Irungo herrian sustraituta ez dagoela baieztatuz.

Jean Pierre Harokarene “Txanpi” gaur goizeko 6:30ean aske geratu da. Soriako kartzelatik atera bezain pronto espainiar poliziak atxilotu du preso politiko ohi irundarra eta Soriako komisaldegira eraman du. Han senideei deitzea utzi diote eta eskuburdinak jarrita Biriatura eraman dute. Txanpi Frantziako estatuan kargurik ez duelako Pausura eraman eta libre utzi dute.

Jean Pierre Harokarene “Txanpi”, Irungo euskal preso politikoa, bihar ostirala Soriako kartzelatik atera bezain pronto espainiar poliziak Biriatuko mugaraino eramango du frantses poliziaren esku uzteko.

Txanpiren kanporatzea salatzeko gaur poliziaren komisaldegiaren parean elkarretaratzea egin da. Bihar 20:00etan Moskun batzar informatiboa egongo da eta larunbaterako manifestazioa antolatu da 9:00etan San Juan plazatik aterata.

  ● osteguna 16 elkarretaratzea,  20:00etan Kolon pasealekuan, poliziaren komisaldegiaren parean.
  ● ostirala 17 batzar informatiboa, 20:00etan Moskun, txanpiren egoera ezagutzeko.
  ● larunbata 18 manifestazioa, 19:00etan San Juan plazatik aterata.

Txanpi Harokarene etxera !!!

Jean Pierre Harokarene-ri “Txanpi” bere kartzela zigor osoa bete eta gero Hego Euskal Herrian -Irunen- bizitzea debekatuko diote, espainiar nazionalitateko agiriak eskuratu bitartean, gutxienez.

Jakin denez, ostiralean Soriako kartzelatik atera bezain pronto espainiar poliziak Txanpi Biriatuko mugaraino eramango du frantses poliziaren esku uzteko.