Irungo Harrera Sarea.- Gaur, martxoak 14, elkarretaratzea Behobiako zubian, 18:30ean
Irungo Udalak, 2021eko abenduaren 23an egindako osoko bilkuran, erabakia hartu eta aho batez onartu zuen Irungo Udalak Gipuzkoako Foru Aldundiari eta bere Bide Azpiegituretako Departamentuari Juan Thalamas Labandibar kalean, Artia eta Behobia auzoen arteko tartean, abiadura 30 km/h-ra murrizteko eskatzeko mozioa.
Abotsanitz.- Abotsanitz Udal Taldeak atzoko egunez Alarde Fundazioak Arma Plazan duen egoitzan agerturiko pintaketen aurrean, mezu pribatuz elkartasuna adierazi zion Alarde Fundazioari. Horrelako ekintzek gatazkaren konponbidean lagundu dezaketenik ez dugulako uste.
EH Bildu.- Batzar Nagusietako osoko bilkuran, EH Bilduk ebazpen-proposamen bat aurkeztu du Eusko Jaurlaritzari Bidasoako eskualdeko ospitaleko obrek Irun, Hondarribia eta Bortzirietako osasun-zerbitzuan izango dituzten eraginak argitzea eskatzeko. Zehazki, Osakidetzari eskatu diogu bloke kirurgikoa berritzeko lanak ez hasteko, harik eta langileekin erreforma obren helburuak eta ondorioak adostu arte.