Abotsanitz.- Zaporeak Gobernuz Kanpoko Erakunde gipuzkoarrak Greziako Lesbos irlan abian duen proiektuarentzako diru laguntza bat eskatu dugu gaur Hondarribiko Udalean. Irailaren 9an Greziako Lesbos irlako Moria kanpalekuak su hartu zuen, koronabirusaren hedapenaren aurrean erakundeen erantzun ezaren kontrako protesten ondorioz. Sugarrek erabat kiskali zuten kanpalekua, bertan bizi ziren milaka errefuxiatuak kale gorrian utziz.
Irungo EH Bildu.- Badira bost urte Morian, Grezian, pertsona errefuxiatuentzako eremua sortu zenetik. Hasieran 3.000 pertsonentzat sortutako eremu hau kontrolik gabe hazi eta hazi da (gaur egun 12.000 lagun ditu), Europak beste alde batera begiratu duen bitartean eta estatuek pertsona errefuxiatuak artatzeko konpromisoa (2015 eta 2016 artean sinatutako banaketa kupoa) alboratu duten bitartean.
Eman zuen bere lehen otordua Lesbosen. Bederatzi hilabeteko lan gogorraren ostean, atzokoan, otsailak 11 eman zuen bere lehen otordua Zaporeak Proiektuak Lesbosen. Greziako uharte honetan dago kokatua bere sukalde berria eta lehen egunean 1.300 otordu banatu zituen Team Humanityk martxan duen proiektuan.
