antxetamedia.eus

antxetamedia.eus jarioa-rako harpidetza egin
Eguneratua: duela 2 ordu 39 min

Kotte Ezenarrok segituko du Patzuergoko lehendakari gisa eta proposamen berriak proposatu ditu Irungo Elkarrekin Podemosek

Og, 12/12/2019 - 16:31

Atzo Bidasoa-Txingudi mugazgaindiko Partzuergoaren batzar berriaren eraketa egin zen. 
Joan den maiatzean Irunen eta Hondarribian egindako udal-hauteskundeak direla eta, eta Partzuergoaren estatutuen 14. artikuluaren arabera, Batzar Nagusiko ordezkarien agintaldia amaitu egin baita, izendatu zituzten karguak berritu direlako. Hori dela eta, bi udaletako osoko bilkurek hiru ordezkari aukeratu behar izan dituzte. Hendaian ospatutako asanbladan, Irungo Udalaren kasuan, 2019ko uztailaren 12an egindako osoko bilkuran erabaki zen ordezkariak Jose Antonio Santano alkatea, Xabier Iridoy eta Miren Echeveste izango zirela.
Hondarribiko Udalari dagokionez, 2019ko ekainaren 24an egindako osoko bilkuran Txomin Sagarzazu alkatea, Juan Luis Silanes eta María Noemí Odriozola hautatu ziren Batzarrerako ordezkari.
Hendaian, udal hauteskunderik egin ez denez, Kotte Ecenarro alkateak eta Richard Irazusta eta Iker Elizalde jarraitzen dute Udaleko ordezkari gisa.
Kotte Ecenarro, Hendaiako auzapezak jarraituko du erakundearen lehendakari gisa. 
Baina aldaketa guztien artean, Miren Etxebeste, Elkarrekin Podemoseko Irungo idazkari nagusia izan da odolberritze eta ideia berriak proposatzen sartu den bakarra. 

Hondarribiko PSE alderdi sozialistak herriko apartamentu turistikoen erregulatzeko Udal Ordenantza baten beharra aldarrikatu du

Og, 12/12/2019 - 16:25

Berez, 2016ko urrian sozialistek aurkeztutako mozio bati esker, ordenantza hori garatzea onartu zuen udalbatzak ahobatez. Baina orain artean, Udalak herriko etxebizitzen erabilera motari buruzko azterketa bat baino ez du egin, egoera erregulatu gabe jarraitzen duelarik. 
Bizitoki turistikoen kopurua emendatu izanak, batetik, alokairuaren prezio orokorra garestitu eta gazteentzako eskaintza ttipitu egin duela diote sozialistek. Aldi berean, sekotre turistiko profesionalarenganako lehiakortasun desleala suposatzen duela oroitarazten dute. 
Hortaz, egoera erregulatzeko udal ordenantza ezinbestekotzat jotzen duten bitartean, pisu turistikoei aplikatu beharreko tasa bati ere ez dizkio ateak ixten. Egoera aztertu eta komenigarria baldin bada, beste hiri batzuetan egin izan den bezala, tasa bat aplikatzea neurri egokia izan daitekeela uste du Iosu Alvarezek. 
Hondarribiko ekonomiaren %22a turismoak eragiten du gaur egun, eta herrian lan egiten duten herritarren %82 zerbitzuen sektorean ari da lanean. Hortaz, pisu turistikoek ukan dezaketen eragina handia dela ohartarazi dute sozialistek. 
Iosu Alvarez, PSEko Hondarribiko bozeramalea 

Klima aldaketaren aurkako hitzorduak gurean ere

Og, 12/12/2019 - 16:20

Madrilen COOP25 klimaren gailurra ospatzen ari diren bitartean, gure eskualdean ere, gogoetarako zenbait hitzordu antolatu dituzte egunotan trantsizio energetikoa eta kutsadura emariei aurregin nahian. #IZAN ALDAKETA lelopean, ibai bazterren garbiketarekin hasi ziren udazken hastapenean herritarrak sentsibilizatu nahian. Eta Hondakinen Prebentzio Astea antolatu dutelarik, hitzordu zenbaitzuk proposatzen dizkigute Irun eta Hondarribian. 

100 urte, Zorionak Xaia

Az, 12/11/2019 - 14:29

Pausuko Xaia ostatuak 100 urte beteko ditu aurki. 1920an  Maddi eta Pantxoa Hiribarren anai-arrebak, ostatu ttiki bal zabaldu zuten, bertan Aljeriatik ekarritako arnoa saltzen zuten, Xaia ostatua hasierati bidasoaren bi aldetako bizilagunen arteko elkargune bilakatu zen, izan ere, lapurdi eta Gipuzkoa banatzen duen egurrezko zubia ondoan bait zegoen. 1968 urtean Pablo Ugalde Oiartzuarra Xaian hasi zen lanean eta 1980an Hasierako jabea erretreta hartu zuenean ostatua erosi zuen. 2000. Urtean, Pablo Ugaldek xaia ostatua utzi eta 120 lagunek dirua jarri eta ondoren bakalao elkarteak hartu zuen xaia ostatuaren antolakuntza. Geroztik Beénat Elizondo da Xaia ostatuko nagusia. Mendeurrena merezi duen moduan ospatzeko egitarau oparoa antolatu dute; 2020 urtean zehar, Anje Duhalde, Niko Etxart, SKUNK, L’arcugi edota Roots System bezalako musika taldeak arituko dira, horretaz gain, kantu afariak, bertso emanaldiak eta arno dastaketak antolatu dituzte besteak beste. Protagonista eta antolatzaileekin hitz egin dugu 

2006an Aiako Harria Natur Parkeko Lapurriturriko informazio puntua zabaldu zutenetik, bisitari kopuru marka guztiak hautsi ditu aurten.

Az, 12/11/2019 - 14:20

Guztira 1.625 bisitari jaso ditu Erlaitzen dagoen egurrezko etxolak. Eta Behemendi landa garapenerako elkarteak jakinarazi duenez, bisitarien %36a irundarra den bitartean, eta beste %17a Oarso-Bidasoko bizilaguna, atzerriko bisitarien kopuruak ere gora egin du. %11 Europako beste herrialde batzuetakoa izan baita aurten, eta guztien %19a Ipar Euskal Herriko mendizaleak.

Mikel Zendoya, Behemendi elkarteko ordezkariak esplikatu digunez, hastapeneko urtetan Irungo Udalarekin lankidetzan nekez  jarri ahal izan zuten zerbitzua martxan, baina azken urteetan sendotu egin da.

EAJko burukide bat buru duen Montai enpresa taldeak Hondarribiko Udalari egindako mehatxua eta praktika mafiosoak salatu ditu Abotsanitz udal taldeak

Az, 12/11/2019 - 14:17

2009az geroztik, lehiaketa publikorik gabe, eta modu irregularrean alkate-dekretu bidez ordaindutako zerbitzuen onuradun izan da enpresa talde hau. Baina Udalak azken aldian, beste enpresa batekin lanean hasi den unean, Aitor Elorza jeltzalea buru duen Montai enpresak Udalaren aurrean neurriak hartzeko mehatxua iragartzen duen idatzia jaso du alkateak ez ezik, Udal Gobernua jeltzaleak eta oposizioko udal talde guztiek ere.Montai enpresa kasua, ez da Hondarribiko Udalaren zerbitzuen jardunean irregulartasunean eman den bakarra. Izan ere, Abotsanitzek salatu duenez, soilik agintaldi honetan 600.000 euro inguru ordaindu ditu Udalak, udal kontu-hartzailearen erreparoa altxatu eta alkate-dekretu bidez onartuta. Kontratazio Publikoen Legeak agintzen duenez, 3.000 eurotik gorako zerbitzuen ordainketak egin behar direnean, zerbitzu hori lehiaketa publiko bidez bideratu behar du Udalak. Baina ekainaz geroztik 13 alditan ordaindu dira kopuru horiek baino handiagoak diren zerbitzu prestazioak Txomin Sagarzazu alkateak dekretuz onartuta.Montai enpresaren kasuan, Hondarribiko Udalaren kultur jarduera eta jaietako eszenatoki eta instalazioetaz arduratu da 2009az geroztik, inolako lehiaketa publikorik egin gabe, aurrekoa kontratuaren esleipena behin iraungita. Baina Hondarribiko Udalak beste hamar bat zerbitzu mantentzearren,  iraungitako kontratazioak izanik, era irregularrean ordaindu ditu azken urteetan.

Estitxu Urtizberea, Abotsanitzeko hautetsia eta  Igor Enparan taldeko kidea dituzue entzungai

 

Berako udalak mugikortasun plana burutu nahi du prozesu parte hartzaile bat eginez.

Az, 12/11/2019 - 06:48

Horretarako, gaur bilera irekia eginen da Beralandetan. Eta bestalde, aulki Hutsak izeneko solasaldia eskeiniko dute bihar Beralandetan, Izarra Tanatorioko arduradunek

Nafarroako Paleopatologia ezagutzeko aukera Oiasso Museoaren eskutik

Ar, 12/10/2019 - 15:07

Nafarroako Museoak “La vida impresa en los huesos: Paleopatología en Navarra” izeneko erakusketainteresgarria dauka erakusgai, non Aurrehistoriatik XIX. mendera doan epe batean, 20 astetako adinetik zahartzaroraino iristen diren 80 gizon eta emakumezkoen hezurrak biltzen diren. Jokin Lanz, Oiasso Mueseoko kidearekin hitz egin dugu eta haren ahotik bildu dugu xehetasun oro

Egunerriak familian pasatzeko proposamena landu du aurten ere Irungo udalak

Ar, 12/10/2019 - 15:02

Eguberriak familia artean gozatzeko direnez, adinekoekin pentsatu du Irungo Udalak aurten ere. Joan den udan abian jarritako Udan Gogoz programaren hari beretik, espresuki adineko pertsonei zuzendutako jarduera egitaraua oparoa antolatu du Gizarte Zerbitzuetako Adinekoen Udal Zerbitzuak. 

Gabonetako oporretan, adineko pertsonek bizi dezaketen bakardadea sahiestu, belaunaldien arteko jarduerak sustatu eta adineko pertsonen zahartzaro aktiboa sustatzeko helburu du Udalak. 

Natalia Perez, Irungo Udaleko Adinekoen Zerbitzuko zuzendariak eman dizkio xehetasun guztiak Koldo Nausia lankideari

Indarkeria Matxistaren Biktima Erresilienteen Kontseilua aurkeztuko dute gaur Irunen

Ar, 12/10/2019 - 14:58

Gaurko hitzorduen artean, aldiz, Euskal Herriko eta kanpoko  indarkeria matxistaren biktimen bozgoragailu izateko xedea duen, Indarkeria Matxistaren Biktima Erresilienteen Kontseilua aurkeztuko dute Irunen. Palmera Montero guneko 5. aretoan, arratsaldeko 18:30ean eman dute hitzordua. Eta antolatzaileen artean dagoen Gaurko Andreak elkarteko Irene Kastezubik esplikatu digu zertan datzan kontseilu hori. 

Irene Kastezubirekin hitz egin dugu

EH Bilduk “Tokiko merkatalguneak kolokan” izenburua duen hitzaldia antolatu du bihar

Ar, 12/10/2019 - 14:53

Gabonetako kanpainan bete-betean murgilduta gaudela, Bidasoa eskualdeko merkataritza egoera zailean dago. Irunen 2011-2018 bitarte, tokiko merkatariza %29,49 jaitsi da, 326 komertzio txikik ateak itxi baitituzte 2011az geroztik, eta %8ak Hondarribian.  Eskualde gisa, EAEko daturik altuena da, kontuan hartu behar baita Euskadi mailan %7 apaldu egin dela komertzio txikien kopurua denbora epe berean.   Datu hori kontuan hartuta, eta Zaldunbordako makro outlet proiektua gauzatzeak ondorio kaltegarriak ekarriko lituzkeela ikusita, EH Bilduk “Tokiko merkatalguneak kolokan” izenburua duen hitzaldia antolatu du aste hontan Hondarribian.  Hitzaldia, asteazkenean, arratsaldeko 19:00etan Hondarribiko Kultur Etxean izango da, EH Bilduko legebiltzarkide Iker Casanovaren eskutik.

Iker Casanova legebiltzarkideak gogor egin dio aurre proiektuari, Hondarribiko alkateak ekainaren 26an dekretu bidez aurre-onarpenari bide eman zionetik. Eta merkataritza txikiaren etorkizuna kolokan dagoela nabarmendu du behin baino gehiagotan. 

Bihar atsaldeko 19:00retan Alde Zaharreko Kultur Etxeko hitzaldia, irekia izango da, eta eskualdean eragin handia duen gaia denez, EH Bilduk bertaratzeko deia egiten die Irundar eta Hondarribitarrei. 

Zaldunborda Gainako eremuan Higertokik lizentziarik gabe eraikitzen hasi dela salatu du Abotsanitzek.

Ar, 12/10/2019 - 14:49

Udaran inongo udal lizentziarik gabe zuhaitz eta landaredi mozketa eta betelanak egin zituenean, Abotsanitzek Ertzaintzara jo zuen salaketa egitera. Eta isun administratiboa jaso dezake enpresa sustatzaileak. Oraingoa honetan, aldiz, baimenik gabe ere eraikin txiki bat altxatzen hasi da eremuan bertan.

Udal arkitektoak baieztatu dio Abotsanitz udal taldeari, eraikuntza horrek ez duela udal lizentziarik jaso. Zaldunborda Gaineko Hondarribia Shopping Village delako sustatzaileak lurren deskontaminazioaren 5 milioi euroko gastua bere gain hartu duelarik, lan horiek egiteko baimena badu, baita horri lotutako lur zundaketak egiteko ere. Baina administrazioaren inolako kontrolik gabe, haratago joaten ari dela salatzen du Abotsanitzek. 

Gauzak honeka, lan guztiak bertan behera geratzea exijitzen du Abotsanitzek, eta Gipuzkoako Foru Aldundiari eta Eusko Jaurlaritzari babesa eta esku hartzea eskatu die, legea errespetatu arazi dezaten.

Abotsanitzek egindako eskaeraren ondotik, Udal arkitektoak jakitera eman die, Higertoki enpresari eraikuntza horren lanak geldiarazteko agindua eman diola. 

Igor Enparan, Abotsanitzeko bozeramalea

Kataluniari elkartasuna adierazi asmoz, 200 bat lagunek Larun argiztatu zuten joan den larunbata ilunabarrean

Al, 12/09/2019 - 16:21
Eta horrez gain, Kinto bestetatko txikizioak salatu ditu antolatzaile taldeak

« Be Veggie » beganismoaren inguruko mugazgaindiko azokak 60tik gora erakusketari eta ehundaka bisitari bildu ditu.

Al, 12/09/2019 - 16:18

Asteburu osoan zehar,%100 jatorri begetalak duten produktuak ersoteko aukerak eskeintzeaz gain, hitzaldi, tailer eta musika emanaldiak izan dira. Hainbat parte hartzailerekin hitz egiko aukera izan dugu

Hendaiako Olentzero Rock festibalaren 9. Edizioa larunbata hontan ospatu zen

Al, 12/09/2019 - 16:16

Urtero bezala IPK elkarteak herriko elkarte eta eragile ezberdinen laguntzarekin ekitaldi solidarioa antolatzea lortu zuten. Larunbata arratsaldean, haurrak izan ziren protagonista nagusiak eta gauean kontzertuak: Iron eta Maider, Sugar&tiger, les sheriff edota rodeo taldeekin. Kontzertuaren sarrera jostailu baten truke eskuratzen zen. Antolatzaileak pozik agertu dira aurtengo Olentzero Rock festibalak izandako harrerarekin. Aitor Errazkin lankidea bertan izan zen eta antolaketan bolondres lanetan ibili zirien lagun batzuekin hitzegin zuen.

25 urteren ondoren bueltan da Irungo Santo tomas futbol txapelketa

Al, 12/09/2019 - 16:14

1980-1990ko hamarkadetan mitikoa izan zen futbito txapelketa berreskuratu du Irungo Sarek, 25 urteko etenaldiaren ostean. Hala, datorren hilaren 21ean, San Tomas egunean zehazki, presoen aldeko Santo Tomas Futbito Txapelketa egingo dute Uranzu pilotalekuan. 9:00etan hasiko dute lehiaketa, eta 19:00ak bitarte luzatuko dute. Aitor Errazkin lankidea, Odei Eskudero, santo tomas txapelketako antolatzailearekin hitzegin du

Joseba Beola gidari beratarrak, Nafarroako asfalto gaineko Rallya irabazi du Joxelu Irazokirekin

Og, 12/05/2019 - 14:39

Bestalde, etzi  Larun argiztatzeko ekimena burutuko du Gure Eskuk

Bihar arratsaldean, Santo Tomas futbito txapelketaren itzulera aurkeztuko dute Irunen

Og, 12/05/2019 - 14:35

25 urte eta gero, bueltan dugu euskal presoen aldeko Santo Tomaseko txapelketa mitikoa. Irungo Sarek antolatuta, "Korapiloak askatzeko unea da" lelopean, abenduaren 21ean ospatuko da Urantzu pilotalekuan ere. Odei Eskudero, SAREko kidea eta antolatzaileetako baten azalpenak bildu ditugu. Taldeak gehienez jota 10 lagunekoak behar dute, eta esan bezala, izena emateko abenduaren 13a arte egin daiteke, torneosantotomas@gmail.com helbidera idatziz.

Zaldunbora gelditu plataforma, kezkatuak eta haserre

Og, 12/05/2019 - 14:31

Zaldunborda gelditu plataformako kideei eman diegu gaur hitza, joan den astean Txomin Sagarzazu Hondarribiako alkateari elkarrizketa egin ostean.

Sonia Herce, Zaldunborda Gelditu plataformako kidea da, eta berarekin hitz egin ahal izan dugu luze eta zabal

Gogoratu Zaldunborda Gelditu plataformak Zaldunbordako Shopping Village proiektuaren kontrako elgarretaratzea deitu duela gaur 20:00retan San Pedro kalean.

 

10 000 lagunek bete dituzte Baionako karrikak erretreta erreformaren aurka

Og, 12/05/2019 - 14:23

Historikotzat jo dute atzo, erretreten erreformaren aurka Baionako karriketan burutu zen manifestaldia. 7000 pertsona batu ziren poliziaren arabera, eta antolatzaileen arabera aldiz 10 000. Datuak datu, sektore publiko eta pribatuko langileek aldarrikapenerez bete zituzten Lapurdiko hiriburuko karrikak. Datozen egunetan mobilizazio eta greba gehiago egonen direla ohartarazi zuten sindikatuek, eta batasuna atxikitzeko deia luzatu zuten, banketxeen mesedetara egina dagoen erreforma bat baita gobernua bultzatzen ari dena.

Hendaiako herriko etxeko langile bat, eta CGT zein LAB sindikatuetako ordezkariekin hitz egin dugu.

Orriak