antxetamedia.eus

antxetamedia.eus jarioa-rako harpidetza egin
Eguneratua: duela 4 ordu 59 min

Itsasoan aldaketa garrantzitsu batekin dator antxuaren kostera.

Al, 01/20/2020 - 12:16

Hendaiako eta Donibaneko arraste-ontzi pelagikoentzat berri onekin, eta kezka handiagoarekin, aldiz, Hondarribikoentzat.
Izan ere, 90. hamarkadan pelagikoen kontra Bidasoaren bokalean bizi zandako istilu larrien ondotik, 2009az geroztik Bizkaiko Golkoan antxoaren arrantza arautu duten ituna iraungi egin zen abenduaren 31ean, eta joan den astean negoziatu behar izan dute aurtengo kanpaina.
Pelagikoak erabiltzen dituzten Lapurdi eta Landetako arrantzaleek kanpaina lehenago hastea eskatu dute aurten.
Aste honetan Getarian egindako bileran, pelagokioen eskaera onartu egin dute Gipuzkoa, Bizkaia eta Kantabriako arrantzaleek. Hau da, antxuaren arrantza tradizionalean ari direnak martxoaren 1ean hasiko dute kanpaina beti bezala, baina pelagikoek ekainean beharrean, apirilaren 15ean hasiko direla esplikatu digu Eugenio Elduayen, Gipuzkoako Kofradietako presidenteak.

Garai batean pelagikoek antxuaren biomasan eragindako kalteen ondorio, eta tradizionalen harrapaketetan nabarmen eragiten zuelako erabaki zen, bi kanpainak denboran banatzea. Aldiz, azken urteetan antxuaren biomasa berreskuratzeko egindako lanen eta debekuen ondorioz, espeziea berreskuratu egin da. Baina aurten apirilaren 15etik aurrera pelagikoak eta tradizionalak aldi berean ariko dira arrantzan.
Horrek, arrantzaleak kezkatzen ditu

Edozein kasuetan, arrantzaleen artean lortu duten akordioa, orain Espainia eta Frantziako arrantza ministerioek baieztatu beharko dute, eta letra txikia bete gero.

Eugenio Elduayen, Gipuzkoako Kofradietako presidentearekin hitz egin dugu

"Nola" zahartu ere aukeratzeko eskubidea beharko genukeelako

Al, 01/20/2020 - 12:12

Zahartze aktiboa eta osasuntsua xede duten proiektuak laguntzeko, Gipuzkoako Foru Aldundiak bigarren urtez deitu duen Adinberri diru laguntza deialdiaren 16 onuradunen artean, Hiritik At kooperatiba irundarra dago. Belaunaldien arteko bizitoki komunitarioak bultzatu nahi dituzte. Mikel Valero bertako kideak, egitasmoaren berri eman digu

 

Denboraldia inauguratu du OLA sagardotegiak

Al, 01/20/2020 - 12:09

Usurbil, Astigarraga eta Hernaniko sagarnotegien txotx sasoi irekieren ondotik, Euskal Sagardoa denominazioa duen Bidasoa eskualdeko sagarno bakarra baino ez zen falta estreinatzen. Horretarako, igandean 300 lagun inguru bildu ziren Irungo Meaka auzoko OLA sagardotegian.
Koldo Nausia lankideak segitu zuen urteko lehen txotx tragua.

 

Abotsanitzen arabera, Hondarribiko EAJk blues jaialdia erabili zuen Montai taldeari etekina emateko

Og, 01/16/2020 - 15:12

2012az geroztik enpresa honek Udalari lehiaketa publikorik egin gabe eskaintako zerbitzu prestazioen truke, Udalak 2 milioi euro inguru ordaindu duela salatu izan du oposizioko udal taldeak. Eta Blues Festibalaren kasua, MONTAIk duen fabore tratuaren adibide garbia dela dio orain. Diotenez, lanak "nahierara" eskaini izan zituen Udalak, eta lanak zatikatu egin omen zituen Udalak, kontratazio mahaia deitu gabe baimentzen den legezko muga ez gainditzeko. 
Oroitarazi beharra dago 13 urtez ospatu izan zen Blues Jaialdia ekimen pribatua izan zen hastapeneko urteetan, baita 2018ko azken edizioan ere. Baina 2015etik 2017ra bitartean, Udalak hartu zuen festibalaren antolaketa. Eta urte horietan Udalak jaialdirako karpa, eszenatoki eta instalazioen lanak Montai enpresa taldeari modu irregularrean esleitu zizkiola salatu du Abotsanitzek.
Are gehiago, Abotsanitzek helarazitako txostenak dioenez, 2015ean Montaik 60.500 euro fakturatu zizkion udalari bost fakturen bitartez. 2016an, 53.282 euro fakturatu zituen, eta azkenik, 2017an, 51.058 euro fakturatu zituen. 
Azken ekitaldi horretan gainera, falta larri bat egon zela salatu dute. Izan ere, lanak Montaik jaso bazituen ere, honek gero Asturiaseko Grupo La Karpari azpikontratatu zizkion. 

Igor Enparan Abotsanitzeko kidea 

Hondarribiko Turismo Plan Estrategikoa 2019-2023 aurkeztu dute

Og, 01/16/2020 - 15:09

Azken lau urteetan egindako azterketa eta diagnostiko lan sakon baten ondotik, Hondarribiak turismoari ahalik eta etekinik handiena ateriaz, baina eredu jasangarri batekin egin nahi du aurrera.
Betiere, joan den astean aurkeztu zuten Hondarribiaren turismo markaren bitartez, Bidasoa-Txingudi eta Euskadi-Basque Country marketatik aldenduz, esentzia propioa duela erakutsi nahian. 
Horretarako, hainbat zutabe nagusi dituen proiektua aurkeztu dute gaurkoan. Datozen hiru urteetan 30 proiektu garatuko dituztelarik: 
Haien artean, Hondarribiko Turismoaren Behatokia sortzea, turismoak hirian dituen dinamikak eta ondorioak ezagutzeko, San Juan de Dios plazan autobus-dartsena bat bezalako proiektuak, edota autobus turistikoak kudeatuko dituen mugikortasun turistiko jasangarriko plan bat bultzatzea, seinaleztapena, Higerreko itsasargian eskuhartzeko plana edota Jaizkibel mendian ibilbideak martxan jartzea. 
Izan ere, turismoa herri osoan barreiatuz, masifikazioak sahiestuko dituzte, bisitariak urte osoan zehar erakartzeko aukera sustatzen den bitartean.  
Horren beharra dagoela ondorioztatu dute herritar eta sektoreko profesionalen eskutik egindako azterketan. 
Bestalde, turismo produktuen garapena bilatuko dute, kultura, gastronomia, erosketak, kirola eta natura edota inguruko herrietako baliabideekin lankidetza bilatuz. Eta marketin turistikoa landuko dute. Aipatu bezala, marka berria, wbegune, liburuxka eta behar euskarriekin. 
Era berean, hau guztia kudeatzeko gobernantza eredu berri bat bilatuko dute, Hondarribiko Turismo Kontseilua sortuz. 
Azken batean, Hondarribiaren protagonismoa zabaltzea dute helburu turismo-foroetan ere. Eta hortan, urtarrilaren 22tik 26ra bitartean MAdrilen ospatuko den FITUR turismoaren azokan, Hondarribia presente izango da. 
Txomin Sagarzazu alkatea eta Maria Serrano, Turismo zinegotziarekin hitz egin dugu 
 

"DokuIrun" estreinatuko dute bihar Irunen

Og, 01/16/2020 - 15:07

Irungo Udalak tokiko zinemagintzari bultzada baten emateko nahia agertu du. Eta DokuIrun programa da horren adierazle. Izan ere, bihar hasi eta apirila bitartean proiektatuko dituzten 6 dokumentalen kasuan, Irungoa dute zuzendaria, protagonista, kontakizuna edo eszenatokia. Bihar bertan, Jon Sistiaga kazetari irundarrak zuzenduriko ETAren biktimei buruzko hausnarketarako "ZUBIAK" dokumentala eskainiko dute, 20:00retan Amaia Kultur Zentroan. Eta bertan izango da Jon Sistiaga bera proiekzioarekin batera, ikusleekin solasaldi baten eukitzeko.  DokuIrun programaren formatoak, beti egileen partehartzea jasoko baitu. Bidasotar zinemagileentzako aukera paregabea dela esplikatu digu, otsailan bere azken lana eskainiko duen Bertha Gaztelumendik. Gaztelumendiren azken lana, "Ez, Eskerrik asko! Gladysen lehioa" izenekoak, Tuteran Guardia Zibilaren tiro batek eraildako Gladys del Estal-en erailketa du ardatz, antinuklear mugimenduaren berrikusketa historiko bat egiteko. Aipatutako bi emanaldi hauetaz gain, martxoan eta apirilean bina proiektuatuko dituzte, haien artean, Veneciako Festibalean aurkeztu berri duten Oskar Alegriaren "Zumiriki" edota gazte talde batek sortu berri duen Birziklatu Elkarte irundarraren aurkezpenerako baliatuko den, Greenpeace erakundeak ekoiztutako "Sanctuary" izenekoa, aldaketa klimatikoaz.  Emanaldiak, beti ostiraletan izango dira, atsaldeko 20:00retan, eta sartzeak dohainik jaso daitezke Luis Marianoko turismo bulegoan edota egunean berean, Amaia Kultur Zentroan. 

Bertha Gaztelumendirekin hitz egin dugu 

Guk ere baditugu gure bertsoak, Aitor Errazkin bertsolariak eginak

Og, 01/16/2020 - 14:57

Irrati batek ere, ukan ditzake bere bertso idatzi eta musikatuak. Horra gureak, Irunabar taldeko Aitor Errazkin bertsolariak eginak. 

Halako bidelagunekin, garaipenak ospatzen eta gozatzen jarraitu behar dugu, egunerokoan euskarak jasaten dituen oztopoei aurre eginez.

Milesker ohi denez, Irunabar, milesker Aitor Errazkin!

Hondarribiko baserritarren azoka martxan jarri zutela 10 urte beteko dira heldu den udaberrian

Og, 01/16/2020 - 08:41

Eta azken urteetan herriko ezti, ogi eta barazki ekoizleei Damarri plazan zein San Pedro kalean eskainitako azokaren aukerarekin batera, tokiko produktuaren aldeko apustua egin nahi izan du. Hala, Bottika aldeko agroaldean 15.000 metro karratu lur publiko jarri zituen nekazaritza ekologikoan proiektu berrientzat aukeran, eta udaberri hontan, Bertako Produktuaren Astea antolatuko dute hirugarren urtez.

Aldiz, baserritarren azokaren asterokoa bultzatu nahian, keinu txikiak ere egin nahi ditu Udalak. Eta gaurkoan, datozen asteetan azokan bertan erosketak egiteko banatuko dituzten espartzuzko 500 poltsa bererrabilgarri aurkeztu ditu Kalixa Silanes zinegotziak.

Baserritarrak ordea ez dira Udala bezaain baikor. Esan digutenez,  Udalak tokiko produktuan eta ekoizleengan sinesten duela dio, baina azoka kontsolidatua baldin badago, ez dute ulertzen, nolatan Udalak ez duen behingoz azoka egitura finko eta iraunkor batean kokatzen. Bezero zein ekoizleen faboretan izango litzakeela uste dute.

Adonaren autobusa Beran izanen da gaur eta etzi, odola eman ahal izateko

Og, 01/16/2020 - 06:20

Eta horrez gain, Sexty Serxerren itzulera baieztatu da. Taldeak 3 kontzerturen berri eman du sarean

EuskarAbentura 2020 Euskal Herri osoa zeharkatzeko proposamena hirugarrenez

Az, 01/15/2020 - 14:04

Hamaika abentura eta bizipen zakuan gordetzeko parada izango dute heldu den udan EuskarAbentura 2020 espedizioari esker, eskualdeko gazteek. Hirugarren urtea da, Ruta Quetzal famatuan oinarrituta, Euskal Herri osoa zeharkatzeko proposamena egiten dutela. Euskararen bueltan eta Euskal Herriko jendeak eta bazterrak sakonean ezagutzeko aukera eskainiaz.

Dagoeneko 230 gaztek euskaraz Euskal Herria ezagutu eta bizitzeko aukera izan dute aurreko bi urteetan. Eta 2020ko uztailean beste 120 gaztek biziko dute abentura ahaztezin hau.2003 eta 2004. urteetan jaiotako hautagaiek lana eta motibazio gutuna 2020ko martxoak 15 baino lehen bidali beharko dute. Izan ere, Euskal Herri osoa hilabete oso batean zehar zeharkatzeko aukera, merezi duten 120 gaztek baino ez dute gozatuko. Kalitate oneneko lanen egileek beraz, 2020ko uztailaren 1etik 31ra egingo den espedizioan doan parte hartzeko beka lortuko dute, bizitzan behin biziko duten esperientzia paregabea.

Azken bi urteetan, gure eskualdea zeharkatzerakoan Dunboa ikastetxean egin izan dute gaua. Iñaki Goikoetxea irundarra, EuskaAbentura elkarteko kidea eta ekimenaren eramaileetako bat da.

 

Hondarribiko Udalak Alde Zaharraren etorkizun urbanistikoa zehaztuko duen Plan Bereziaren baitan, herritarren iritziak biltzeari ekingo dio gaur

Az, 01/15/2020 - 13:49

Azken hilabetean Arma Plazan egindako erakusketaren ondotik, eta hirigune historikoaren diagnostikoa egin eta gero, herri osoko bizilagunek izango dute gaur informatu eta iritzia emateko aukera.

Txomin Sagarzazu alkateak esplikatu duenez, Alde Zaharreko Plan Bereziak, hiru plan estrategiko aintzat hartuko ditu. Hirigune Historikoa birgaitzeko Plan Berezia, Harresien Plan Zuzentzailea eta Arbolatuaren Plan Zuzentzailea. Hirigintzaren ikuspuntutik, etorkizuneko Hirigune Historikoa nolakoa izango den zehaztuko duen dokumentu bat lortzeko helburuarekin.

Herritarren iritziak biltzeko, gaur arratsaldeko 18:00etatik 19:30etara, 'Hirigune historikoaren errealitatea’ izeneko tailerra eta bisita gidatua antolatu dute. Baina irekia izanik ere, aldez aurretik izena eman beharra zegoen, www.hondarribia.eus atarian.

Abotsanitzen ustetan, Alde Zaharraren etorkizuna baldintzatuko duen prozesua izanik, herritarren parte hartzea sustatzeko ez da erraztasunik eman, diotenez, ez da aski informazioa eman eta deialdia ere ez da behar haina hedatu.

Herritarren partehartzerik gabe, Alde Zaharraren etorkizuna teknikoen irizpideen esku soilik geratuko dela ohartarazi du Abotsanitzek.

Azken aukera duzute beraz, hondarribia.eus Udalaren webgunean tailer hontan izena emateko. Eta larunbatean, "Alde Zaharraren gaineko beste begirada bat" izeneko bisita parte-hartzailea proposatzen dute. Otsaila bitartean beste zenbait deialdi egingo dituzte Alde Zaharreko Plan Berezia zehazteko.

Baina kalean eztabaida edota ezustekorik sor ditzazkeen zenbait eraikinen gainean eragina izango du Plan Bereziak, hirigintza antolamenduaren aldertik. Izan ere, orain deus erabakita ez badago ere, harresiaren baitan, Olagarroren eraikina batetik, edo Mouriscot eraikina bestetik, eraistea aurreikusten baita.

Txomin Sagarzazu alkateak eta Igor Enpara Abotsanitz oposizio taldekoak entzungai

Erretreta sistemaren kontrako mobilizazio goiza izan da gaur Hendaian.

Az, 01/15/2020 - 13:42

SNCFeko langileak greban 43 egun betetzen dituzten honetan, Pariseko gobernuak negoziatzeko irekidura agertu badu ere, CGT eta LAB sindikatuek borrokan jarraitzeko deia luzatua zuten goiz hontan Hendaian. Hala, "Greba orokorrari bai" lelopean, 500 lagun mobilizatu dira Herriko Etxe paretik Intzura industriguneraino egin dute manifestaldian. Bidean traktak banatu dituzte, eta une batez, Carrefour Market eta Intermarche saltegiak blokatu egin dituzte. LAB sindikatuko Eñaut Aramendik esplikatu digunez, erretreta sistema publikoaren alde borrokan jarraitu beharra dago. Zentzu honetan, Euskal Herri osoan urtarrilaren 30ean deitua izan den greba egunarekin ere bat egiten dute. Europa osoan eskubideen murrizteko joera duten politiken kontra egin behar delako. CGT eta LAB sindikatuek “gobernuak, erreforma bere osotasunean atzera egin arte” kalean eta mobilizatuak jarraitzeko asmoa azaldu dute.

Goizeko mobilizazioei buruzko xehetasun gehiago bilduko ditugu berehala Ipar Orratza saio hontan.

Espainiako Gobernu berriarekin itxaropen pittin bat dute Irungo pentsiodunek

Ar, 01/14/2020 - 13:56

Astelehen hontan bi urte bete dira, Hego Euskal Herrian pentsio duinen aldeko mobilizazioa hasi zenetik. Horrela astelehenero ehundaka erretretadun kalera atera dira. Astelehen hontan, borroka honen bi urteak ospatzeko ekimen berezia antolatu dute. Irunen esaterako, elkarretaratzearen ondotik, mutxikoak eta txistorra pintxoak banatu dituzte. Mugimenduko ordezkarien esanetan, duela bi urteko arrazoi berdinak mantentzen dira kalera ateratzeko, hortaz aldarripaken nagusiak oraindik erantzun gabe daudela gogoratu dute. Euskal Herriko pentsiodunen mugimenduak, 1080 euroko gutxieneko pentsioa aldarrikatzen du eta eusko jaurlaritzari, araudi espezifiko baten bidez eta banaka, 1.080 eurora arte osatzea. Espainiako gobernu berriak hartuko dituen erabakien aurrean, esperantzarekin daudela azaldu dute.

Oiasso Erromatar muesoa Antxeta Irratian

Ar, 01/14/2020 - 07:50

Asteartero izanen dugu gurean Oiasso Erromatar museoaren berri. Bertako kideen ahotik jasoko dugu muesoearen inguruko informazioa. Historia, ohiturak, ateraldi, ikastaro eta proposamen ugari. Entzun!

Asteburuko istripu lazgarriaren ondotik, N121A errepideari irtenbide bat eman asmoz, eztabaida piztu da

Ar, 01/14/2020 - 07:48

Parlamentuan eztabaida izan zen atzo eta Bortzirietako alkateek (Tartean Aitor Elexpuru Berako alkateak) bilera egin zuten atzo.

Hondarribiako Udalak bere marka turistiko berria aurkeztu du.

Al, 01/13/2020 - 12:37

Aste honetan bertan aurkeztuko dute 2019-2023 Turismo Plan Estrategiko berria. Baina bi aste barru Madrilgo FITUR azokan hiriaren esentzia eta balioak ordezkatzen dituen marka turistikoa eta kanpaina berria martxan da.
Azken urteetan, Eusko Jaurlaritzaren Euskadi-Basque Country eta Bidasoa Biziriken eskutik ere, Bidasoa-Txingudi eskualdeko turismo eskaintzaren babespean egon ondotik, Hondarribiak Euskadik duen eskaintza guzia barnebiltzen duela erakutsi nahi du bere kabuz. "Hondarribia, Euskadi bete-betean" lelopean, itsasoa, baserria, ondare historikoa, mendia, gastronomia, jaia, tradizioa, kirola, segurtasuna, bizikidetza eta bizi-kalitatea, herria guztiaren ikur dela erakutsi nahi dute, Maria Serrano, Turismo zinegotziaren arabera.

Aurki aurkeztuko duten Turismo Plan Estrategiko berriari dagokionez, azken urtean 500 herritarrek emandako iritzia aintzat hartuta osatu dute, eta herriko ostalari eta turismo sektoreko profesionalekin eramandako lanaren emaitza ere bada.
Zentzu honetan, turismo hazkunde iraunkor eta jasangarriaren eredua bilatu nahi du Udalak. Turismo eskaintza herri osora zabalduz, baina masifikaziorik gabe, eta des-estazionalizazioa helburu dutelarik, turismoari urte osoan zehar etekina ateriaz.

Era berean, Hondarribiko turismogunea eta herritarren bizigunea berbera dela kontuan hartuta, bisitarien eta bertakoen bizikidetza bilatu nahi dute, hondarribiarrek turismoaren presioa senti ez dezaten.
Kanpaina eta marka berriaren bideoa sare sozialetan hedatzen hasi dira iada, www.hondarribiaeuskadi.eus atarian topatuko duzute.

Maria Serrano, Turismo zinegotziarekin hitz egin dugu

Azken txanpan sartu da, Asun Casasola Ipuin Lehiaketaren V. edizioa, otsailaren 9an bukatzen da epea

Al, 01/13/2020 - 12:27

Indarkeria matxistarik gabeko jendarte bat irudikatzeko bokazioz abiatu zen Asun Casasola Ipuin Lehiaketa, orain sei urte. Nagore Laffagen erailketak eragindako mina gainditu eta bere amak, Asun Casasolak jendartea eraldatzeko atera dituen indarrak omentzeko.

1.000 ipuin bildu ondotik, eta azken edizioetan zenbait berrikuntza ekarrita, 10 eta 16 urte arteko gazteek ere izango dute aurtengoan parte hartzeko aukera eurentzako kategorian.
Aldiz, hasierako urteetan ez bezala, aurten ipuinen gaia zehazteko hautatu duten leloea "Ez zaude bakarrik" ez da idatzi beharreko testuaren lehen esaldia edo abiapuntu izan beharrik.

Hain justu, otsailaren 9an lanak jasotzeko epea itxi ondotik, epaimahaia lanean hasiko da, eta martxoaren 5ean egingo dute sari-banaketa, Irungo Kale Nagusiko Bronte liburu-dendan bertan.
Lanak entregatzeko internet bidez egin daiteke. Xehetasun eta baldintza guztiak www.asuncasasolaipuinak.com atarian dituzue eskura.

Nere Sarriegi, lehiaketaren eramaileetako  bat da, eta harekin hitz egin dugu

 

 

"Emakume migratzaile(AK) artean" izeneko erakusketa aurkeztuko du heldu den ostiralean Parean talde feministak Irunen

Al, 01/13/2020 - 12:24

Baina ostegunaz geroztik ikusgai izango da erakusketa Palmera-Montero gunean. 8 emakume irundarren istorioen erretratua egin dute, haiek elkarrizketatuz, eta Bostok-eko Gari Garaialderen argazkien eta Irunabar bertsoaren bilguneko kideen bertsoekin jantzi dituzte migrazio istorio horiek.

Migrazio prozesuak gogorrak izanik, inork ez du bere jaioterria uzten halabeharrez ez bada. Eta emakume eta etorkin izateak ekarri dizkien zailtasunak aztertu nahi izan ditu Parean elkarteak.

Miren Lantzek espikatu digunez, helburua ez zen erakusketa baten antolatzea. 2020ean atzerrira joan izan diren irundarren istorioekin segida izango duen proiektu orokorrago baten baitan, honen gizarteratzeko euskarri bat baino ez da izango.

8 emakume, lau 60. hamarkada Espainiar estatutik Irun hirira iritsitakoak, eta beste lauak 2000. urtetik aurrera Hego Amerika eta Afrikatik iritsitakoen istorioak ditu hizpide proiektuak.

Erakusketa ostegun hontatik urtarrilaren 30a bitartean ikusgai egongo da Palmera Montero gunean, eta ostiralean aurkezpen ekitaldia egingo dute 19:00retan, 8 emakume protagonistak han izango direlarik. Halako proiektu batean ikusmiran daudelako urduri daudela aitortu digute Parean elkartetik.

Irunabar-eko bertsolariak ere present izango dira ostiraleko aurkezpen ekitaldian, eta bertso eta irudien aldizkari bat ere plazaratu dute, proiektuaren berri ematen duena.

Miren Lanz Solbes bertako kidearekin hitz egin dugu

 

Pascal Destruhaut HENDAIA ELGARREKIN taldearen hautagaia

Al, 01/13/2020 - 12:19

Pirinio Atlantikoetako prefeturak otsailaren 7an itxiko du martxoaren 15 eta 22ko udal hauteskundeetarako zerrenden izena emateko epe ofiziala. Hendaian, aldiz, zerrenda nagusiak prest dira hauteskundeetarako. Antxeta Irratian mahaingurua ere eginen dugu hautagaiekin neguaren azken asteetan.

Lehia nagusia egungo auzapeza den Kotte Ecenarroren HENDAIA ZUEKIN eta oposizioko taldea, orain arteko GOAZEN AITZINA zena, HENDAIA ELGARREKINen artekoa izanen da.

2014. urtean, Kotte Ecenarro sozialistak 2.014 bozkekin (%36,5a) nagusitu zitzaion, garai hartako GOAZEN AITZINAKO Battitte Sallaberry auzapezaren zerrendari, 1.500 bozka eskuratu zituela. Eta bozken %12,5a, orotara 693 bozka erdietsi zituen Hendaia Biltzen abertzaleen sustengua izan dute agintaldi honetan gobernu koalizioan.

Oposizioko GOAZEN AITZINA taldeak, aldiz, Hendaiarentzat proiektu dinamiko bat aurkeztu du. Pascal Destruhaut da hautagi berria eta harekin hitz egin dugu.

Zalantza bakarra, mementuko, 2014ko hauteskundeetan 500 bozkarekin %9a baino eskuratu ez zuen komunisten zerrenda da. Insoumis taldea ez da aurkeztuko, baina komunistekin batera eginen dute kanpaina, eta komunistek oraindik ere zerrenda ofizialdu ez badute ere, Laurent Tariol-ek zerrenda plurala osatzeko nahia agertu du, eta trantsizio ekologikoaren helburu nagusiarekin aurkeztuko direla iragarri du.

 

Berako 13.mendi eguna arrakastatsua izan zen

Al, 01/13/2020 - 07:19
Horrez gain, Toki ona institutuko ikasleek eta Larun haizpe merkatarien elkartekoek zozketak burutu dituzte.

Orriak