Bidaziko informazioa eta zazki zozketa

logotipoBidazi.- Joan den udaberritik honat, “Bidazi” elkartea  buru-belarri dabil taldea indarberritzeko asmoarekin.

2013. urtean  taldearen aurkezpenak egin ziren Bortziri, Txingudi eta Xaretako hainbat herrietan. Horretaz gain, ekonomia alternatibo eta solidarioaren astea antolatu zuten,  hitzaldi eta aurkezpenak emanez (COOP57, Trukeados eta Fiareren eskutik).  Lan horren ondotik, 60 bazkide inguru biltzea lortu du elkarteak.

Gaur egun  taldearen  lehendabiziko helburua azoka bat irekitzea da eta horretarako lokal bat prestatzen ari dira,  Alkaiagako poligonoan.  Abenduan hasiak dira auzolan lanak (asmoa bazkideen artean egitea  baita), eta helburua ahalik eta azkarren irekitzea da.

Momentu honetan “Bidazik” bertze ekimen bat ere martxan jarri du:  argazki eta marrazki bilketa bat.   Gaia “kontsumo arduratsu eta transformatzailea” da, eta parte hartzaileen artean bertako produktu ekologikoez osatutako saski bat zozketatuko da.  Ekimen honen helburuak hiru dira:

  • Bazkideen inplikazioa sustatu
  • Gizarteak egiten duen kontsumoari buruzko hausnarketa bilatu.
  • Azoka apaindu

Bidaziko Azoka apainduz, irabazi saski bat! 

Nola?: Argazki edo marrazkiak igorriz

2014ko hasiera honetan, Bidazi elkarteak, Bidasoaldeko Azoka ekologikoa irekiko duela eta, jendearen laguntza eskatzea erabaki dugu hau apaintzeko asmoz. Horregatik, bidaltzen dizkiguzuen argazki eta marrazkien artean Bidaziko bazkideek aukeratuko dituzte euren lokala apainduko duten irudiak (Bidazi proiektuaren inguruko informazio gehiagorako, gure web orria bisita dezakezue: www.bidazi.org

    1. Pertsona edo taldeko 3 irudi, argazkiak edo marrazkiak. 
    2. Irudiaren eskubideak egilearenak izatea eta aukeratutako irudiak Bidazik erabiltzeko ahalmena onartzea.
    3. Irudi bakoitzak izenburu bat edo azalpen bat izan beharko du.
    4. Parte hartzailearen kontaktu datuak: izen-abizenak, telefonoa, herria eta e-maila
      • Irudiak aurkezteko epea eta modua: Irudiak e-mail bidez bidali beharko dira info@bidazi.org-era, 2014ko otsailaren 15a baino lehen.
      • Epaimahaia: Otsailaren 15etik 23a bitarte, Bidaziko bazkideek bozkatuko dituzte, 3 aukeratuz, www.bidazi.org web orriaren bidez.
      • Saria: Bertako produktuez osatutako saski eder bat zozketatuko da parte hartzaile guztien artean. Saski hau olio, zereal, pasta, lekale, arrautza, mermelada, xaboi etabarrez egonen da osatua.

Zozketaren irabazlearen izena otsailaren 24ko astean jakinarizako da www.bidazi.org-en. Hortaz gain, argazki edo marrazki bozkatuenak Bidaziko Azoka apaintzeko erabiliko dira, eta bertan egonen dira ikusgai 2014. urtean. 

Onespena: Apainketa parte hartzailean irudiak bidaltzen dituenak oso-osorik onartzen ditu oinarri hauek.

Etiquetas: