"Nicolás Guerendiain" Irungo Elkarte Errepublikanoak egile berrientzako Komiki Errepublikanoen 1. Lehiaketarako deialdia atera du, lantzen ari den jardueren barnean. Lehiaketa honen xedea balio errepublikarrak ezagutaraztea eta sustatzea da, batez ere gazteen artean.

Aurten: ELKARTASUNA.
1939an, milaka errepublikarrek uholdeka zeharkatu zuten muga erbestearen bidean, faxismotik ihes eginez. Gaur egun, historia errepikatzen da, eta gerretatik eta gosetik ihes egiteko, Europan aterpea bilatu duten pertsonak bizitzen ari diren egoera ikusten dugu.

Elkarte errepublikanoetatik aldarrikatzen ditugun balioetako bat da elkartasuna; hori dela eta, aurten indartu egin nahi dugu balio hori gure lehiaketa gai horretara dedikatuz.

Lehiaketaren oinarriak
    Saria eskuratu ahalko dute parte hartuko duten 15 eta 35 urte bitarteko gazteek.
    Teknika librea izango da. Historiak osoak, originalak eta argitaratu gabeak izango dira. Ez dute inolako saririk lortuko beste lehiaketa batean eta, gutxienez, 2 orrialdekoak izango dira, eta, gehienez, 4 orrialdekoak. Gidoiak euskarazkoak edo gaztelaniazkoak izan ahal dira.
    Obraren edukiak zerikusia izango du “Elkartasuna” lehiaketari izena ematen dion gaiarekin
    Lanak bikoiztuta aurkeztuko dira, gutun-azal baten barruan. Gutun-azalaren kanpoko aldean hau adieraziko da: "Egile berrientzako Komiki Errepublikanoen I. Lehiaketarako". Original bakoitza ezizen batez sinatuko da eta derrigorrezkoa da gutun-azal itxi batean datu hauek eranstea: izena, abizenak, NANa, jaiotze-data, helbidea eta harremanetarako telefonoa, eta egilearen e-posta. Posta ziurtatuaren bidez bidaliko dira, honako helbide honetara:
        "NICOLÁS GUERENDIAIN" IRUNGO ELKARTE ERREPUBLIKANOA. 10008 posta-kutxa, IRUN edo, bestela, Palmera-Montero Zentro Zibikoko 4. Lokala, Leandro Agirretxe plaza 1 – 20304 Irun, Gipuzkoa.
    Lanak 2017/03/15tik 2017/06/30era arte onartuko dira. Epearen barruan bidalitzat hartuko dira postako zigilu-markan agertzen den data aipatutako epearen barruan badago.
    Lehiaketa Estatu Espainolean bizi diren pertsonei zuzentzen zaie.
    Epaimahaia hauek osatuko dute: elkarteko kide batzuek eta kulturarekin lotutako hainbat irundarrek.
    Epaimahaiaren erabakia komunikabideetan jakinaraziko da, eta era espresuan eta pertsonalean jakinaraziko zaie irabazleei.
    Saria:
        Tinta Comics Irungo dendak, 200 €-ko erosketa-txartel bat.
    Lanak ARIren jabetzan geratuko dira eta kultura hedatzeko asmoz argitaratu ahalko ditu, egilearen izena aipatuta.
    Saria eman gabe gartu ahal da.
    Deialdi honetan parte hartzeak oinarri hauek erabat onartzea dakar.