Sare.- Gaur egun, inoiz izan dugun aukerarik onena daukagu elkarbizitzarako eta bakerako. Hala ere, badago oraindik konpondu gabeko arazoen artean bat, hain zuzen ere hona guztiak ekarri gaituena, presoak. Presoek eta beraien ingurukoek, lagunek, senideek, seme alaba adin txikikoek zein adin nagusikoek salbuespen-neurriak jasaten dituzte sistematikoki.
Lehentasunez konpondu beharrekoak:
- Urrunketa
- Larriki dauden presoak
- Zigorren batuketa
- Lehen graduaren aldaketa
Egoera hau aldatu beharko da. Instituzioek parte hartu behar dute eta ez beste alde batera begiratu. Gure lana da beraz, hemen gauden eskualdeko herritar guztiena, instituzio horiek mugiaraztea. Jakitun izan behar dugu denen lana beharrezkoa dela bide horretan, mugi dezagun gure ingurua, erakarri ditzagun sindikatuak, alderdi politikoak, elkarteak, eragile sozialak edo lagun koadrilak; egin dezagun guztiok norabide berean, bakearen norabidean, denon ardura baita gure ondorengoei iragana ez dela errepikatuko ziurtatzea.
Horregatik, hasi berri dugun urte honetan, hemen gauden Irun, Hondarribia, Hendaia, Urruña eta Biriatuko herritarrok honen alde lan egingo dugun konpromisoa hartzen dugu.
#OrainPresoak
#Maintenant les Prisonnier.e.s
#Ahora lxs Presxs
#DenokBateraPresoakEtxera
Urtarrilaren 12an denok Bilbo eta Baionara!