Elkarrekin Podemos-Ezker Anitza IU.- Aurrean dugun salbuespenezko egoeraren aurrean, gure udal-taldearen helburuak hainbat lan-arlotan kokatu nahi ditugu.

Lehenik eta behin, saltoki txikiekin elkarrizketa sustatuko dugu, hurbileko merkataritza indartzeko, bai bonuak eta saltoki txikientzako laguntzak erabiliz, bai lan-plan bat ezarriz baldintza berriei aurre egiteko, batez ere edukiera- eta espazio-mugel dagokienez.

Zentzu horretan, ostalaritzako lokaletan, terrazak handitzeko izapideak arindu eta malgutu behar direla uste dugu, lokaletan edukiera-murriztapenak indarrean jarraitzen duen bitartean.

Irun Aurrera planaren ebaluazioa egin behar dela uste dugu, bai eta udalak malgutu egin behar dituela laguntzak itzultzeko epeak ere, beste erakunde batzuetatik jasotakoekin bateraezinak badira. Elkarrekin Podemos-Ezker Anitzan uste dugu erraztasunak eman behar direla onuradunek edo, hobeto esanda, kaltetuek itzulketa horri aurre egin ahal izateko.

Bestalde, oso garrantzitsua da udaleko gizarte-zerbitzuen egoera ebaluatzea, laguntza-eskariak gora egin duelako eta datozen hilabete eta urteetan pobrezia-zifrek okerrera egingo dutela aurreikusten delako. lldo horretan, azpimarratu behar da bide guztiak bilatuko ditugula Housting First proiektuak, aurrekontu-akordioan jasotakoak, bere urratsak ematen jarraitzen duela eta agintaldi honetan gauzatzen dela bermatzeko.

Horrez gain, nola ez, Emakumeen Etxea gauzatzeko pausoak ematen direla ziurtatuko dugu. Hasteko, parte-hartze prozesua amaitu eta proiektua behin behineko lokalean abian jartzen dela zainduko dugu, betiere Madariaga Villan behin betiko kokatzeko lanak gauzatzen diren arte.

Gure lanaren beste puntu garrantzitsu bat garapen ekonomikoarekin lotuta egongo da. Horrekin lotuta, hainbat alditan adierazi dugunez, Irun Ekintzan-en egitura, helburuak eta funtzionamendua aldatu beharko liratekeela uste dugu, ekonomia berpizteko baliagarriak izan daitezkeen nitxoak identifikatzeko. Eta, beste aldetik, eskualdean Kalitatezko enplegu jasangarria sortzen duten jarduera ekonomikoentzat pizgarriak sortu behar direla uste dugu eta ildo horretan lan egingo dugu.

Ekonomiarekin lotuta, nola ez, trantsizio ekologikoa nabarmendu behar dugu, eta horrekin lotuta, aurrekontu-akordioan gobernuarekin hitzartu genuen bulego berdea abian jartzea sustatuko dugu, ezinbestekoa baita ingurumena zaintzearekin lotuta gure hirian egiten diren ekimen eta proposamen guztiek beren espazio propioa izan behar dutelako. Garapen ekonomikoak jasangarria izan behar duelako eta gure udalean denok argi eduki behar dutelako. Ez dugu beste planeta bat.

Are gehiago, laster gure hiriko Mugikortasun Jasangarriko Udal Plana eta Energia Jasangarrirako Ekintza Plana berrituko dira eta, jakina, gure taldean ekarpenak egiteko prest egongo gara une oro, etorkizuneko hiriaren forma denon artean zehazteko.