Euskal Herriko Pentsionisten Mugimendua.- 2022ko urriaren 15ean, Estatuko herri eta Erkidegoetako Pentsiodunen Plataforma eta Mugimenduek Madrilen mobilizatuko gara, eta pentsioen igoeraren alde jasotako ehunka mila sinadurak eramango ditugu , urteko KPIaren igoeraren arabera, batez besteko soldataren % 60ko gutxieneko pentsioa eta baita Pentsioen Sistema Publikoaren pribatizazioari gure ezetza ematera (PSP).

Abenduaren 28ko 21/2021 Legean onartutako Gizarte Segurantzaren kontuen auditoretza egitea ere eskatzen dugu , oraindik ezarritako sei hilabeteko epea bete ez dena, legea bera bete gabe.

Azaroan Estatuko Herri eta Erkidegoetan egingo dugun mobilizazio orokorraren lehen urratsa da hau.

PENTSIOAK ETA SOLDATAK EROSTEKO AHALMENA BERRESKURATZEAREN ALDE

2008ko krisitik, pentsiodunek, eta langileek eskubide sozialak, askatasunak, zerbitzu publikoen murrizketak, soldatak eta pentsioak etengabe galtzen ari gara.

Pandemiak iraun duen bitartean, zerbitzu publikoak pribatizatu, murriztu eta azpikontratatzeak COVID-ari erantzuteko, gizartearen gaitasuna murriztu zuela erakutsi da. Izan ere, pentsio publikoen eta soldaten murrizketek eta zerbitzu publikoen pribatizazioek (Osasuna, Hezkuntza, Garraioa, Mendekotasuna: egoitzak, SAD, ...) plantilla falta eskandalagarriarekin, biztanleriaren bizitza prekarizatu eta pobretu egin dute. Gizarte-bazterkeriaren helmugan jarri du biztanlego.

Krisi ekonomiko, ekologiko eta soziala da, eta bere sustraiak aberastasunaren banaketa ezberdinean datzan egoeratik datoz, nazioarteko hegemonia ekonomikoaren eztabaidaren ondorioz gerra-eszenatoki batean. Jendea babesteko baliabiderik ez dagoela esaten den bitartean, gastu militarra aurrekontu publikoaren % 1,2tik % 2ra igo nahi dute.

Lan-errenten kaltetan kapital-errenten mesederako den politika fiskal eta ekonomiko baten ondorioak pairatzen ditugu, eta enpresa-iruzur fiskala errazten du. Pertsona aberatsenek gero eta aberastasun handiagoa dute soldatetara, pentsioetara, gastu sozialera eta gizarte- eta ingurumengarapenerako eredu eraginkorrera bideratutako baliabideen kaltetan. Autonomia erkidego batzuetan zergak jaisten ari dira, ondarearena adibidez, eta pentsio minimoak eta ez-kontributiboak miseriazkoak dira.

Komunikabide interesatuen bidez argitaratzen denaren kontra, pentsioak ez dira handitzen, baizik eta erosteko ahalmena murriztu eta galtzen dute. 2021ean erosteko ahalmena % 3 jaitsi da, eta 2022an soldaten batez besteko igoera % 2,4koa izan da, eta pentsioena % 2,5ekoa, eta KPla, berriz, % 10'5. Hemen adibidea: 2022ko lehen seihilekoan ibex 35eko enpresek, eta horien barruan energia eta finantzaren oligopolioek, irabazien errekor guztiak hautsi dituzte, 48.868 milioi eurora iritsiz. 2021ean, Espainiako burtsan parte hartu zuten enpresek 64.000 milioi euroko irabaziak izan zituzten. Hau da, herriklaseak eta langile-klaseak pobretu eta beren eskubideak galtzen diren bitartean, eliteak modu lizunean aberasten dira.

Prezioen igoeraren arrazoi nagusia ez dira soldatak eta pentsioak: monopolio-erregimenean, prezioak finkatzen dituztenak dira, beren onura eskandalagarriak mantendu eta handitzeko. Finantza-boterearen diru-gosea aseezina da baliabide publikoak bereganatzeko ahaleginean, eta, orain, Enpresako Pentsio Planak Sustatzeko Lege bat ezarri du, botere politikoaren eta zenbait sindikaturen konplizitatearekin, pentsio publikoetara bideratutako gizarte-kotizazioen kudeaketa bereganatzeko eta pribatizatzeko. Gainera,"errenta-paktu" berri batekin mehatxu egin dute, biztanleriaren pobretze mekanismo gisa, kapital espekulatiboaren etekin-marjinak babesteko.

Pertsona guztiok pairatzen ditugu politika publiko horien ondorioak, baina espresuki salatzen dugu emakume langileen eta pentsiodunen egoera, pentsio baxuenak jasotzen jarraitzen dutelako, horietako batzuk pobreziaren atarian. Era berean, gaurko emakume langileak soldata eta kotizazio baxuagoak pairatzen jarraitzen du, eta pentsio murriztuak izango ditu. Lanaldi partzialeko aldi baterako kontratuak, lan-karrera labur eta eskasak, gutxietsitako enpleguak, zaintza-lanak ikusezin bihurtzea, ezkutuko ekonomia, gutxieneko kotizazioak dituzten jarduerak, sustapenik eza, kristalezko sabaia, familia-bizitza bateragarri egiteko beharra, zaintzarako lanaldien murrizketak, mendekoen laguntzarako eszedentziak eta abar emakumeak ditute protagonistatzat.

Soldatetan eta pentsioetan genero-arrakala desagerrarazteko, prekarietatearen lan-erreformak indargabetu behar dira, lan-arloko diskriminazio profesionalak ezabatu behar dira, gutxieneko pentsioa batez besteko soldataren % 60ko aipatu behar da, eta enplegua eta lana banatzeko neurri eraginkorrak hartu. Udazken honetan, genero-ekitatearen eta aberastasunaren banaketa justuaren aldeko borroka erabakigarria izango da, eta batez ere soldaten eta pentsioen defentsan. Errenta-itunaz hitz egiten duten bitartean, langile gehienen poltsikoetatik oligopolioen poltsikoetara errenta-aldaketa izugarria gertatzen ari da.

Horregatik guztiagatik, 2022ko urriaren 15ean, Estatuko herri eta Erkidegoetako pentsiodunen plataforma eta mugimenduek Madrilen mobilizatuko gara, eta pentsioen igoeraren alde jasotako ehunka mila sinadurak eramango ditugu , urteko KPlaren igoeraren arabera, batez besteko soldataren % 60ko gutxieneko pentsioa eta Pentsioen Sistema Publikoaren pribatizazioari uko egitea (PSP). Abenduaren 28ko 21/2021 Legean onartutako Gizarte Segurantzaren kontuen auditoretza egitea ere eskatzen dugu, oraindik ezarritako sei hilabeteko epea bete ez dena, legea bera bete gabe.

Azaroan Estatuko Herri eta Erkidegoetan egingo dugun mobilizazio orokorraren lehen urratsa da hau. Kalean jarraituko dugu ezartzen ari zaizkigun kontrarreformei buelta eman arte, soldatetan eta pentsioetan genero-arrakala amaitu arte, kotizazio-karrera luzeak dituzten pentsio aurreratuen penalizazioa ezabatu arte, lan- eta pentsio-erreformetan galdutako eskubideak berreskuratu arte, aberastasunaren banaketa ekitatiboa sortu eta zerbitzu publiko eta komunitario unibertsalak eta Kalitatezkoak hobetu eta bermatu arte.

Gure esker ona adierazi nahi diegu jardunean dauden langileei eta manifestazioan parte hartuko duten erakunde sozial eta sindikalei, eta azaroko mobilizazioak partekatu nahi ditugu. Guztiok, pertsona eta erakundeok, beharrezkoak gara, borroka hau elkarrekin bakarrik irabaziko dugulako.

Denok Madrilera urriaren 15ean!!! BERDIN DIO NORK GOBERNATU, GUK PENTSIOAK DEFENDATU!!!

• ASJUBIA0 (Asociación Jubilación Anticipada sin Penalizar)
• COESPE (Coordinadora Estatal por la Defensa del Sistema Público de Pensiones)
• EHPM (Movimiento de Pensionistas de Euskal Herria)
• MADPP (Movimiento Andaluz en Defensa das Pensións Públicas),
• MODEPEN (Movemento Galego en Defensa das Pensións e os Servizos Públicos)
• UNIDAD COESPE
• PLATAFORMAS DE PENSIONISTAS de Badajoz, Móstoles, ..