Irungo Auzo Elkarteen federazioak, hiriko 16 auzo-elkarte biltzen dituenak, Osasun Bidasoa Plataformak datorren larunbatean, hilak 19, Irunen egingo duen manifestazio-deialdia babestu du, eta bertan parte hartzeko deia egin die herritarrei.

Gure kezka da gure osasuna ziurtatzea, eta elkarrizketarako bideak bilatzea, Osakidetzaren, eskualdeko udalen, sindikatuen, osasun-langileen eta abarren artean, obrak irauten duten bitartean ebakuntza-gelak itxi ez daitezen eta ospitale berriak, etorkizunerako, hazten eta zahartzen ari den biztanleriaren beharrak jaso ditzan.