Euskal Herriko Pentsiodunen Mugimenduak lan erreforma arbuiatu eta gehiengo sindikalaren manifestazioetan parte hartzeko deia egin du

imagen

Euskal Herriko Pentsiodunen Mugimendua.- EHPMKk hilean 1200€-ko LGSa aldarrikatzen du, eta 2010eko eta 2012ko LANERREFORMAK indargabetzea; izan ere, horren arabera, Espainiako Estatua da prekarietate handiena duena, behin-behinekotasun handiena duena eta gazteen langabezia-tasa handiena duena. Eta parterik txarrena eramaten dutenak emakumeak dira, bertakoak edo emigranteak, gizonek baino langabezia-tasa handiagoa dutenak, % 30 gutxiago kobratzen dute batez beste, eta haien pentsioak % 37 baxuagoak dira.

Soldatek eta lan-baldintzek zuzenean eragiten digute pentsiodunoi, kotizazioen oinarri nagusia direlako, eta gure pentsioak direlako kasu askotan familia prekarizatuen euskarri bakarra, lan arloan eta gizartean. PENTSIOEN SISTEMA PUBLIKOA sistema, BANAKETAKO bat da, BELAUNALDIEN ARTEKO ELKARTASUNEZKOA. Kotizatzen duen belaunaldiak pentsioak kobratzen dituen belaunaldiari eusten dio. Gainera, gaurko kotizazioak biharko pentsioak dira.

LAN ERREFORMA BERRIAk ez ditu betetzen PPren lan-erreforma indargabetzeko promesak eta konpromiso politiko eta sindikalak, erreforma horren alderdi kaltegarrienak legitimatzen ditu eta ez du bermatzen hitzarmen autonomikoen aplikazio-lehentasuna.

Positiboa iruditzen zaigu hitzarmenen ULTRAKTIBOTASUNA berreskuratzea, sektoreko hitzarmena enpresakoaren gainetik jartzea berrezartzen du, soldatetan eta osagarrietan soilik bada ere, edo aldi baterako lan-kontratua edo zerbitzu-kontratua ezabatzen du, nahiz eta kontratua ekoizpenaren inguruabarrengatik mantendu. Era berean, hobekuntza bat da azpikontratek sektoreko hitzarmena aplikatu behar izatea, hitzarmen propioa izan ezean, baina ez dezagun ahaztu lankostuak merkatzeko balio dutela, istripuen eta prekarizazioaren kontura. Aldi Baterako LanErregulazioei dagokienez, nahiz eta egia den pandemian kaleratzeak geldiarazteko balio izan dutela, erreforma egiturazko baliabide gisa eratzen da, eta ez salbuespenezkoa enpresen zerbitzura, eta lanaldia murriztu edo diru publikoarekin finantzatutako kontratuak eten ahal izango dituzte, soldatetan eta kotizazioetan. Gainera, bere horretan mantentzen dira 2010eko eta 2012ko erreformen funtsezko alderdiak. Kaleratze indibidual eta kolektiboak erraza eta merkea izaten jarraituko du, eta izapide-aldiko soldatak ezabatzen jarraituko da bidegabetzat jotzen direnean. KONTRATUAK HUTSALTZEKO ESPEDIENTEEK ez dute administrazio-baimenik behar. KOLOKAZIO AGENTZIAK prekarioan kontratatzen jarraituko dute. Enpresaburuen botere diskrezionala mantentzen da funtsezko lan-baldintzak aldatzeko, lanaldia eta soldatak barne, arrazoi ekonomikoengatik, teknikoengatik, antolakuntzakoengatik edo ekoizpenekoengatik, baita hitzarmen kolektibotik ateratzeko gaitasuna ere. Kontratazio partziala, egunka edo orduka, gehienetan borondatezkoa ez dena, eta Gizarte Segurantzari iruzur egiteko iturri nagusia, ordaindu eta kotizatu ez diren asteko milioika aparteko orduen bidez, ez da ukitu.

Pentsiodunen mugimendu gisa, 2010eko eta 2012ko LAN-ERREFORMAK erabat indargabetzea aldarrikatzen jarraituko dugu, are gehiago arauak eta hitzarmenak betetzen ez dituen enpresa- eta finantza-klase batekin. Lan-baldintza txukunak eta hilean 1200 €-ko ELGSa dira pentsio duinak lortzeko bermerik onena, gutxienez hilean 1080 €-koa.

GAZTEAK, LANGILEAK ETA PENTSIODUNAK, DENOK BATERA AURRERA! BERDIN DIO NORK GOBERNATU, GUK PENTSIOAK DEFENDATU

Manifestazioa urtarrilaren 30ean Donostian, Alderdi Ederren, 12: 00etan

Etiquetas: