Euskal Herriko Pentsiodunen Mugimendua.- EHPM-MPEHK bere babesa eta elkartasuna berresten du, urtarrilaren 31n Frantziako Estatuan egingo den mobilizazio orokorrarekin, Macron Gobernuak pentsioen sistema publikoa murrizteko duen proiektuaren aurka.

Urtarrilaren 19ko mobilizazio orokorrak, Frantziako Estatuko sindikatuek eta pentsiodunek deitua, benetako arrakasta izan zuen, Macron Gobernuaren proiektuaren aurka, hau da, erretiro-adina 62 urtetik 64ra luzatzea eta kotizatutako urteak beste urte batez (42tik 43ra) luzatzea murrizketarik gabeko pentsioa lortzeko.

Grebak eta lanuzteak izan ziren sektore garrantzitsuetan, hala nola energian, garraioetan, hezkuntzan eta abarretan, eta mobilizazio jendetsuak izan ziren berrehun hiritan; sindikatuen arabera, bi milioi pertsona bildu ziren. Baionan, Lapurdiko hiriburuan, 10.000 inguru izan ziren. Hilaren 21ean, Parisen ere manifestazio bat izan zen, hamarnaka mila parte-hartzailerekin, batez ere gazteak.

Joan den astean zehar protesta ekimen ugari egiten jarraitu dute hexagono osoan, baita Iparraldean ere, non, besteak beste, joan den asteko ostegunean Baionako portua blokeatu zuten.

Macron Gobernuko Ministroen Kontseiluak oniritzia eman zion proiektu horri astelehenean, hilak 23, Legegileari pasatzeko eta martxoa amaitu baino lehen onartzeko asmoz, irailean aplikatzen hasteko eta 64 urterekin erretiroa 2030ean hartzeko helburuarekin. Macronek entzungor egin die urtarrilaren 19ko eta ondorengo egunetako mobilizazio arrakastatsu eta masiboei, bai eta Frantziako Estatuko gizartearen iritzi publiko gehienei ere, % 72k baztertu egiten baitu proiektu hori egitea.

Astearteko mobilizazio orokorraren helburua 19koa baino erantzun sozial zabalagoa lortzea da, lanuzte, greba eta manifestazio gehiagorekin. Euskal Herriko Pentsiodunen Mugimenduak inork ez bezala ulertzen du, langileek eta pentsiodunek, sindikatuek eta gainerako kolektibo sozialek Macrón proiektuaren erasoaren eta atzerapausoaren aurrean duten jarrera. Era berean, Europako gainerako herrialde eta estatuetarako, Espainiako Estatua eta Euskal Herria barne, erretiroei eta pentsioei buruzko gizarte-borroka horren emaitzak duen garrantzia. Horregatik, gure babesa eta elkartasuna berresten dugu hilaren 31ko mobilizazioarekin, proiektu atzerakoi hori eta pentsio-murrizketak geldiarazteko.

MPEHko ordezkaritza bat Baionako mobilizazioan izango da asteartean, gure babesa eta elkartasuna zuzenean eta aurrez aurre adierazteko.

Espainiako Estatutik Frantziako pentsiodunen borrokarekiko elkartasuna

Joan den astean, Frantziako estatuan, mugimendu sozial eta sindikalen kolektibo handi batek deitutako milioika lagunek grebak eta manifestazioak egin zituzten Macron presidenteak inposatu nahi duen pentsioen erreformaren aurka.

Hala eta guztiz ere, Macronek bere proilektua aurkeztu dio Parlamentuari, gizartean gero eta handiagoa den nahigabeari bizkarra emanez. Baina Macronen erabaki horrek ez ditu protestak geldiarazi, baizik eta indar sindikalen deialdi berri batek hilaren 31n mobilizatzeko deia egin du, herrialdea blokeatzeko.

Proposatzen den kontrarreforma (erretiro-adina atzeratzea, zenbatekoak murriztea, etab.) Espainiako Estatuan aplikatzen ari den murrizketa- eta pribatizazio-prozesu beraren parte da.

Zuen borroka gure borroka da, eta horregatik, Espainiako Estatuko Herri eta Erkidego ezberdinetako pentsiodunen erakunde eta mugimenduok, zuen borrokari berriro elkartasuna adierazten diogu eta helburuak lortu arte borrokan jarraitzera animatzen zaituztegu.

Zuen aldarrikapenak gureak ere badira, eta horregatik etengabe mobilizatzen ari gara duela 5 urte baino gehiagotik (pentsioven erosteko ahalmena berreskuratzea eta bermatzea, pentsio baxuenen igoera eskatzea, genero-arrakala amaitzea, erretiro-adina murriztea, eta pentsioen sistema publikoa bermatzea pribatizazio-saiakeren aurrean). Zuen garaipena gurea ere izango da.

Gure konpromisoa da lanean jarraitzea mobilizazio bateratuetarantz aurrera egiteko, gure gizarte- eta lan-eskubideak mehatxatzen dituzten proiektuek aurrera egin ez dezaten ez Frantziako estatuan, ez Espainiakoan, ez Europako ezein herritan, Batzordeak eta Europako finantza-sektoreak nahi bezala.

BERDIN DIO NORK GOBERNATU, GUK PENTSIOAK DEFENDATU!

MACRONEN ERREFORMARI EZ!

• ASJUBIAO (Asociación Jubilación Anticipada sin Penalizar)
• COESPE (Coordinadora Estatal por la Defensa del Sistema Público de Pensiones)
• EHPM (Movimiento de Pensionistas de Euskal Herria)
• MADPP (Movimiento Andaluz en Defensa de las Pensiones Públicas)
• MODEPEN (Movemento Galego en Defensa das Pensións e os Servizos Públicos)
• UNIDAD COESPE
• PLATAFORMAS DE PENSIONISTAS de Badajoz, Móstoles...