Asteazkenean 19:00etan Ibon etxera ekartzeko kontzentrazioa Irungo epaitegien aurrean

Non: 
Irungo epaitegien aurrean
Data: 
Asteazkena, Urria 18, 2017 - 19:00 -tik Osteguna, Urria 19, 2017 - 18:55 -ra

Espainiako espetxe politika kriminala Ibon Iparragirre preso politikoa hiltzen ari da. Ibonek hiesa dauka. Atxilotu eta Sevilla II espetxera urrundu zutenean bere karga birala zortzikoiztu egin zitzaion. 2011n, bere osasun egoera larriaren ondorioz, espetxe araudiko 100.2 artikulua ezarri zioten. Artikulu horren arabera espetxe arindua ezarri zioten eta horrek espetxealdia bere etxean betetzea ahalbidetu zion. 2014an, modu erabat bidegabea erabiliz, berriro espetxeratu zuten. Orduz geroztik, Ibonen egoera muturrekoaren ondorioz, behin baino gehiagotan piztu da alarma gorria; azkena, maiatzean urjentziaz Madrilen ospitaleratu zutenekoa.

Madrilgo ospitalean egindako azken analitikaren arabera, Ibonek 20 defentsa baino ez ditu (pertsona osasuntsu batek 723-1.124 artean dituenean). 2011n, espetxealdi arindua ezarri ziotenean, bere defentsen analitikak 51 adierazten zuen, hau da, Ibon edozein unetan hiltzeko arriskuan bizi zela. Beraz, agerikoa da Ibon tratu krudela pairatzen ari dela, krudela eta utzikeria handikoa. Egoera horren arduradunak espetxe, justizia eta osasun estamentu zehatzak dira; espetxe zaintzako epailea, Alcala-Meco espetxeko zuzendariorde medikua eta Alcala-Meco espetxeko zuzendaria.

Mediku forentseak jada azaldu dionez, Ibonek edozein infekzio harrapatuz gero, hilkutxan itzuliko da bere herrira. Edozein momentutan hil daitekeela, alegia.

Gaur egun, Ibon libre uzteko erabakia Castro epailearen eta Alcala Meco-ko espetxeko medikuaren esku dago. Biak ala biak, preso ondarrutarra lehenbailehen askatu ezean, iragarritako heriotza baten arduradunak izango dira.

Nahikoa da! Ezker abertzalearen KALERA KALERA dinamikak ozen salatzen du Iparragirreren aurkako tratu anker eta gizagabea; izan ere, bere bizitza arrisku larrian egonik, espetxean mantentzen duten bitartean heriotz-zigorrera kondenatzen ari dira.

Hori guztia salatzeko eta preso gaixo larrien askatasuna exijitzeko, datorren asteazkenean, urriaren 18an, arratsaldeko 19:00etan, kontzentrazioa burutuko dugu Irungo epaitegi aurrean. Ibon etxera bizirik ekartzea guztion ardura delako, mobiliza gaitezen denok.

Etiquetak: