Artiako Lagunak.-Ekainaren 5ean, larunbata, Artiako Lagunak auzo-plataformak Bidasoaldeko Lagunakekin batera Ingurumenaren Mundu Eguna ospatuko du, eta aurten ekosistemak berreskuratzeari ekingo dio, "Bir-irudikatu, Bir-sortu, Bir-naturalizatu” leloarekin.

Ekosistemak lehenesteak kaltea prebenitzea, gelditzea eta lehengoratzea esan nahi du, natura ustiatzetik natura sendatzera igarotzea. Artiako Lagunak elkarteak Bidasoaldeko Lagunak eta hainbat gizarte-kolektiboren laguntzarekin, Pasquier-Recondoko (Artiako auzoa) Hirigintza Plangintza salatuko dugu eta lursoru hori birnaturalizatu dezan eskatuko diogu Udal Gobernuari (PSOE-Elkarrekin Podemos- Ezker Anitza), honako programa honekin:

LARUNBATA, EKAINAREN 5EAN, Pasquier-Recondoko sarreran

11:30etan, Bizitzaren Zuhaitzaren landaketa

Kutsatutako industria-eremuak birgaitu eta naturarentzako leku bihur daitezke. Ingurua birnaturalizatzeko potentziala aldarrikatzeko, “Bizitzaren Zuhaitza” landatuko dugu Bidasoa ertzean, Pasquier ondoan.Landaketa honek #BerreskurapenarenBelaunaldia kanpainiari hasiera emango dio Artian.

12:00etan, Kontzentrazioa: Maitatzeko eta babesteko, gure ingurunea ezagutzea Xabier Garate SEO Birdlife-Bidasoaldeko Lagunakeko ornitologoak Txingudiko badiaren garrantzi ekologikoaz, hegazti-faunaz, Natura 2000 Sareak babestutako ekosistemaz mintzatuko da. Hilario Manzanedo biologoak naturaren berreskurapenari buruz hitzegingo du. Pasquierreko langile batek hauen lan egoeraz informatuko gaitu.

Artia Hirigintza Basatiaren ondorioa da, asfaltozko ibaiak eta hormigoizko mendiak dituena.. Hiriguneek biziberritzeko ahalmen handia dutela aldarrikatu nahi. Ingurumenaren nazioarteko egun honek Nazio Batuen Ekosistemen berreskuratzeko Hamarkadaren hasiera markatuko du, basoak, ibaiak eta hiriak berpizteko, bioaniztasuna lehengoratzeko eta basoberritzeko misio globala.

EZ PASQUIERREN ETXEBIZITZAK EGITEARI ETA LANGILEEN KALERATZEARI !! EZ DA BIDASOA BERRESKURATZEA,BERE SUNTSIKETA DA. PASQUIERREN PARKEA NAHI DUGU!!