Emeki- Hondarribiko Farfailarien V. Topaketa urriaren 22an ospatuko da Jostaldi pilotalekuan.

100 emakume baino gehiagok parte hartu dute eta 10:00etatik 13:30ak arte bertan izango dira zuzenean farfailari lanak osatzen. Emeki elkarteko Ehoiziriko taldeak antolatu du ekintza. Aurten Bistra Pisancheva gonbidatuak parte hartuko du, farfailen mundua irauli duen emakumea, ehoziri lanei beste dimentsio bat emanez. Topaketan bere liburua “El encaje” aurkeztuko du.

Frontoian zehar hainbat saltoki jarriko dira eta parte hartzaileek beraien lanak egiteko material ezberdinak erosteko aukera izango dute. Ekitaldiaren amaieran saltoki ezberdinek emandako opariak zozketatuko dira parte hartzaileen artean.