Alaikiro.- Irungo hainbat eskolatako gurasoak kezkatuta gaude gaztetxoek mugikorra nola erabiltzen duten ikusita, eta Altxa Burua taldea sortu nahi dugu Irunen.

Gaur bertan, Altxa Burua taldeak Hezkuntza Sailari eskatu dio dekretu bidez debeka dezan sakelakoen erabilera ikastetxeetan eta eskolak telefono mugikorrik gabeko arnasgune bihurtzea eskatzeko, 20.000 sinadura aurkeztu dituzte Eusko Legebiltzarrean.

Teknologiaren erabilera egokia bultzatu nahian, gurasoei zuzendutako hitzaldi irekia antolatu du Alaikiro guraso elkarteak, abenduaren 4ean, Arbes eskolan, arratsaldeko 18:30etan. Helburua? Haur eta gazteei interneterako sarrera duten gailuak ematea aztertzea, ikastetxeak telefono mugikorrik gabeko arnasgune bihurtzea edota helduak eta seme alabak erabilera egokian trebatzea, besteak beste.