Abotsanitz

Euskara

Abotsanitzek Lesboserako laguntza eskatu du

Logo Abotsanitz

Abotsanitz.- Zaporeak Gobernuz Kanpoko Erakunde gipuzkoarrak Greziako Lesbos irlan abian duen proiektuarentzako diru laguntza bat eskatu dugu gaur Hondarribiko Udalean. Irailaren 9an Greziako Lesbos irlako Moria kanpalekuak su hartu zuen, koronabirusaren hedapenaren aurrean erakundeen erantzun ezaren kontrako protesten ondorioz. Sugarrek erabat kiskali zuten kanpalekua, bertan bizi ziren milaka errefuxiatuak kale gorrian utziz.

Alkateak nahi izan ez duelako, ez dago aurten adostutako testurik

Hondarribiko jaiak. Baserritar Eguna

Abotsanitz.- Joan den astean Hondarribiko udal taldeok ez-jaien inguruan adierazpen instituzional bat adostu genuela baieztatu zuen Txomin Sagarzazu alkateak komunikabideen aurrean. Gezurra zen, ez zen halakorik. Larria da alkate batek gezurra esatea, baina Hondarribikoak hainbestetan egin du, ezen ja ez baikaitu harritzen.

Kalean da 7. Aiza!, orain arteko parte hartzaileena

Ezinbestean, koronabirusa da 7. ‘Aiza!’ aldizkariko gai nagusiaAIZA! aldizkariaren 7. zenbakia aurkeztu dugu gaur. Aurreko zenbakien helburu eta filosofiari eusten badio ere, nolabaiteko jauzia eman du zazpigarren zenbaki honek, batez ere kolaboratzaile kopurua kontuan izanik. 2016an argitaratu genuen lehen zenbakia eta dagoeneko 50 kolaboratzaile baino gehiagok jarri dute euren aletxoa. Azken zenbaki honetan hogei lagunek parte hartu dute, aldizkariko lan taldeko kideez gain.

Udal aurrekontuaren %58 bakarrik gastatu zen iaz

pxhere.comAbotsanitz.-Hondarribiko Udalak 38.722.323,45 milioi euroko aurrekontua onartu zuen 2019an (*). Horietatik 22,5 milioi bakarrik erabili zituen (22.465.906,49), eta 16,3 milioi erabili gabe utzi zituen (16.256.416,96). Soilik %58ko gauzatzea da hori. Ondorioz, onartutakoa baino 16,3 milioi euro gutxiago jaso zituzten herritarrek iaz.

Orriak

RSS - Abotsanitz-rako harpidetza egin