AHT gelditu! Elkarlana

Euskara

AHTaren aurkako Bizi Martxaren laugarren eta azken kronika: Irurtzun-Altsasu (29, igandea)

Albokaren soinuz esnatuta eta gosaldu ondoren berriro ere pedalei ekin diegu. AHTarendako plazaratu duten azken proiektuak zeharo kaltetzen dituen Ekai, Zuatzu eta Satrustegiren barna igaro gara. Sakanako herrietatik pasatzen ari ginen bitartean, bertako biztanleak bizi martxara batuz joan dira, heldu zein haur. Azpimarratzekoa Ihabarren batu zaigun ume kuadrila. Lakuntzan hamaiketakoa hartuta Etxarri Aranazera heldu gara.

AHTaren aurkako Bizi Martxaren hirugarren kronika: Iruñea – Irurtzun (28, larunbata)

Bizi Martxaren hirugarren eguneko goiza Iruñerriko auzo zein herrietatik igaro da. Hainbat auzotatik pasatu ahala, gero ta txirrindulari gehiago batu da martxara, tropela kolorez jantziz. Maravillas Gaztetxetik abiatu eta lehenengo geldiunea Piparrika hiri baratzean izan da.

AHTaren aurkako Bizi Martxaren bigarren kronika: Tafalla-Iruña (27, ostirala)

Gaur goizean Tafallako Baigorri elkartean gosalduta eta pista harritsu eta malkartsuetan barrena ibili ondoren, Barasoain herrira heldu gara hamaiketakoa egitera. Gerora, Soltxaga herriaren inguruko erromatar garaiko olio dolarea bisitatu eta Oloriz herritik pasata, Muru Artederretako estazio elektrikoan gelditu gara.

AHTaren aurkako Bizi Martxaren lehen kronika: Marzilla – Tafalla (26, osteguna)

Gaur goizeko hamarretan Martzillako gaztelutik AHTaren aurkako bizikleta martxa abiatu da bertako aiton zapatariaren bedeinkapenarekin. Herri barneko ibilaldiaren ondoren Azkoienera heldu eta bertan hamaiketakoa egin dugu. Faltzeserainoko bidea Arga ibaiaren ertzetik egin dugu eta bazkaria Makaia peñako lagunekin; kafea berriz, Urbiziko Fito Jimenezen hitzaldiarekin. Fitok Nafarroako ubidearen inguruko azalpenak eman dizkigu.

Uztailak 26-29: AHTren aurkako bizikleta martxa (Martzilla-Altsasu)

AHT! Gelditu!, Nafarroako hainbat plataformekin elkarlanean, uztailaren 26tik 29ra Martzillatik Altsasurainoko AHTaren aurkako Bizikleta Martxa antolatzen ari da. Berrabiatu nahi duten Nafar korridoreak suntsituko lituzkeen inguruak ikusteaz eta salatzeaz gain, zonaldetako oposizioaren arteko harremanak estutzeko balioko du ekimen honek.

Iñigo de la Serna entzun: AHT gelditu orain!

Iñigo de la Serna, Espainiako Sustapeneko ministroaren bisita dela eta, hemen elkartu gara Euskal Y bertan gelditzea aldarrikatzeko. Eraikuntza honetan nahiz eta ia aurrekontuaren erdia gastatu, ez da arrazoia obrak egiten jarraitzeko.

Gaur egun ikerketa bakarrak dio Euskal Y ez litzatekeela errentagarria izango, nahiz eta eraikuntza dohainik izan.

Orriak

RSS - AHT gelditu! Elkarlana-rako harpidetza egin