AHT

Gaztelera

AHTren Aurkako tartalariekiko elkartasun manifestua

fotoEntzutegi Nazionalak azaroaren 18an epaituko ditu Yolanda Barcina tartakatzeagatik 5 eta 9 urte arteko kartzela zigorrak eskatzen zaizkien lau auzipetuak

2011 urteko urriaren 27an, Nafarroako lehendakari Yolanda Barcina tartakatu zuten hiru lagunek, Pirinioetako Lan Komunikatea Toulousen ospatzen ari zen osoko bilkuran. Une batez, merenge gozoz estalia egon zen Barcinaren aurpegia. Ekintza haren bidez, AHTren aurkako Mugitu! desobedientzia mugimenduak Yolanda Barcina salatzen zuen, hain zuzen ere Euskal Herrian oposizio zabala jaso duen AHTren inposaketaren erantzule nagusia bera zelako ekitaldi hartan. Toulousen tartalariak aretotik kanporatu zituzten segurtasun zaindariek besterik gabe, eta ez zen protesta ekintzaren ondorioz atxiloketarik eta identifikaziorik egin. Alabaina, Nafarroara bueltan, Foruzaingoak tartalariak atxilotu eta “agintariaren aurkako atentatua” egin izana leporatuta Espainiako Entzutegi Nazionalean inputatu zituen, salbuespenezko auzitegi horrek beretzat hartu duelarik akusatuak epaitzeko ahalmena. Gainera, laugarren pertsona bat akusazio berarekin auzipetua izan da geroztik, Toulouseko protestan eta Iruñean ekintzaren arrazoien berri emateko hurrengo egunean egin zen prentsaurrekoan parte hartzeagatik. Egun, Entzutegi Nazionalak azaroaren 18an jarri du epaiketa egiteko data, 5 eta 9 urte arteko kartzela zigor eskariekin.

Santiagokoa, aurrikusitako zorigaitza

fotoMugitu! Mugimendua.- Urteak daramatzagu AHTren izaera hiltzailea salatzen: mendiak, bailarak, baserriak, basoak, errekak eta animaliak hiltzen ditu. baina ez soilik horiek. Pertsonak ere  dira horren biktimak. Estatuan hogeitamar langile baino gehiago hil dira AHTren lanetan, horietako sei Euskal Herrian. Eta Santiagon, urrats kuanitatibo berri bat eman du ia larogei bidaiari hil eta ehundik gora zauritu dituenean. 

Diruarekin AHT elikatzen duten heinean, herritar gehiengoari zerbitzua ematen dion ohiko trenaren eskaintza murriztu eta okertu egiten da, AHTn bidaiatzea batzutan aukera bakarra bilakatuz. 

Alemaniako Stuttgart hiritik idazten dizuegu Proiektu Handi Inutil eta Imposatuen aurkako 3. Foro europearretik

foto

Bertan, jardunaldi desberdinetan hartu dugu parte, Hego Euskal Herriko egoera landuz zein beste hainbat lekuetako azpiegitura handiekin burututakoaren esperientzia jasoz. Landutako puntuetako bat errepresioa izanik, Yolanda Barcinari emaniko AHTren aurkako tartakadak aditzera eman dira. Honen aurrean, hau da, tartalariei 4-9 urteren espetxe zigorra eskatzearen aurrean, elkartasun handia adierazi du jendeak, ekintza zein errepresio esanguratsua dela adieraziz.

AHTren aurkako txirrindula martxa desobeditzailearen 6.eguna: asteartea, uztailak 30

fotoMugitu!.- Atzo, asteartean, uztailaren 30an,  AHTren aurkako bizikleta martxa desobeditzailearen seigarren egunean Zarauzko Putzuzulo Gaztetxean esnatu gara. Añorgako Errekalde auzora abiatu gara  eta bertatik Hernanira. Hantxe, AHTren  lanak inguruan egiten ari diren  triskantza ikusi dugu. Ehundaka urteko sagarondoen hektareak,  baserrri lur eremu itzelak eta bertako baso mistoaren esparru zabalak desagertu dira hondeamakinen eraginez, basamortuari bidea emanez. Ah, ze nolako txikizioa, AHTk eta hau elikatzeko eraikitzen ari diren  sub estazio elektrikoak eraginak Nork ordainduko du egiten ari diren  kalte itzulgaitza?

Lurraren alde mugitu eta eragin

Data: 
Asteartea, Uztaila 30, 2013 - 18:00 -tik Asteazkena, Uztaila 31, 2013 - 12:00 -ra
Non: 
Irunen
Antolatzen du : 
Bidasoa-Txingudiko AHTren Aurkako Taldea

cartel

Txirrindula martxa bat iritsiko da Iruna uztailaren 30ean eta horren harira Bidasoa Txingudiko eragilei zein norbanakoei  ekimenarekin bat egiteko  gonbidapena luzatu nahi dizuegu. Mugitu! Mugimenduak, “Lurraren alde mugitu eta eragin” lelopean antolatu du bost egunez Altsasutik Donostiara joango den AHTren aurkako txirrindula martxa.

 Hainbat eragilek  Abiadura Handiko Trenarekiko beraien gaitzespena erakutsi zuten ekainean Irunen eman zuten prentsaurrekoan. Bertan Bidasoaldeko Oarsoaldeko eta Donostialdeko AHTren aurkako kideek Espainako Sustapen Ministerioak zonalde honetarako iragarri duen AHTren trazaketa berria gogor salatu zuten.

AHTren aurkako bizikleta martxa desobeditzailea

cartelMugitu!.- Mugitu! Mugimenduak, “Lurraren alde, mugitu eta eragin!” lelopean, AHTren aurkako bizikleta martxa desobeditzailea antolatu du uztailaren 25etik abuztuaren 1era. Altsasutik uztailaren 25ean goizez abiatuko da eta astebeteko itzulian hainbat herri eta eskualde zeharkatuko ditu ekintza desberdinak antolatuz: Urbina, Legutio, Aramaio, Angiozar, Urretxu, Beasain, Zerain, Legorreta, Tolosa, Andoain, Zubieta, Zarautz, Hernani, Lezo, Irun, Orereta eta beste hainbat herritatik igaroko da Donostian amaitzeko. Irun-en 30ean uztailetik arratsaldean iritsiko da eta 31 irtengo da goizean. 

Kolektibo sozialek eta udal-ordezkariek salatzen dute Astigarraga eta Irun arteko AHTaren proiektuari bultzada berria emanez bikoiztu egiten direla

foto

Eskualderako aurreikusitako azpiegitura berrien inpaktuak. Elkarte ugarik bat egin dute agiri honekin. Hamarnaka lagun elkartu dira prentsaurrekoan. 

Donostialdea, Oarsoaldea eta Bidasoako kolektibo sozialek, udal-ordezkariek eta auzo-elkarteek prentsaurrekoa egin dute gaur, Irungo udaletxearen aurrean, Astigarraga-Oiartzun-Lezo arteko AHTaren tarteak zein Iparraldearekiko Biriatuko lotura egiteko proiektua salatzeko. Bultzada berria eman nahi dioten proiektu horren eraginez, azpiegitura berriek ekarritako inpaktuak bikoiztuko dira Irun, Lezo, Oiartzun, Orereta-Errenteria, Donostia, Martutene eta Astigarragan zein bertako auzoetan. Horregatik bildu gara, hain zuzen ere, gure kezka agertzeko eta azpiegitura-plan agresibo hori bertan behera utz dezaten exijitzeko, sekulako kostu ekologiko, ekonomiko eta soziala ekarriko baitio eskualdeari. Prentsaurrekoan Iparraldeko CADE ingurumenaren defentsarako koordinadorako ordezkari batek ere hitza hartu du beren atxikimendu osoa adierazteko.

Orriak

RSS - AHT-rako harpidetza egin