Hilabeteak igaro dira Añorgan elkartu eta iraultza txiki hau abiatu genuenetik. Arnastu, birikak ongi bete eta Euskal Herria alternatibaz josteko hautua egin genuen. Gaur arte. Arlo ezberdin eta anitzetan banatuta, hilabete luzez, garunari eragin, eztabaidatu, hausnartu eta mahai gainean jarri ditugu autogestioan oinarritutako hemezortzi proiektu. Euskaratik etxebizitzara eta elikadura burujabetzatik komunikaziora. Gazte prekario izan eta karriketako argiak itzaltzetik, udaleku feministak antolatzera.

Gazteak, prekarietatea, frustrazioa, etsipena, konformismoa. Gehiegi eta askotan elkarrekin sentitu eta entzuten ditugun hitzak dira.