http://aterazurebibotea.wordpress.com/ blog-a martxan dago jada eta pixkanaka fotokolean ateratako argazkiak igotzen joango gara! Bilatu zurea!! Oraindik ez baduzu argazkia egiteko aukerarik izan, lasai!! Ekainak 28an ere Urdanibia plaza inguruan egongo gara zure zai!!
Irungo jaien usaina heltzen hasi zaigu jada. Lagunak, parranda, jolasak, ospakizuna, barreak eta dibertimenduaren garaia iritsi da. Horrela imajinatzen ditugu jaiak, bai. Baina errealitatean dena ez da hain perfektua. “Festa dezagun gaurdanik geroa” gaur egungo jai ereduaren inguruan egindako dokumental batean, galdera hau botatzen du elkarrizketatu batek: Zergatik pasatu behar dugu batzuk hain gaizki beste batzuek hain ondo pasa dezaten?
Galdera hori luzatzen dugu guk gaur. Zergatik emakumeok kontuz ibili behar dugu parrandatik etxera bueltatzen garenean? Zergatik azken aste hauetan Euskal Herrian ospatutako festa guztietan eraso sexualak izan dira? Zergatik jaien inguruan “dena posible da” ideia zabaltzen da zenbait pertsonen artean? Zergatik ematen dira eraso homofobo edo arrazistak?
