Irungo Harrera Saretik, datorren larunbatean, 25ean, ospatuko dugun lehen LARUNTASUNAn parte hartzera gonbidatu nahi zaituztegu. Laruntasuna topaleku bat bezala ulertzen dugu, gure artean bizipenak partekatzeko; Sarea osatzen dugun talde ezberdinen artean une atsegin bat pasatzeko, Irungo herriaren aurrean ikusgarritasuna ematearekin batera.
Eman zuen bere lehen otordua Lesbosen. Bederatzi hilabeteko lan gogorraren ostean, atzokoan, otsailak 11 eman zuen bere lehen otordua Zaporeak Proiektuak Lesbosen. Greziako uharte honetan dago kokatua bere sukalde berria eta lehen egunean 1.300 otordu banatu zituen Team Humanityk martxan duen proiektuan.