LAB, ESK, STEILAS, EHNE-etxalde, HIRU.- Donostian Beste garraiolari bat hil da bere kamioian. Estatistika tragikoa gizentzen ari da. Dagoeneko hamaika garraiolari hil dira aurten Euskal Herriko errepideetan. Oraingoan Irunen gertatu da, 56 urteko garraiolari nafar bat hil da bihotzekoak jota. 54 langile hil dira, jada, aurten saihestu zitezkeen istripuetan.

11 garraiolari hil dira 2024ean, 2023ko heriotza kopurua gaindituz

LAB Sindikatua.- Herenegun, 56 urteko J.R.M.M. garraiolari lesakarra hil zen lanean Irunen, kamioia kargatzen ari zela. Transportes Etxetrans 2000 enpresako langilea zen. 2024. urtean 11 garraiolari hil dira lanean dagoeneko, horietariko asko, azken hau bezala, bihotzekoak jota. Atzokoarekin, gutxienez 54 laneko heriotza izan ditugu urte hasieratik Euskal Herrian.