Bidasoaldeako Greba Plataforma.-Adarra jotzeaz kokoteraino gaudela!

Ez dituzte pentsioak osagarritzen EAEn bideragarria ez omen delako, politika fiskal atzerakoiak ezartzen dituzte, orain arte alfombra gorria komertzio handiaria merkataritza txikia suntsituz, etxebizitzaren merkantilizazioa eta honen aurrean esku hartze epelak baino ez, berdintasuna ahoan baina gero kasu konkretuetan jarrera matxista eta defentsiboak, arrazismo instituzionala, patronalarekiko mirabekeria eta anaitasuna langileon eskubideon eta duinatsunaren kontra, zaintza lanen duintzearekiko asmorik ez baina bai gure lurrak gastu publiko itzela den AHT-z zulatzeko determinazioa...

Euskal Herriko eskubide sozialen kartak greba deialdia egin du Urtarrilak 30erako. Pentsio duinen aldarria zentrora ekarrita baina eredu sozioekonomiko honetan galtzaile garen herri sektore guztien aldarrikapenak era bateratuan kalera ateratzeko asmoarekin. Bizitzaren alde eta eredu kapitalista eta patriarkalaren kontra.