Ibilaldi errepublikanoa

Ekitaldiak martxa errepublikarrarekin hasi ziren 12:30etan Zabaltza plazatik (Errepublika garaian Zentro Errepublikarra). Zenbait kaleetatik pasa ondoren San Juan plazara iritsi zen txalapartaren soinuez, harrera eginez.

Aurten, hainbat musikarik akonpainatu zuten ibilaldia eta doinu batzuez girotu zuten. Errepublikaren aldeko eta monarkiaren aurkako kontsignak oihukatu ziren.

Datorren larunbatean Altsasuko gazteekin elkartasunean Iruñan egingo den manifestazioan parte hartzeko autobusa aterako da Irun-Hondarribitik.
 - Hondarribitik (Maitane) 15:45ean

 - Irundik (Bixera) 16:00etan

Apuntatzeko Iñaki-ri (691735233) deitu eta izena eman.

Txingudiko pentsiodunen mugimenduak bat egiten du Gipuzkoako zenbait pentsiodunen elkarteek deitutako manifestazioarekin, Gipuzkoako hiritar ororentzako dena: pentsiodunak, langileak, gazteak... eskualdeko hiritar guztiak animatu bertaratzeko.. Manifestazioaren aurretik kontzentratuko gara, Kixoteren oroitharrian, Alderdi Ederreko lorategietan, Donostiako udaletxearen aurrean.

8 urte igaro dira Abiadura Handiko Trena (AHT) egiteko lanak hasi zirenetik. Ordutik hona mito bat erortzen ikusi dugu. Urte hauetan zehar agerian gelditu da AHT ez dela bideragarria eta ez dakarrela inongo onurarik gizartearentzako. Porrot egin du proiektu honek, milioiak xahutzen dituena eta oinarrizko beharrizan sozialetara bideratu beharko liratekeen partidak murriztu beharra dakarrena, kalte itzela eraginez gizarte, ekonomia eta ingurumen arloetan.

Proiektu hau inposatu nahian ari direnek ez digute esaten zenbat diru gastatu duten orain arte eta ez dakite zenbat gehiago beharko den aurrerantzean, ezta noiz amaituko dituzten lanak ere. Gero eta zalantza gehiago Euskal Herrian sekula eginiko inbertsio handienaren gainean, bultzatzaile burugogorrei errealitatea ikusten uzten ez diena: Paris eta Madrilekin loturarik ez dauka eta, gainera, Bilbo, Gasteiz eta Donostia artean aurrikusitako denborak gero eta handiagoak dira, autoen edo autobusen ia parean egoteraino. Maila bereko zentzugabekeria ikusi dezakegu Nafarroan, inondik inora ez doan AHTa eraikitzen ari baitira, Aragoirekin eta EAErekin loturarik ez duena.