EH Bilduren oharra Urdanibia Plazako obren hasierarekin
Irungo EH Bildu.- Jakin badakigu edozein eremuetan obra batek zalantzak, kezkak eta ezinegonak sortzen dituela, obra hau ez da salbuespena izango. Irungo EH Bilduk bere egiten ditu Urdanibia plazako obrak auzotarrengan, saltzaileengan, tabernariengan, eta bertan bizitza egiten duten guztiengan eragiten dituen kezkak.
Gure taldeak hasieratik heldu dio gure herrian burutzera zioan obra honi eta auzoan lanketa bat abian jarri genuen. Bertatik ateratako ekarpenak ere aurkeztu genituen eta jarraipena egingo genuela adierazi dugu behin baina gehiagotan publikoki.
- Gehiago irakurriEH Bilduren oharra Urdanibia Plazako obren hasierarekin -ri buruz
- Egutegia
- Logeatu iruzkinak post-eatzeko
- 1278 irakurketak
Pasa den larunbatean hogei bat lagun bildu ziren Ospital zaharreko sarrera ondoan dagoen belardian, Moskuko plazari istorio asko oparitu dizkion Peio-ri azken agurra emateko asmoz. Auzotik ezagutzen zuen jendeak modu inprobisatuan antolatutako agurra, merkadiloa zegoen bitartean burutu zen, nola ez! Bezperan sare sozialen bitartez zabaldu bezala, jendea txikitoa eskutan, batzuk bixera buruan eta beste zenbaitek lore sorta bat zutela, topa kolektibo polita egin zen. Tristuraren gainetik, Peiok eskeinitako momentutxoen oroitzapenak direla eta, irrifarrea nagusitu zen bertaratutakoen artean.
Bildu udal taldeak, udal gobernuak urdanibia plazarako aurkeztu duen proiektuaren inguruko iritziak, kezkak, zalantzak eta iradokizunak jasotzeko intentzioarekin bilera ezberdinak burutu ditu auzoko eragile, norbanako, auzotar, komertziante, tabernari eta azokako saltzaileekin. Burututako prozesu parte hartzaile hau positiboki baloratzen du eta bertatik ateratako ekarpen batzuk jada egin ditu.