Bidasoako Stop Kaleratzeak.- Beste behin ere, Bidasoako Stop Kaleratzeak Plataformatik Irungo Auzitegian egingo dugun ekintzara deitzen zaituztegu, OINARRIZKOA DEN ETXEBIZITZA-ESKUBIDEA bereganatu ahal izateko konfiantza izan zuten banku-erakundeek Tania eta Susanaren aurka eragindako gehiegikeria eta indefentsio egoera salatzeko.

Guztiok dakigu Rodrigo Rato eta BANKIAko kontuen arduradunak epaituak ez izateaz gain nola gobernu espainiarrak babesten dituen, BANKIAra fusionaturiko erakundeen kontuak hustu eta izugarrizko murrizketa zein tasen bidez diru-kutxa publikoetako dirutik etekina aterata ere.

Goiz honetan gure kide den Flor Grijalbari epailearen aurrean duen bistan laguntzeko elkartu gara, gogoratuko duzuen moduan orain dela hilabete batzuk la Caixak bere egoerataz gehiegikeriak egin nahi izan zituen emakumea da. Gaia ez da bukatutzat eman, ezta gutxiago ere. Gaur kontratuan gehiegizko klausulak egon ziren ala ez erabakiko duen bista ospatuko bait da epailearen aurrean. Prozedura maulatsu eta eskrupulurik gabekoa izan da hasieratik Florrrena, Caixabanken partetik eta gehiegiko klausulena beste gehiegikeria bat da.

Gipuzkoa STOP Kaleratzeak .- Gaur, mailegu betearazpen eta etxe kaleratzeek dakarten beste aurpegi bat erakutsi nahi dizuegu. Nere alboan dauden pertsona hauek, guraso abalista dira, aitona-amona abalista. Beraien delitu bakarra, higiezinen burbuilaren unerik gorenean, beraien seme-alabek mailegu hipotekario bat lortu zezaten, beraien etxebizitza berme bezala jartzea izan delarik. Garai hartan, agintean zegoen gobernuaren baimenarekin, banketxe eta enpresa tasatzaileek maileguen prezioak puzten zituzten eta etxebizitza bat erosi nahi zutenek senideen etxebizitza abal bezala jartzera behartzen zituzten, kasu askotan jada ordainduak zeuden etxeak zirelarik.

Kurtso berria, gure inguruko herri eta hirietako kaltetuek bizi duten egoera gordina kalean salatuz, hasi nahi dugu. Uda garaian dena geldirik dagoela ematen badu ere, gero eta jende gehiago dator batzarretara, beraien kasua azaldu eta etxe kaleratzeen aurkako borrokari ekiteko prest.