"Jose Antonio Santano bere konbenientzia politikoa irundarren eta hondarribiarren eskubideen gainetik" jartzen ari dela salatu du Foru Aldundiak
Herritarren Partaidetzarako Foru Zuzendaritza.- Gipuzkoako Foru Aldundiak gaur salatu du Irungo Udal Gobernua Partaidetzako Aurrekontuen ekimena oztopatzen ari dela. Partaidetzako Aurrekontuak Gipuzkoako 10 eskualdetara hedatzeko asmoa zuen GFAk aurten, baina Bidasoaldeko parte hartze prozesua geldirik dago momentuz.
"Partaidetzako Aurrekontuen ekimena Bidasoaldeko herritarrentzako onuragarria da, baina ez, ordea, Santanorentzat. Eta horregatik ari da boikoteatzen", salatu du Foru Aldundiak. Trabak traba, "irundarrekin eta hondarribiarrekin duen konpromisoa betetzeko alternatibak bilatzen ari gara", esan du Maider Otamendi Aurrekontuetako zuzendariak.
Irungo BILDU udal taldeak 2011 urtean abiatu zen azken agintaldi honetako urte hauetan herritarren parte hartzea bermatzeko proposamenak eta halako prozesuak aurrera eramateko konpromisoa eta bultzada eman du.