Artiako Lagunak elkartea.- Irungo Udalak Artia auzoko Bienabe Artia kaleko aparkalekua handitzeko lanak hasi zituen 2021eko urtarrilean. Proiektua Urbycolan S.L. enpresari esleitu zaio, 209.921,28 euroko aurrekontuarekin eta 4 hilabeteko iraupenarekin. Aparkaleku kopurua egungo 21 plazetatik 40ra pasako da.

Proiektuaren helburua 10 zuhaitz kentzea zen: 6 zuhaitz gazte eta 4 lizar heldu. Artiako Lagunak elkarteak eskatuta, Irungo Udalak Gazteluzar Pasealekura 6 zuhaitz birlandatzea onartu zuen.

Zuhaitzak desagertarazten eta kaltetzen dituen lana

Modu ulertezinean, aparkalekuaren handitzearen diseinuak 4 lizar heldu eta osasuntsu ezabatzen ditu. Irungo Udalarentzat zuhaitz helduak kentzeko eta jartzeko hiri-altzariak dira, erabili eta botatzeko elementuak.

Artiako Lagunak elkarteak 2020ko abuztuan eskatu zuen zuhaitzak ez mozteko, eta eremu berean birlandatzeko. Urbycolan eraikuntza enpresak lurra zulatu zuen 6 zuhaitzak birlandatu aurretik, horrela zuhaitzen sustraiak kaltetuz. Lehen jarduketa gisa, hondeamakina sartu aurretik, transplantea egin behar zen. Gazteluzar Pasealekura birlandatu dira, baina orain zuhaitz horiek bizirauteko oso aukera gutxi dituzte, sustraien erdiak lurrean geratu baitira. Zuhaitz hauek 2 edo 3 urtetan hil daitezke.

Zaisa III guneko kutsaduratik babesten gaituzte lau lizarrek

Bienabe Artia aparkalekua ZAISAtik metro gutxira dago. ZAISA Euskal Autonomia Erkidegoko garraio eta logistika enpresen kontzentraziorik handiena da, bai eta Europa hegoaldeko ibilgailuen trafiko handienetakoa duen plataforma bat ere.

ZAISA III Bienabe Artía aparkalekuaren mugakidea da. ZAISA III.ak 200.000 m2-ko azalera du, kamioien aparkalekuekin, gasolindegiarekin, biltegiratze-nabeekin eta zerbitzu-gunearekin. Kutsadura eta zarata-mailen erregistrorik ez badago ere, altuak izango dira nahitaez, eta, ondorioz, kaltegarriak osasun publikoarentzat. Artiako bizilagunak eta, batez ere, Toki Alai Bigarren Hezkuntzako ikastetxeko ikasleak dira kaltetu nagusiak.

Bienabe Artía aparkalekuko 4 lizarrak kontserbatu behar dira emisio poluitzaileetatik babesten gaituztelako. Are gehiago, Gazteluzar pasealekuaren eta ZASA IIIaren artean dagoen espazio libre osoa zuhaitzez bete beharko litzateke, eremu kritikoa baita, eta bertan hiriko zuhaiztiek babes-funtzioa beteko lukete, kamioien etengabeko igarobideak sortutako kutsatzaile atmosferikoak murriztuz eta kutsadura akustikoa gutxituz.

Beharrezko ez den lana

Aparkaleku hau handitzea ez da beharrezkoa, 200 metrora hainbat aparkaleku baitaude, gauez ere plaza libreak dituztenak: Teodoro Murua kalearen amaieran dagoen aparkalekua eta Blaiako hilerriko aparkalekua. Astean zehar eta 22:00etatik aurrera, Artiako Lagunak taldeko kideek 100 plaza libre baino gehiago zenbatu dituzte 200 metroko erradioan.

Artiako Auzo Elkarteko presidenteak, Jose Barreirok eta Cristina Labordak, udaleko Obra Publikoetarako ordezkaria, prentsan esan zutenez, auzoan "aparkatzeko arazo larria dago goizetan; izan ere, 08:00etatik aurrera Toki Alai ¡kastetxeko i¡rakasleak etortzen dira, baita arratsaldeetan ere, asko kirol-gunera etortzen baitira eta, jakina, ez dute aparkatzeko tokirik aurkitzen". Baieztapen okerra; izan ere, auzoko inguru honetan badago aparkatzeko tokia institututik oso gertu irakasleentzat eta kirol instalazioetara datozen pertsonentzat. Beste gauza bat da kirol-instalazio bateko erabiltzaileek eta institutuko irakasleek ate berean aparkatu nahi izatea edo GPSaren nabigatzaileak kirol-instalazioetako atera bidaltzen dituela ez dagoelako eta auzoan seinaleztatuta ez daudelako.

Udalaren kongruentzia eza

Aparkalekua egitea eta 4 lizarrak moztea ez dator bat Irungo Udalak hartu dituen konpromezuekin: Agenda 2030, "Garapen jasangarrirako helburuak dituen tokiko programa" izena duen PSOEk eta Podemos-lUk adostutako Gobernu Programarekin, Hiriko Zuhaitz Eskubidearen Adierazpenarekin, Irungo lraunkortasunaren aldeko 2015-2025€eko II. Ekintza Plana eta Urban Sasoi jarduera fisikoa sustatzeko hiri-kodea.

Artiako Lagunak taldearen adierazpena

Artiako Lagunak elkarteak adierazi du auzoan dagoen zuhaitz bakoitza garrantzitsua da eta funtsezko eginkizuna du, eta osasun publikoko kontua da lau lizar horiek mantentzea eta zaintzea. Gainera, zuhaitz gehiago landatuz konpentsatu behar da obra.Beraz, Artiako Lagunak elkarteak proiektua berriz diseinatzeko eskatzen du, 4 lizar helduak ez mozteko.

Artiako Lagunak-Amigos de Artia elkarteak adierazi du aparkaleku hori handitzearen aurka dagoela argi eta garbi, beharrezkoa ez delako, justifikaziorik gabea eta Irungo Udalak sinatutako konpromisoekin eta adierazpenekin bat ez datorrelako eta ez delako bizilagunekin adostu.

Artia auzoko 102 ezkien lerrokadura defendatzeko borrokatu ondoren, Artiako Lagunak auzo-plataforma eratu da, Artian eta lrunen ondare berde eta naturalaz eta hiri-ekologiaz kezkatuta dagoen auzo-plataforma da, Artiako Bizilagun Elkartearen alternatiba gisa.