Atzo elkarretaratzea egin zuten Erdialdeko Anbulatorioan eta gaurko hitzaldia antolatu dute Irun Centro Auzo Elkartean.

Pasa den astean Eusko Legebiltzarreko osoko bilkuran izan zen taldea, eta Bidasoarako osasun plan integral bat eskatu zuten.

Horrez gain, aste honetan Bidasoa ospitaleko lizitazio berria gelditzeko eskaera egin diote Osasun Sailari. Gasteiztik egindako proposamena ez dutela profesionalekin, erakundeetako ordezkariekin eta herritarrekin kontsultatu salatu dute, eta proposamena ez dela egokiena uste dute.