Euskal Herriko Pentsionisten Mugimendua.- Joan den asteburuan milaka pertsona Euskal Herrian eta Estatuko beste Herri eta Erkidego batzuetan, pentsio publiko duin eta nahikoen alde manifestatu gara.

Hiru urte geroago, pentsioak eta soldatak murrizten dituzten erreformak indargabetu gabe daude oraindik, eta Gobernuak aurkeztutako pentsioen lege-proiektuak bi helburu baino ez ditu: 2011ko eta 2013ko pentsioen erreformen murrizketei eustea eta denbora gehiagoz lan egitea eta pentsio gutxiago kobratzea. Pentsioen Sistema Publikoa iraupeneko laguntza-sistema batera murriztu nahi da, pentsio-plan pribatuak sustatzeko.

Oraingoan ere ez gaituzte engainatuko. Lege-proiektuaren pentsioen errebalorizazio-indizea iruzurra da, eta ez du bermatzen pentsioen erosteko ahalmena. Pentsioek erosteko ahalmena galduko dute urtez urte. Gobernuak atera duen indize berriarekin, 2021ean eta 2022an pentsioak KPlaren aldean % 3 murriztuko dira eta gutxieneko pentsioa % 2,5. Fatima Bañez ministroak 2018an egin zuena, gaur Escrivá ministroak errepikatzen du, oraingoan abisu-gutunik gabe.

Iraunkortasun-faktorea ez da indargabetuko, eta, besterik gabe, izena aldatuko da pentsioak murrizten jarraitzeko.

Estatuko Gobernuari, Kongresuko talde politikoei eta EAEko eta Nafarroako erakundeei eskatzen diegu gure aldarrikapenei erantzuteko behar diren erabakiak har ditzatela eta izapidetzen ari den lege-proiektua ken dezatela.

Ez dugu onartuko gure mobilizazioekin duela ia lau urtetik eskatzen ditugun premiazko aldarrikapenak jasotzen ez dituen erreformarik.

Pentsioen eta soldaten murrizketak gure bizi-baldintzak okertzen ari dira, etaGobernuek politika fiskalak ezartzen dituzte, gehien dutenei mesede egiten dietenak; zerbitzu publikoak murrizten dituzte, batez ere osasun- eta gizarte- eta osasun-arloetan, eta oinarrizko zerbitzuen (energia, esaterako) eta banku-zerbitzuen prezioak igotzea ahalbidetzen dute, gutx1 batzuen onurarako.

Horregatik guztiagatik azaldu gara gaur eta horretan jarraituko dugu gure helburuak lortu arte. Inork zalantzarik izan ez dezala; mobilizazio orokor honek jarraipena izango du datozen hilabeteetan.

Abenduaren lean gure herri eta hirietako kaleak beteko ditugu berriro, gaur gurekin dauden erakunde sozial eta sindikalek deitutako mobilizazioa babestuz.

BERDIN DIO NORK GOBERNATU, GUK PENTSIOAK, SOLDATA DUINAK ETA ZERBITZU PUBLIKO UNIBERTSALAK DEFENDATU.