Bidasoa eskualdeko langabeen kopurua gora joan da azaroan. 6220 langabe daude Bidasoa eskualdean, urriaren bukaeran baino 120 gehiago. Irunen azken hilabetean 77 pertsona gelditu dira lanik gabe, eta Hondarribian , berriz, 43. Gaur egun Irunen 5276 pertsona daude langabezian eta 944 Hondarribian.
Juanra Rojo, Irungo preso politikoa, atzo zen libre geratzekoa, baina hilaren 12a arte kartzelan jarraituko du. Egun horretan erabakiko dute 197/2006 doktrina ("Parot doktrina") ezarriko ote dioten, baina bitartean preso jarraituko du.
Juanrak 21 urte darama kartzelan eta iazdanik kondena betea du. Iaz urte batez luzatu zioten kondena.
Aurten ere “Nicolás Guerendiain” Irungo Errepublikarren Elkarteak “V. Gazteen Literatur Lehiaketa Errepublikarra”ren deialdia egiten du.
Lehiaketa honen xedea balio errepublikarrak ezagutaraztea eta sustatzea da, batez ere gazteen artean. Balio horien artean daude esate baterako Berdintasuna, Senidetasuna, Askatasuna, Laikotasuna, Solidaritatea, Justizia sozial, ekonomiko eta politikoa eta abar.
Doneztebe-ko auzotarraren suizidioari buruzBidasoa Kaleratzei STOP.- Ostiral arratsaldean , bere ohizko etxebizitza galtzeko arriskuagatik pertsona batek bere buruaz beste egin duela salatzeko bildu ginen hor beste behin, Doneztebeko bizilagun den Manuel Regueraren heriotzaren inguruan dauden egoerak alde batera utzita; argi dagoena zera da: kalean gelditzearen beldurra izan da eragilea.
ETXEBIZITZA DUIN BAT IZATEKO ESKUBIDEA oinarrizko eskubidea, Giza Eskubideen Deklarazio Unibertsalean, Konstituzioan eta edozein herri garaturen eskubideei buruzko oinarrizko araudietan onartutakoa. Pertsona batek lanpostua galtzen duenean, drama bat sortzen da; baina etxe bat badu, bere burua non babestu izango du; baina bere etxea galtzen badu, bizitza galtzen du.
