Irungo Harrera Sarea.- Atzo eguerdian Irungo Harrera Sarea eta Iparraldeko CIMADE erakundeak deiturik elkarretaratzea egin dute Irungo San Juan plazan. Bertan salatu dute EB eta estatukideen migrazio eta muga politika arrazista eta hiltzaileak. Baionatik hasi eta Grezia eta HUngariako mugetaraino.
Bidasoko Asanblada Feministatik gure erabateko gaitzespena adierazten dugu gure herrian gertatutako eraso matxistagatik. Irungo herritarrek zero tolerantzia erakutsi behar diete horrelako jarrerei, eta ez begiratu beste alde batera.
Gure maitasun eta babes osoa bidali nahi diogu erasotuari. Ez zaude bakarrik.
Martxoaren 8an are arrazoi gehiagorekin aterako gara kaleetara, gure eskubideak norbaitek ukitzen baditu, AURREAN IZANGO GAITUELA ozen eta argi oihukatzeko.
EH Bildu Irun.- Azken hamarkadetako herri-dinamika eta emantzipazioaren aldeko borroka garrantzitsuenetako bat bihurtu da feminismoa: feminismoaren aroaren aurrean gaude, zalantzarik gabe.
Abotsanitz.- 2015etik udal gobernuak ez ditu kaleratu indarkeria sexistaren datuak. Abotsanitz Herri Batzarrak Hondarribiko biolentzia kasuak jasotzen dituzten kartelak jartzen hasi zen atzo herrian zehar. 2018ko datuak dira, Segurtasun Sailak jaso eta Eustatek 2019ko maiatzean zabaldu zituenak (2019ko datuak oraindik ez dira ezagutzen).
