Bidasoaldea, egongela ala pasabidea?
Bea Arana.- Bidasoaldean Txirrinka bezalako ekimenen behar larria dugu. Beste jendarte eredu bat aldarrikatzeko premia sentitzen dugu hemengo lurralde antolaketarekin bat ez gatozenok. Erakunde guztiek, bertakoek izan edo nazionalek, irtenbiderik gabeko norabidea jarraitzen dute: lurraren okupazio bortitza eta zonaldearen artifizializazio orokorra. Eta oinarrian dagoen galdera zera da: nori egiten diote mesede hemengo eta hango jauntxoek planifikatzen dituzten egitasmoek? Hemengo jendearen beharrak hartzen dituzte kontutan edo ekonomia kapitalista globalizatuaren aginduak jarraitzen dituzte itsuki?
- Gehiago irakurriBidasoaldea, egongela ala pasabidea? -ri buruz
- Logeatu iruzkinak post-eatzeko
- 1423 irakurketak
Txirrinka TOMA lurraren eta jendarte hobeagoaren aldeko ekimena da. Txirrindulaz zeharkatuko dugu Euskal Herria lau zutabek, eta zutabe bakoitzak lekuko bat eramango du. Lekukoa, jende eta kolektibo ezberdinen artean igaroko da. Jendarte hobeagoaren alde zaudeten kolektibo eta pertsonei luzatzen dizuegu Txirrinkan parte hartzeko gonbitea. Borroka asko badaude ere helburu amankomuna dugu: jendarte justoago bat eraiki.
“Lurra zaindu, eredu soziala eraldatu! AHT eta proiektu txikitzaileak borrokatu!” lelopean 2016ko maiatzaren 20, 21 eta 22an TXIRRINKA ekimena burutuko da. Txandakako bizikleta martxa honen lau zutabeak Hendaia, Muskiz, Gasteiz eta Iruñetik abiatuko dira, eta Euskal Herriko geografia zeharkatu ondoren Bergarako AHTren korapiloan elkartu eta helmugaratuko dira.
Txirrinka ekimena lurraren eta jendarte hobeagoaren aldeko ekimena da. Txirrindulaz zeharkatuko dugu Euskal Herria lau zutabek, eta zutabe bakoitzak lekuko bat eramango du. Lekukoa, jende eta kolektibo ezberdinen artean igaroko da. Jendarte hobeagoaren alde zaudeten kolektibo eta pertsonei luzatzen dizuegu Txirrinkan parte hartzeko gonbitea.