Nerea Kortabitarte kazetariak eta Julia Lasa ilustratzaileak gidatuko dute tailerra · Hendaiako Borderline fabrikan izanen da, ostiralean, arratsaldeko 18:00tan
Eusko Jaurlaritzak angula edo txitxardinaren harrapaketa legeztatzeko egin duen saiakera berria salatu du Eguzki talde ekologistak. Indarrean den araudiari izkin egiteko, angula-arrantza profesionalizatzeko dekretu-proiektua berriz ere jendaurrean aurkeztu du. Eta profesionalizatzeko dekretuaren bidez, ekologisten arabera jaurlaritzak saihestu nahi du Europar Batasunak 2023ko urtarrilean angularen aisialdiko arrantzaren gainean ezarri zuen debekuak.
Angula (txitxardina)-arrantza profesionalizatzeko dekretu-proiektua berriz ere jendaurrean ipini du Eusko Jaurlaritzak. Profesionalizatzeko dekretuaren bidez, Jaurlaritzak saihestu nahi du Europar Batasunak 2023ko urtarrilean angularen aisialdiko arrantzaren gainean ezarri zuen debekua. Izan ere, aisialdikoa zen ordura arte Bizkaian eta Gipuzkoan legez egin zitekeen angula-arrantza mota bakarra. Garikoitz Plazaola Eguzki taldeko kidearekin hitzegin dugu
Holliwoodeko urrezko aroaren giltzapeko armairuak.
Zentsurari ihes egiten
Gaia pil-pilean jarri zuen Ez Erran Inori liburuaren idazle Maddi Ane Txoperena eta Oihana Etxebarrieta teorizatzaile feminista arituko dira indarkeria mota horren inguruan Kultur Etxean, Emeki elkarteak maiatzaren 9an (19:00etan) antolatu duen “Umetan jasandako eraso sexualak” solasaldian.
Kimubat taldeko FurgoBaratza tailer ibiltariak Irungo Puianako baratze parkean egongo da maiatzaren 2an 18:00etatik 19:30era bertako erabiltzaile zein Bidasoaldeko baratzezainen zalantzak argitzeko prest. Aholkularitza dohakoa da, eta sasoiko landare eta hazien salmenta ere eskainiko dute bertan, ekologikoa lehenetsiz.
Hondarribia eta Amaiur inoiz baino hurbilago daude. 500 urtez Gaztelaren itzal luzeak estalitako hondarribitarren sustrai nafarrak aldarrikatu dituzte Arma Plazan ospatutako herri-ekimenean. Sinbolismoetatik haratago, udaletxean herri bietako agintariek ofizialdu duten senidetzea, aldiz, «Baztan-Bidasoaren arteko harremanak estutzeko» abiapuntua dela azpimarratu dute.
Hondakin organikoaren bereizketa %55etik %70era igo da orain artean kanpaina egin duten auzoetan. Eta 2030eko birziklatze-tasaren helburuetara heltzeko herritarrak sentsibilizatzeko ekimen honekin jarraituko dute auzoz-auzo. Ekainaren 15era bitartean, Santiago-Beraun, Dunboa, Alde Zaharra, Arbes eta Meakan egingo dute kanpaina.
Bertze urte batez hirugarren eta azken etapan erabaki da Bidasoa Itzuliko 50. edizioko garaipena. Louis Sutton izan da garaile orokorra, Castellon beraren eta Haimar Etxeberriaren aitzinetik.
Jaizkibel bakarrik gainditu ondotik, liderraren maillota ere bereganatu du Laboral Kutxako zumaiarra. Haimar Etxeberria irundarra sailkapen orokorreko bigarren postuan kokatu da, 25 segundura.