“Tokiko lan-poltsa” sortzeko aukera aztertuko dugu, kolektibo zehatz batzuen zailtasun eta behar bereziak aintzat hartzen dituzten gizarte-klausulekin, eta gehien behar duten pertsonei zuzendutako neurrietan arreta berezia jarriz.

Horrez gainera, lan-sozietateak eta kooperatibak sortzeko laguntza teknikoa emango dugu, eta gure adinekoen esperientzia ekintzaile berrientzat lagungarri izateko eremuak sortuko ditugu.

Era berean, prestakuntza bultzatuko dugu, IKT eta Marketing baliabide gehiago erabiliz, lanerako tailerrak bultzatuz, LHko Institutuekin harremanak hobetuz, eta laneratzeko ibilbideak eginez.

Enplegu berria sortzen duten sektoreetako jarduerak sustatu eta bultzatuko ditugu, hala nola haurtzaindegiak, adinekoen arreta, hondakinen tratamendua, energia-eraginkortasuna...