Abotsanitz.- Kezka handiz ikusten du Abotsanitzek euskarak Hondarribian duen osasuna. Jakina da euskaraz dakitenen artean oso gutxi direla eguneroko bizitzan gure hizkuntza erabiltzen dutenak. Herriko kaleetan Soziolinguistika Klusterrak egindako azken ikerketaren arabera, euskararen erabilera % 24,6koa da, oso kopuru txikia kontuan hartzen badugu euskaraz dakitenen kopurua % 60koa dela.
Egoera honi buelta emango dio Abotsanitzek, errotik aldatuz hizkuntza politika. Udalak asko egin dezake helburu hori lortzeko, Udalaren beraren euskararen ordenantza betearaziz, esate baterako. Horrez gain Euskara Biziberritzeko Plan Nagusia garatuko du Abotsanitzek, eta etengabeko harremanetan jarraituko dugu, aurreko lau urteetan bezala, herri eragile guztiekin, euskara bultzatzeko ekimen guztiak babestuz.