Irungo udalak moztu nahi dituen 47 ezkien adopzio kanpainak bere helburua lortu du, jakinarazi du Artiako Lagunak-Amigos de Artia bizilagun taldeak. 47 elkartek 47 zuhaitz hartu dituzte beren babespean.

Ezki bat hartu duten elkarteen artean, besteak beste, Artia auzoko denda txiki, Irungo elkarte, talde ekologista eta estatuko eta atzerriko hainbat elkarte izan dira: SEO-Birdlife Donostia, Haritzalde Naturzaleen Elkartea, Ekologistas en Acción Konfederazioa, Oarsoaldeko Eguzki, Hendaiako Recycl'Arte, Sevillako Red Ciudadana de Sevilla, Talavera de la Reinako (Toledo) Tagus Fundazioa, ADDA GKEa, Arriba Las Ramas, Chipionako CANS talde ekologista, Valenziako ADENE elkartea, Txileko Red de Árbol Urbano, Kolonbiako ProArbol elkartea, Irungo Aitzondo Euskara taldea, Aldatsa Baratza kooperatiba, Xixare Baratza elkartea, Labore Txingudi elkartea eta Landetxako auzo elkartea, eta zuhaitzen aldeko Lezoko Zuhaitzen Lagunak beste askoren artean. Milaka lagunek dituzte begiak Artiako zuhaitzetan jarrita.

Alkateari eta zinegotzi guztiei mezu elektroniko bat bidali zaie adopzio bakoitzaren berri emanez. Ez du batek ere erantzun.

Artiako Lagunak-Amigos de Artía taldeak "Ezki bat babestu nahi dut" kanpaina Juan Thalamas Labandibar/Gl-636 errepidearen parean dauden gainerako 55 zuhaitzetara zabaltzea erabaki du, ez baitago argi beste 55 zuhaitz horien guztien etorkizuna. Nahiz eta lehenengo fase batean eta udaletxeko txostenean Arenas Carrillo eskaileratatik Behobiaraino dauden 47 zuhaitzen mozketa bakarrik proposatu, Artiako Lagunak taldeak susmoa du hurrengo fase batean beste 55ak izan daitezkeela helburua. Udalaren txostenak Arenas Carrillotik Azken Portu kiroldegirako bidean lau zuhaitz moztea proposatzen du. Eta hurrengo fase batean beste guztiak izan daitezke “Ez dezagun ahaztu dagoeneko 7 zuhaitz moztu zituztela Arenas Carrillo eskailerak berregiteko”. Denera 109.

Pertsona askok ere zuhaitz bat babestea eskatu dutenez, norbanakoei ere adoptatzeko aukera zabalduko zaie.

Zer egin behar duzu ezki bat zure babespean hartu nahi baduzu?

1. Artiako Lagunak taldeari posta elektroniko bidez (artiakozuhaitzlagunak@gmail.com) edo Twitter https://twitter.com/artiakolagunak "Ezki bat babestu nahi dut" mezuarekin.
2. Zure eskaerari erantzunez, Artiako Lagunak konpromisoa hartzen du zuri babes ziurtagiria ezkiaren zenbakiarekin igortzeko eta Ilrungo Udalari ezki hori zaindu eta mantentzeko eta ezki horren gaineko hartutako edozein ekintza zehazki eta objektibotasunez justifikapena eskatzeko.

www.change.org/los47tilosdeirun online eskaerak linean jarraitzen du eta dagoeneko 2000 lagunek baino gehiagok sinatu dute.Paperezko sinadura bilketa alarma egoera zela eta 340 sinadurarekin eten egin zelarik.

Otsailean, Irungo aukozo Artiako auzokideek jakin zuten Irungo udalak 47 ezki moztu nahi zituela Bidasoako erriberan, Artia auzoko Darios Regoyo kalean. Azaroko eta abenduko haize bortitzak zirela eta lau zuhaitz erori ondoren, Irungo udalak txosten tekniko bat egin zuen. Txosten tekniko honetan 47 ezki moztu eta tamaina txikiagoko zuhaitzak landatzea proposatzen da. Artiako Lagunak taldeak txostena ¡rakurri ondoren bi ondorio atera zituen: Txostena ez dela baliozkoa, ez dituelako alez ale zuhaitzak aztertzen eta ez duelako inongo tresneria eta metodología konkretua erabiltzen neurketak egiteko.Txostena mozketaren koartada besterik ez da, Artiako Lagunak taldearen arabera.

Artiako lagunak sinadura bilketa hasi zuen paperean eta online eta orain kanpainia berria du: Babestu ezazu ezki bat.