gipuzkoa.net. Gizarte Politika 2013-10-22.- Gizarte Politikako Departamentuak desgaitasuna duten pertsonentzako pisu berria zabaldu du hil honetan Irunen. Desgaitasun intelektuala, laguntza premia zabala eta portaera arazorik ez duten zortzi pertsona hartuko ditu egoitza honek, eta Atzegi elkartea izango da kudeaketaren arduraduna.

Larraitz Ugarte foru bozeramaileak jakinarazi duenez, Diputatuen Kontseiluak gaur onartu du erabaki hau, “momentu ekonomiko latzenetan ere, Gobernu honek pertsonekiko eta Gizarte Politikarekiko duen konpromisoaren adierazle den erabakia”. Diputatuak, gainera, Gizarteratze Zerbitzuan egingo den langile errefortzua ere aipatu du konpromiso honen adibide gisa.