LAB Sindikatua.- LAB sindikatutik Gipuzkoako helduen egoitzetako langileei martxoak 24ko greba egunera batzeko deia luzatzen diegu, bai eta Gipuzkoako jendarteari langileen aldarrikapenak babestu eta elkartasuna adierazteko eskatu ere.

LAB.- Helduen egoitzetako egoera jasanezina da eta ezinbestekoa da urgentziazko irtenbide bat bilatzea berandu baino lehen. Gehiegizko lan kargek ezinezko bihurtzen dute egoilarrek behar eta merezi duten kalitatezko zaintza zerbitzua jasotzea.

Gipuzkoako erresidentzia eta eguneko zentroetako langileak greban daude berriro ere eta Gipuzkoan zehar martxa bat abiatu dute egoera sozializatu eta talde zein eragile desberdinen babesak jasotze aldera.