Herria zaindu, Zaldunborda Gelditu plataformak antolatutako hitzaldia eta debatea.
Badator aurtengo bigarren Kabigorriko bertso gaua ere, ikasturteko bosgarrena. Otsailaren 6an izango da 19:30ean hasita.
Bertan ariko dira kantuan Abel Zabala irundarra, Jokin Bergara eibartarra, Maider Arregi oñatiarra eta Iñigo Mantzizidor "Mantxi" zarauztarra. Saioaren gidaritza Iñigo Ugarte irudarraren esku egongo da. Hilero legez, saioaren aurretik bertso jarriak izango ditugu, honakoan Garbiñe Beraetxe hendaiarraren bitartez.
SAHARAR ILARGIERDI GORRIAKAREN eskakizuna kontuan hartuta eta Herri Saharararekiko euskal elkarte ezberdinen elkartasunaren koordinazio politikoaren barnean, SAHARAREN ALDEKO EUSKAL KARABANA: PIZTU ITXAROPENA martxan jarri dugu, S.E.A.D.en Aldeko 'OTSAILAK 27' Euskal Elkarteen Koordinakundea - Coordinadora Vasca de Organizaciones Solidarias con la R.A.S.D. '27 DE FEBRERO'.
Oparoa joan da 2019a: antolatu ditugu bertso-saioak, proiektu berriak sortu ditugu eta lehendik zetozenei ere erantzun diegu. Ondorengo loturan topa dezakezue 2019ak emandakoaren bildumatxo bat:
https://irunabar.wordpress.com/2019/12/31/2019a-oparo-joan-da/
2020. urtea ere amaitu berri dena bezain emankorra izan dadila nahi dugu, ordea, eta honek etenik ez duenez, gabonetako atsedenaldiaren ondoren ate-joka dugu Kabigorriko urtarrileko bertso-gaua. Hilaren 9an izango da, eta ohi bezala, 19:30ean emango zaio hasiera bertso gauari.
Sangre de Mono 2009an hasi zen bi abeslariz osatutako rap/ragga talde bezala. Lehenengo kontzertuetan ordenagailu batekin eta interneten doan aurkitutako abesti instrumentalekin soilik aritzen ziren. Hurrengo urteetan bi gitarra-jole (elektrikoa eta klasikoa) eta Dj bat sartu ziren taldean. 2013an, abeslari batek taldea utzi ondoren, instrumental guztiak kentzea eta abesti guztiz propioak sortzea erabaki zuten. Trantsizio honetan, bateria-jolea eta baxu-jolea sartu ziren taldean. Erritmo eta estilo berriak ekarri zituzten, gaur egun ezagutzen dugun Sangre de Mono osatuz.
Taldeak Kabigorrin eskeiniko du bere azken kontzertua.
Urte amaiera gerturatzen ari den honetan, badator abenduko Kabigorriko bertso gaua ere. Oraingo honetan, ordea, hilabeteko lehen ostegunean izan ordez bigarrenean izango da: abenduaren 12an, 19:30ean.
Badoa ikasturtea aurrera eta badator bigarren Kabigorriko bertso gaua ere. Azaroaren 7an izango da 19:30ean hasita.
Bertan ariko dira kantuan Miren Artetxe eta Egoitz Zelaia hendaiarrak, Oihana Bartra bilbotarra eta Julen Zulaika zarauztarra. Saioaren gidaritza Oinatz Mitxelena irundarrarena izango da. Hilero legez, saioaren aurretik bertso jarriak izango ditugu, honakoan Iker Altuna hendaiarraren bitartez.
