Asteburu honetan Getarian ospatu den senior gizonezkoen trainerillen Gipuzkoako bandera Hondarribira ekarri dute, ohorezko txandan Oriori, Getariari eta Donostiarrari gailenduz.

Txingudi Ikastolako hezkuntza komunitatea trinkotu eta bere baitan gordetzen duen aniztasunetik, euskara eta euskal kulturari bultzada emateko egun osoko jaialdia ospatuko dute ekainaren 1ean. Guraso Elkarteak antolatuta, euskal dantza, trikitixa, kantu-bazkaria, haurrentzako pottokak, tailerrak, apar festa, puzgarriak... eta AstoKK Bingo solidarioa ere antolatu dute aurten, Irungo Euskal Jira laguntzeko, eta bidenabar, Irungo baserriak babesteko beharra aldarrikatzeko.

Maiatzaren 13, 20, 27, eta 31rako AUIF Irun-Hondarribiko hiri-autobusen enpresako langileek greba deitu dute, KPIaren eguneratzea bermatzea, urtean 200 lanordu gutxiago eta jasandako erasoak sahiestuko duten segurtasun gehiago aldarrikatuz. Lehen egunerako, datorren astelehena, Irunbus zerbitzuan %30eko gutxieneko zerbitzuak bermatuko dituztela jakitera eman du Irungo Udalak. 

Human Rights fundazioak ere EAEko fiskaltzan salatzea aztertzen ari da Irungo San Miguel auzoan gertaturiko polizia gehiegikeria. Ertzaintzak baieztatu du joan den abuztuan eman zela ostiral goiz honetan sare sozialetan zabaldutako bideo batean ikus daitekeen erasoa. Pertsona bat ikuste da udaltzain eta ertzainekin eztabaidan, eta ertzainetako batek honi ukabilkada jo eta lurrean utzita alde egiten du. 

Kandido Saseta plaza aniztasunaren eta herritarren arteko loturaren ikur bilakatuko duen 3,5 x 20 metro luzeko horma-irudia margotzeko, hondarribitar oro gonbidatua da 16:30etik 01:00a artean. Hilabeteotan bizilagun eta herriko 60 haur baino gehiagorekin ondutako diseinua horman irudikatzeko txanda iritsi da.   

Eusko Jaurlaritza eta Espainiako Gobernuaren finantzaketa konpromisoak lortzeko lanean jarraitzen duten bitartean, Espainiako Eskubaloi Federazioko presidenteak pabilioia eraikiko den kokapenera bisita egin du gaur Irungo Udaleko  eta Bidasoako ordezkariekin batera. Hirigintza prozesuari «argi berdea» eman ondoren, Udalak proiektua azkartzeko aurrekontua bideratu nahi du ondoko udal kreditu aldaketan, 2029ko Munduko Eskubaloi Txapelketa jaso ahal izateko. 

Denda sortu zutenetik 10 urte pasa badira ere, Bidazi orain dela 14 bat urte hasi zen lanean Alkaiagako lokal batean bertako produktuak elkartea sortu zutenen artean trukatuz. Errelebo falta somatu dute azken aldian, baina hala ere gogoz hartu dute hamargarren urteurrena eta horren bueltan, urte osoan zehar hainbat ekitaldi ospatuko dituzte.

Herriko bertze artistekin batera ondutako hamaika kantu ditu Lesakako Elutxa Txarangak kaleratutako "Ttak!" diskak, baita zenbait bertsio ere. 2023an 10 urte bete zituzten eta horren harira aritu dira diska honen inguruan lanean. 

Emakumezkoen Itzuliaren hirugarren eta azken etapak trafiko aldaketak eragingo ditu herrian. Jaizkibel menditik helduko dira Hondarribira, eta Labreder, mendebaldeko sahiesbidea eta aireportuko errepidea ere itxi egingo dituzte igandean 11:15ean lasterketa iragan arte.

Antxetatik Nafarrora (2024-05-09)

Ekainaren 10a arte urruñarrek bozkatu ahalko dituzten proposatutako lau proiektuak ezagutarazteko, eta zalantzak argitzeko, bilkura publikoa egingo dute maiatzaren 18an herriko kontseiluko gelan.

"Zubiak zeharka” lemapean, egun osoko egitaraua prestatu dute UEMA eguna ospatzeko. Herriko eragile guztiek hartu dute parte programaren prestaketan eta ekimen herrikoi eta partehartzailea izatea lortu dute horrela.  

Lasterketa ekitaldi nagusia izanen bada ere, aste osoko egitarua antolatu du Lesakako Udalak bizikletaren bueltan. Gaurtik hasita, dokumental baten proiekzioa, solasaldiak, birziklapen eta argazkilaritza tailerrak eta haurrentzako eta kirolari egokituentzako lasterketak izanen dira herrian.

Irungo gaztelekuek aurten izan duten dinamika parte hartzailearen hari beretik antolatu nahi dute udako programazioa ere. Hortaz, Konekta Zerbitzutik 16-25 urte arteko gazteei deia luzatu diete, haien ideia berriak partekatzeko.

Maiatzaren 12an Gipuzkoako Erroten III. Eguna ospatuko da, eta Irungo Oiasso Erromatar Museoak bere bilduma iraunkorrak gordetzen dituen bi altxor ezagutzeko bisita gidatuak antolatu ditu. Batetik, duela 3.000 urteko Intxurreko esku-errota, eta Arditurriko kristo aurreko I-II. mendeen arteko harrizko errota bestetik.

Emakumezkoen eskubaloia maila guztietan indartzeko erronka duela argitu du klubak, eta hainbat urtez daramatzaten proiektuari jarraipena emateaz gain, aurrerapauso bat eman nahi dute.

Antton Abadiaren aginduz 1864tik 1884ra Violet Le Ducek eraikitako estilo neogotikoko jauregiak 67.268 bisitari jaso zituen iaz. Eta aurten frantses estatuko 14 monumentu esanguratsuenen arteko finalera sailkatu daiteke. Akitania Berriko bi ordezkarien artean hautatzeko bozka epea maiatzaren 24an itxiko dute.

Maialen Caballero (Mai deitzen diote eta hala gustoko du) 28 urteko hendaiarra da, eta 10 urte daramatza tatuajeak egiten. Primeran plataformak estreinatu berri duen sukaldaritza eta tatuajeak uztartzen dituen DASTATTOO saioko gidaria eta protagonista da. Baina pantailen ospetik urrun ere, Behobian duen estudiotik azala lientzotzat duen tatuajearen artelanetan darama burubelarri sei urte.